تيمــــــــــــــــــور وشــــفـــيــــقــــــــــــة

فيلم تيمور وشفيقة
اكيد في كتير منكم شافوه
والي ماشافوهوش انا حاقولكم ملخص الفيلم ببساطة جدا
تيمور وشفيقة هما الاتنين جيران متربين مع بعض ومن هما صغيرين وبيحبوا بعض
حتدور الايام وتيمور حيبقا ظابط وشفيقة حتتقدم في المناصب لحد اما تبقي اصغر وزيرة في مصر
وحيبقا تيمور ظابط الحراسة بتاعها المهم في النهاية شفيقة حاتتخلي عن كل ده علشان خاطر تيمور وعلشان شغلوا

طبعا اكيد زهقتوا وحتقولوا البيت دي داخلة تحكي الفيلم وخلاص لا ماتخافوش الموضوع الي انا عايزة اتكلم فيه ان انتم لو في الموقف ده
يعني لو انت ولد ومراتك منصبها في الشغل اعلي من منصبك ومتقدمة في شغلها جدا حتضايق وتقولها سيبي الشغل ولا حاتخليها تكمل نجاحها وتحقق طموحها حتي لو كان ده مضايقك

ولو انتي بنت واتحطيتي في الموقف ده وزوجك قالك سيبي الشغل برغم ان انتي متقدمة جدا في منصبك حتعملي ايه حتوفيقيه ولا تحاولي تقنعيه لو مقتنعش حاتعملي ايه
يا تري هل حتتخلي عن احلامك ولا ايه حيكون موقفك ؟

اكيد في كتير منكم حيقولوا الاسرة البيت والاولاد بس انا بتكلم لو ان الحكاية دي مش حتاثر علي الاسرة والبيت والاولاد لان
انا في راي الاولاد اهم بكتير من مليون شغلانة
انا عايزاكم تقولوا رايكم في الحكاية دي من ناحية مبداء شغل المراءة وتقدمها فيه
مش من ناحية الاولاد والاسرة

اتمني اشوف ارائكم
wae4

انا عن نفسى ياشهرزاد انا ممكن اسيب نفسى من نفسى
ومسبيش حبيبى مش وظيفه ومنصب
انا ممكن لو طلب منى انسى حتى حياتى الى عشتها
بحلوها وبمرها هنساها
حتى لو كان ده هيرضى غروره كراجل
على الاققل هحس انى عملت حاجه فرحته
حتى لو على حساب نفسى

انا من رأى انه عادى يعنى ان مراتى توصل لمنصب كويس

دى مراتى وشريكه حياتى يعنى واكيد هافرحلها

ميرسى لمروركم

بس انا من راى ان الشغل دة مهم جدا
خصوصا فى زمنا دة
بس الاهم انه مايشغلكيش عن بيتك وجوزك وولادك
يعنى شغلك فى كفة وبيتك وجوزك وعيالك فى كفة تانية
وعلى كلام منار احب اقولك ان لازم تعملى احتمالات لكل حاجة
وماتعمليش حاجة على حساب نفسك دة من راى يعنى
واة هو حبيبك وكل حاجة وحشيلة على راسى كمان بس ماتعرفيش بكرة مخبيلك اية
وكل واحد ولية راية ووجهة نظر بردة

توبيك حلو اوي
وانا رأيي ان الواحدة متضيعش سعادتها عشان شغل او شوية فلوس ممكن تخسرها اهم شخص في حياتها
وطبعا الحاجة دي بتبقي باتفاق بين الطرفين من قبل الزواج

توبيك جميل تسلمى يادينا وردى هو انا اهم حاجة ان يكون فى تفاهم وحب بينا وهو لو مصمم انى اسيب شغلى هسيبة علشان ارضية بس عايزاكى تعرفى حاجة انا مش هشتغل لانى مش بحب الشغل يعنى كدة او كدة مش هيزعل ابداااااااااااااااااااا

اولا شكرا لردودكم
احب بس اقول حاجه افرض ان الزوج مات لقدر الله و جه شىء وارد هى بقى تحتاس بقى وطبعا مش حقولكم طبعا اهل الزوج بيبقوا عاملين ايه اكيد عارفين هو اه مش كلهم بس المعظم
وكمان لو الزوج طلع بخيل ايه النظام
وكمان يعنى البنت تقعد تتعلم واهلها يصرفوا عليها دم قلبهم عشان تقولهم سورى اصلى بحبه يا بابا ولا مش حقدر اكسرله كلمه يا مامى
هو اه الحب مهم وكل حاجه هو الاساس الى بتتبنى بيه حياتكم بس فى ظروف مينفعش يبقى كده احسن للبنت انها متتعلمش اصلا
عموما اختلاف الراى لا يفسد من الود قضيه وربنا يسعدكم كلكم ان شاء الله ويسعدنى انا كمان معاكم طبعا اومال انتو بس 3W4