,, ما تيجوا نعمل جمعية ,,

اهلا بكل المنساويه اللى هنا

كل عام و انتم الى الله أقرب

وكل عام وانتم بخير

اسفه علشان بقالى كتير معملتش توبيكات

بس ربنا يسهل واعرف ادخل زى الاول

موضوع النهارده فكرته لذيذه خالص

بس محتاجاكوا معايا

.. الجمعية ..

طبعاً كلنا عارفينها

زمان الجمعيات كانت بـ تتعمل لجار يكون محتاج فلوس ضرورى

أو لجار محتاج يجهز بنته أو ... أو ...

لان الناس زمان طبعاً كانت قلوبها على بعضها

فـ ممكن تلاقى الناس عملت جمعيه لواحد و هم مش عارفينه من الاساس

بس هو محتاج فلوس ضرورى

عشان كانوا ايد واحده

المهم عشان ما اطولش عليكوا

ايه علاقة الكلام ده بـ رمضان و ايه علاقته بالمنتدى العام أصلاً

لأ لأ مش اللى بـ تفكروا فيه مش هـ اقولكوا نساعد الغير و نعطى المحتاج

عشان أنا عارفه انكوا عملتوا كده فى رمضان اكيد ( ولا ايه ؟! )

أنا هـ اكلمكوا على حاجه مهمه أوى كلنا بـ نغفل عنها و محتاجينها جداً و الله

و هى :

" الدعاء "

كنا على طول بـ نطلب من أصحابنا و أهلنا أو لما يدخل رمضان انهم يدعوا لنا و شوف كمان ايه بأه :
بـ نشترط عليهم دعاء معين محتاجين ربنا يستجيب لنا فيه

و على العكس كتيير مننا اتطلب منه انه يدعى لـ فلان صاحبه او قريبه فـ يدعى لنفسه و أهله و يقول :
"اللهم آت كل من سألنى الدعاء سؤاله"

عشان يريح نفسه و يجى تانى يوم و يقولهم أنا دعيت ليكو كلكوا

عشان كده فى فكره عاوزين نعملها بما اننا فى رمضان

و لازم نستغله أحسن استغلال

ايه هى الفكره ؟

الفكره الاعضاء اللى عاوزين يشاركوا معانا هـ نخصص ساعه معينه أو عدد من الساعات

أو فى وقت فرض صلاه أو فرضين أو تلاته أو الخمس فروض

و يقوم كل الاعضاء اللى هـ تشارك معانا بالدعاء لـ عضو واحد

و الكلام ده هـ يكون بالترتيب

يعنى النهارده هـ ندعى لـ ايوب بكره هـ ندعى لفلان و بعده ... وهكذا

لحد ما الشهر الكريم يخلص

الترتيب ده هـ يكون ازاى ؟

اللى هيدخل معانا هيدخل يقول اسمه مبدئياً عشان نعرف مين اللى معانا

أعتقد الفكره وصلت

و اللى عنده اى استفسار يقولى وانا تحت امره

طبعاً أنا شايفه فى ناس كتيير هـتقول طب و ليه فرد واحد

طب ما أدعى ليكوا و الملك الموكل هـيقول لى ولك مثله ( كما فى الحديث الشريف )

أقولك :

ان الهدف اننا نجتمع على طاعه يمكن تكون سبب فى اننا ندخل الجنه

بعد ما نستظل بظل الله يوم القيامه يوم لا ظل الا ظل الله عز وجل

لو أحسنت الظن بالله وانك هـتعمل كده فعلاً ابتغاء وجهه

ربنا ان شاء الله هـيعملك كل اللى هـتطلبه منه

( الله عند حسن ظن عبده به)

تخيل كده شعورك وانت بـ تصلي القيام في بيتك أو في المسجد وأنت عارف كويس أوى ان دلوقتى في عدد ما من البشر بـ يدعو لك باسمك مخصوص و يرجو من الله أن يحقق لك كل ما تتمنى

فكر كده و قولى ايه شعورك ؟!

و أهو فرصه كل اللى فيه حاجه بينه و بين حد تانى تنتهى الايام دى
كل اللى نفسه فى حاجه ممكن ربنا يحققها له الايام دى

فرصه نعرف ازاى نحب حد فى الله من غير ما نشوفه

فرصه نعرف ندعى ربنا دعوه بظهر الغيب لحد مانعرفوش ممكن بسبب الدعوه دى ندخل الجنه

فرصه تكون الفكره دى سنه حسنه ليك و ليا لو دعوت الغير الى مزيد من الطاعه

( سنه كل من يعمل بها بعدك هـ يكون ده فى ميزان حسناتك )

طبعاً أغلب الناس هـ تقول أنا عاوزكوا تدعولى على الفطار فى ناس هتقول فى صلاة القيام و فى ناس هـ تقول فى صلاة التهجد وفى ناس هـ تقول فى صلاة الفجر و فى ناس هتقول طبعاً ليلة السابع والعشرين و فى ناس ... وفى ناس ...

