عليا الطلاق بل التلاتة ونص !!!!!!!!!!!!!

عليا الطلاق ..

عليا الحرام ...

عليا النعمة ....

عليا الختمة ...

والمية الطاهرة ...

ويارب دمي يسيل زي المية .....

ويارب اتقطع زي العيش ...

وتربة ابويا ..

وشنب أمي ..

وحياة النبي ...

ده جزء من الحلفانات اللى بنسمعها كل يوم

كل واحد عمال بيحلف

بإيه ..مش عارف

كل اللى اعرفه انهم بيحلفوا

لكن تعالوا نقول حاجة ..

ابليس اللعين نفسه لما حلف ..حلف بالله ..

ايوة ..مستغربين ليه ...

ابليس حلف بالله

(( قال فبعزتك لاغوينهم أجمعين ))

ابليس حلف بالله

واحنا لما نحلف واحدا موحدين بالله ..بنحلف بغير الله ..

طيب لييييييييييييييييه

كان فيه مرة شيخ بيحكي وبيقول ان فيه واحد اتصل بيه وكان ده نص الحوار :

لو سمحت ياشيخ انا عندي مشكلة ..

قول يابني مشكلة ايه انشاءالله

انا كتبت كتابي أول امبارح ودخلتي بكره ..

ألف مبروك يابي وبارك الله لكما وبارك عليكما وجمع بينكما في خير

المشكلة ياشيخ ان ابويا حلف طلاق بالتلاتة ان الزفة هتخرج من عندنا ...

آه يابني وبعدين ..

أووم أبوها لما عرف حلق طلاق بالتلاتة هوا راخر ان الزفة لازم تخرج من عنده ..

ايوة يابني مشكلة والله العظيم ..

لا ياشيخ مش هيا دي المشكلة ..

امال ايه المشكلة يابني

المشكلة اني لما لقيت الوضع كده ...حلفت انا كمان طلاق بالتلاتة ان مافيش زفه خالص

ياترى ليه بنحلف بغير الله ؟؟؟؟؟؟؟؟؟؟..

وليه بنحلف بالطلاق كتير ؟؟؟؟؟ ..

موضوع هام وخطير

نطرحة للنقاش

اولا شكرا ع التوبيك
ثانيا هية حكاية تعود مش اكتر يعنى هوة الانسان اللي بيخلى نفسة كدة
وبيحاول يهرب من المشكلة بطريقة غريبة بتخلية يخسر دينة ونفسة
ودة لاصحاب القلوب الضعيفة طبعا

توبيك جميل
الحمد لله ان احنا في المسيحية معندناش طلاق الا لعلة الزنا
يعني مفهاش حلفان بالطلاق اصلا

» كيكه الطلاق
» كيكه الطلاق
» لماذا كثر الطلاق --ماهى اسبابه ودوافعه وما هو الحل
» بيقوله عليا مجنووون !!!
» كليب اروى مخبى عليا