بسم الله الرحمن الرحيم
اغرب قصة سمعتها فى حياتى و بجد لو مكنتش سمعتها من الشيخ محمود المصرى كنت قولت ان الى بيقولهالى بيهزر
سبحان الله ولا اله الا الله
الشيخ محمود المصرى حكى قصة عن اربع شباب كانوا مسافرين اسكندرية بالعربية وشربين خمرة و مخدرات ورايحين شقة واحد منهم فى اسكندرية و متفقين انهم هيجلهم بنات هناك ( والعياذ بالله) وفى الطريق وهما ماشين وطبعا كلهم شربين خمرة ومخدرات كان فى يافطة مكتوب فيها باقى على الاسكندرية 100 كيلو متر وفجأة واحد فيهم صرخ فسأله فى ايه قالهم اليفطة مكتوب عليها فاضل على جهنم 100 كيلو كلهم ضحكوا عليه وقالولو انتا سكرت ولا رحت مننا ولا ايه وفضلو يهدوا فيه لحد اما اقنعوه انه كان بيتهيألو و بعد شوية لاقوا يافطة تانى مكتوب عليها فاضل 50 كيلو على الاسكندرية لكن الولد برضو شفها فاضل 50 كيلو على جهنم وفضل يقولهم لا نرجع احسن وهما يقولوله خلاص احنا وصلنا انت والله بيتهيألك مفيش حاجة انت شكلك عايز تنام ولا حاجة فاضل 50 كيلو بس نام واحنا نصحيك انت شكلك تعبان وبعد شوية لاقوا يافطة مكتوب عليها فاضل 20 كيلو على الاسكندرية والواد كان صاحى ومش راضى ينام شفها فاضل 20 كيلو على جهنم الواد صرخ فيهم جامد وقالهم احنا لازم نرجع دلوقتى حالا قالولو لا ماينفعش انت عبيط خلاص فاضل 20 كيلو وانت بتقولنا نرجع غير كدا احنا معانا كل حاجة وفى بنات هناك واليوم هيبقى جامد وحاولو يهدو لاكن هو كان خلاص مش راضى وقالهم نزلونى هنا قلولو لا مينفعش انت عايز تنزل فين انت مش شايف الصحرا الى انت فيها قالهم انا هنزل ياعنى هنزل المهم نزل و سابهم وعدى الناحية التانية علشان يركب ويرجع القاهرة وفضل مستنى ساعة ونص لحد ماشاف عربية شاورلها وركب فيها وفضل يتكلم مع صاحب العربية وقاله انا بقالى ساعة ونص مفيش ولا عربية عدت من هنا قالو صاحب العربية اصل عند اسكندرية فيه زحمة ومحدش كان بيعدى قاله ليه قاله اصل فيه حادثة هناك عربية فيها تلات شباب عملو حادثة كبيرة و ماتوا سأله العربية شكلها ايه فاوصفهالو وطلعت عربية اصاحبه ولما رجع القاهرة جاله حالة عصبية حادة ودخل المستشفى فترة .
لاحول ولا قوة الا بالله العلى العظيم
ربنا يغفر ذنوبنا اجمعين
شكرااا جدااا