كل ده هـ يترتب بعد ما نجمع بعض الاول

و لو العدد زاد ممكن نخلى الدعوه لاكتر من عضو فى اليوم الواحد

و زى ما قلت فى الاول انها جمعيه

فى الجمعيات العاديه كل الناس بتحب تقبض الاول

لكن هنا الامر مختلف تماماً و أحسن مكان فى الجمعيه هو الاخير

و هنا كله هيكون عاوز يكون الاخير

هنحاول ننظمها

مش هـ نختلف طبعاً ان شاء الله

يا ريت تكون الفكره دى عجبتكوا و نحاول نبتدى فيها بأسرع وقت

عشان الوقت بـ يجرى ورمضان فات منه كتير

اشهد الله انى ما ابتغى الا وجهه بهذا الموضوع

منتظره تفاعلكم

انا مبسوطه بجد ان انا اول واحده ارد عليكى
طبعا مش محتاجه اقولك فكره حلوه لانها بجد مش حلوه ديه جميله اوووووى وكفايا انها منك

وربنا يجزيكى خير عليها يارب
طبعا ليا الشرف انى انضم معاكى

طبعا موضوع رائع كالعاده

وانا معاكى فيه ان شاء الله

ميرسى اوى سندريلا واونلى

وان شاء الله ربنا يجازينا ويجازيكوا خير

شكرا يا سومة موضوع بجد جميل wae4

ميرسى يا مان على مرورك

نورت التوبيك

طبعا مش محتاجه انك تستنى التفاعل

لأن هى جمعيه انا اتمنى ادخل الادوار كلها

بس يااارب يتقبل والكل يستفيد

وبجد ما شاء الله عليكى

ودائما فى تقدم ان شاء الله

بسم الله ماشاءالله ياسوما عليكى ربنا يكرمك ويحميكى وجزاكى الله كل خير وانا معاكى ياقمر فى اي حاجة واللهم تقبل دعواتنا ودعواتكم wae4

ميرسى اوى يا دعاء ومى

بجد نورتوا التوبيك , ربنا يخليكوا ليا يارب

وان شاء الله هنبدأ من النهارده

فى حد هندعوله من غير ميرشح نفسه

وهو .. "" مانوس ""

طبعا انتوا عارفين الجيش واللى بيبقى فيه

ندعليه ربنا يسهلوا ويرجعلنا بالسلامه

وكل واحد زى ما عاوز يدعيله بقى

النهارده ان شاء الله فى صلاة القيام كلنا ندعيله

......

وياريت اللى يدخل يقول عايزنا ندعيله امتى

وانا هرتبها ان شاء الله

ولو فى دعوه مخصصه هو محتاجها

موضوع جميل جدااا جزاكى الله كل خير و انا ان شاء الله معاكى فى الموضوع ده
وانا مش هختار يوم انتى الى اختارى وطبعا مش هقولك تدعى تقولى ايه خليها دعوه من قلبك اى دعوه لان الى بيتقال من القلب بيستجيب على طول ان شاء الله

وشكرااا جدااا وجزاكى الله كل خير يا قمر wae4

تسلم ايدك ياسومة على الموضوع الجامد دة

جزاكى الله كل خير

ودايما متميزة ياسومة
wae4

هنعدى النهارده 2/9 فى صلاة القيام او صلاة العشاء للى مش بيصلى القيام

هندعى لـ " only_you" باى دعوه من القلب

او لو هو محتاج دعوه معينه يدخل يقول

طبعا هتدعوله باسم " محمد " مش اونلى يو

ياريت متنسوش علشان دى امانه هتسألوا عليها يوم القيامه

وميرسى اوى شيتوس وشهر زاد على اشتراكوا معانا

اختارى انتى اليوم يا سومة
انا باطلب من ربنا انة يوفقنى واخلص والاقى شغل
علشان بجد انا تعبت خلاص
وان شاء الله انا هادعي معاكم وجزاك الله خيرا

iam here

it is best topic

يارب تكونوا دعيتوا لمحمد وان شاء الله ربنا يستجيب

..
..
..

هندعى بكره 3/9 فى صلاة القيام لـ " سندريلا "

انا مش هقول اسمك الحقيقه علشان لو هيدايقك

بس ياريت نقوله احسن علشان يدعولك بيه

فلو موافقه ادخلى قوليه

ميرسى ليكى يا سومه يارب يكرمك ويجزيكى خير ان شاء الله ويارب ميكنش الدور راح عليا
لانى لسه شايفه الموضوع دلوقتى
ولا يهمك يا سومه
انا اسمى ياسمين
واسفه على التاخير
وجزاكى الله خير يارب ويجعله فى ميزان حسناتك

توبيك جميل جدا جدا ياسوما دائما في تميز ياقمر وربنا يوفقك يارب وجزاكى الله كل خير علي التوبيك الجميل دة وانا ان شاء الله معاكم

انا والله دعيتلك يا ياسمين وبدعى لاى حد بكتب اسمه

ويارب يكون الكل دعالك

ميرسى يا دمعه يا قمر

وطبعا انتى معانا

ونورتى يا قمر

طيب ممكن اقول انااا

احنا المفروض ندعى لـ soma*

صاحبه التوبيكـ

صح ولا ايه

لوعايزه دعوه معينه قوليهااا يا سوما

يارب تقبل منا دعاءنا

اولا انا بعتزر اووووى ليكو علشان تأخيرى

بس والله غصب عنى

وميرسى اوى يا اجمل دعاء وربنا ميحرمنى منك يا قمر

هندعى بقى فى الفجر لعضو

وفى القيام لعضو

علشان نلحق ندعى لاكترنا فبل ما يخلص رمضان

بكره 20 رمضان

هندعى لـ dare_devil2020 فى صلاة الفجر

وهندعى لـ D&ampH ( دعاء) فى صلاة القيام

ولو فى دعوه معينه ياريت تدخلوا تقولوها

22 رمضان

هندعى لــ ( ملكة الجمال ) مـــــــى

فى صلاة القيام

جزاكى الله كل خير يا سوما

ميرسى يا شيتوس

23 رمضان

فى الفجر .. هندعى لشيتوس ( محمود )

فى صلاة القيام .. هندعى لشهرزاد ( دينا )

26 رمضان

هندعى لــ osama_mar2e