استرجل وبطل تعاكس البنات !!!!!!!!!!!!!!!!!!!!

طبعا مافيش بنت فيكي يا مصر إلا وتعاني من المعاكسات المستفزة والسخيفة اللي بجد
تحرق الدم ومافيش حاجة اسمها معاكسة لطيفة ومعاكسة سخيفة المعاكسة معاكسة
وهي بكل أنواعها وصورها اعتداء على استقلالية وخصوصية الآخر . . طبعا في أولاد
دلوقتي هيقولوا ما هو فيه برضه بنات بتعاكس الشباب . . حنقول . . حتى لو فيه ماهي
برضه من ضمن قلة الأدب .
المعاكسة ظاهرة قديمة لكن تطورت بتطور العمر اللي إحنا عايشينه . . ده طبعا بسبب
الهاي تك ، اللي بتحاصرنا في كل ناحية يعني ممكن تلاقي رسائل على الموبايل أو رنات
أو حتى مكالمات وكمان ممكن تلاقي شباب يعمل إنه بيلعب في الموبايل لكن بقصد
تصوير البنات .. وطبعا فيه معاكسات بكلكسات السيارات والمساحة والنور .. فعلا حاجة
غريبة وسخيفة وساقطه في مجتمعنا اللي عاش ينادي بالعادات والتقاليد اللي غابت عن
عقول شبابنا .. طبعا لازم نقول إن فيه قانون بيجرم المعاكسات يعني على حسب طبيعة
المعاكسة .
المعاكسات كمان بتفرق حسب طبيعة المكان بحكم البيئة والتركيبة الاجتماعية يعني
ممكن تلاحظ أنه في الأماكن الشعبية يعاكس الشباب البنات ب " بس بس انت يا " أو "
بصراحة أحلى واحدة اللي لابسه جزمة حمرا" وهكذا .
وممكن نلاقي في الأماكن الهاي شوية من ناحية الفلوس يعني مش من ناحية السلوك ..
البنت بتتعاكس بكلام مباشر أو يتريقوا على ملبسها وممكن كمان ينزل الشاب من عربيته
ويمشي بجانب البنت ويفتح أي حوار وكأنه فعلا عارف البنت حقارة طبعا .
أو يقول رقم موبايله بصوت عال أو يحاول يفهمها أنه مش بيعاكس ويسأل على عنوان
معين وكلها حجج مصطنعة لمحاولة مضايقة البنات وخلاص .. طبعا دلوقتي كمان ممكن
تلاقي رسالة إعجاب على الموبايل أو رسالة تهديد وطبعا مرسلة من على النت علشان ما
نعرفش مين اللي باعت . . أو تصور البنات وهما قاعدين في كافيه من الموبايلات وطبعا
يتباهى البيه إنهن صحباته والأنتيم كمان .وغير كده كمان لا خد عندك مجموعه من الشباب معاهم رقم واحده اتصلوا بيها وكل واحد استلمها شويه وخد يا معلم كلام من اللي قلبك يحبه وفي اي وقت حسب الدماغ ما تطلب ويوم ما جابت واد صاحبها يرد خد اللي فيه النصيب وبزياده والله وبزياده..........بزمتكوا الكلام ده يمشي متيجي نسترجل شويه او نبد أ نسترجل ونبطل معاكسه البنات والله كله كلام فاضي وعلي فكره اللي انت بتعمله في الناس هيطلع عليك مهما طال بيك الزمن او قصر "كما تدين تدان"....طيب بزمتك ترضي واحد يبص لمراتك او لاختك وهي مشيه معاك في الشارع ....ترضي؟؟؟؟ والله ما يكفيني غير ان انا اموته وده طبعا لو كنت راجل ...وخد عندك كتير من الامثله دي .............مش نسترجل بقي ..علي رأيكوا مفيش وقت....!!!!؟

موضوع مهم فعلا
وتوبيك هايل جدا
ولازم نتوقف هنا للموضوع ده
عشان كمان المعاكسة مبقتش كلام وبس
لالالالالالا دي بقت الفاظ مش محترمة بالمرة وتؤذي البنات لما بتسمعها
وكمااااااااان بقوا بيمدوا ايديهم وحاجات بجد تخلي الواحدة تقرف تنزل من بيتها
وطبعا في ناس هتقول ما هو لبس البنات مستفز
اولا انت مالك كل واحد حر في لبسه خليك انت في حالك
ثانيا في بنات بتلبس محترم وبردووووووو بتتبهدل في الشارع
ثالثا انا عايزة افهم ايه اللي بياخدوه الشباب لما تعاكس يعني بقيت راجل مثلا يعني ولا ايه

ماهى دى بقت حجة الشباب ان لبسها مستفز

مستفز فين يبنى دى ناس جاهلة والله
وحتى لو مش مستفز والله والله المنقبة بتتعاكس
شوف وصلت للمنقبة بس حنعمل اية
دى بجد ناس متخلفة وفاضية
ومبقاش فى احترااااااام والله
الشباب كل الى بيعملة يقعد على القهوة يبص للى رايح والى جاى
دى بقت شغلتهم دلوقتى بس فعلا كما تدين تدان
وفعلا ناس بقت تكره تنزل الشارع بسبب المواضيع المقرفة دى
بجد والله حسبى الله ونعم الوكيل
وربنا يهدينا ويهدى شباب المسملين جميعا

وميرسى على مرورك ياروما
نورت التوبيك

» انوااااااااااااااع البنات فى
» استرجل ياض ....!!!!....
» استرجل !!
» اوعي تعاكس بنت ...!!. (صبح صبح )
» البنات البنات ضحكه عسل وكلام شربات