مدام شكشوك أفندي الموسوس

عارفينه
بتشوفوه.....؟؟

رفيع و طويل وعروق رقبته باينه

طول النهار ماشي بعدسه مكبرة

ويلف في الشقة يفتش وممكن يكلمها من الشغل سبع تمن مرات

-أنا وصلت بتعملي إيه؟

-لسه ما صحيتش يا شكشوكي

-شكشوكي! إنت بتدلعيني ليه؟ أكيد بتعملي حاجه من ورايا

مدام شكشوك أفندي الموسوس 873123837

-لا والله يا شكشك

-سلام عندي شغل

-سلام يا شكشوك
ويتصل تاني

تررررررررررررن

-مال صوتك

-بآكل

-بتأكلي إيه؟

-طعميه

-ومين جابهالك؟يبقى أكيد مامتك عندك
-لا
-يبقى خرجتي-لا
-أمال إيه
-مرات البواب جابتهالي

وبعد قليل
ترررررن
-انت فين يا هانم ؟
-كنت بأنشر الغسيل
-كل ده؟يبقى أكيد إبن الجيران واقف وحضرتك فرحانه بشبابك
-لا والله
-إقفلي الشباك وأنا على السماعة
-حاضر
طرااااااااااااااخ

*
*
*
لو سرحت شويه..ينط فى وشها.
أن..أن..أأأأأأأأ
-إنت ِكنتِ سرحانه
-آه
-طب فى مين... .؟؟
- مش فى حاجه فى شغل البيت
-شغل..؟؟ شغل ايه ما عنديش ستات تخرج للشغل
-أنا بأقول شغل البيت مكنسه وجردل وغسيل يعني
-آااه بأحسب

*
*
*
*
وفي أي جلسه أمام المفسديون فجأة
-هو مين؟
-هو إيه يا شكشوك؟
-إنطقي .اللى انت سرحانه فيه. أنهي ممثل فيهم أكيد مهند
ما هو خلاص الستات إتهبلت

تروح تنام يا عينى. وتحلم وهي نايمه .بالعيال وهم فرحان

فتضحك...وطبعا شكشوك كان مصحصح و شك فيه...
.راحت ناطط نطتين فى الهوا...أن..أن..أأأأأأأ..
وصحاها من النوم
-بتحلمي بمين يا هانم؟
-بالعيال
-عيال..؟؟كذابة هم دول يضحكوا كده.. اعترفي
زهقت وراحت حاطه المخده على راسها ونامت

مدام شكشوك أفندي الموسوس MSN%20(147)

شكشوك قام وجاب العدسه المكبره وبدأ التفتيش.. .. 17 جنيه...وكان معاها 23 جنيه .يبقى صرفت 6 جنيه
مممممم
بقعه زيت أكيد الطعميه.
ممممم
إيه ده يا ربى
إيه ده
مش معقول..
بونبو نايه..

وكمان بالفراوله..
لا..لاااااااا .
صحاها تاني بس نظرته ما تريحش. وبعدين شعره طاير فى الهوا وعنيه طلعت لبره.. وقال لهاوهو بيبص بطرف عينه

-البونبونايه دى منيييييييين.

-مش فاكره
-يبقى خرجتي
-لا والله

-بتخونيني يا هانم
-لا والله ده إنت حبيبي

وفي النهاية البونبوناية طلعت بريئة
بس هي بدأت تكلم نفسها
وبتسمع صوته وهو مش موجود
وبتخاف من الشبابيك

مدام شكشوك أفندي الموسوس 106294383

..
فى حياتنا دايما بيقابلنا ناس شكاكين
يا ربى انقذنى منهم

فعلا الانسان الشكاك انسان مؤذى

وبيؤذى نفسه قبل ما يضره غيره

سواء كان الشكاك دة....راجل او ست......

ولد او بنت........

زوج او زوجة.......

بس يا ترى مين مرتاح
شكشوك أفندي..........؟؟؟

واللا الأستاذ هادي المريح باله.........؟؟؟

واللا العاقل اللي واثق من نفسه وواثق في زوجته..............؟؟؟

وشكشوكة دة ....... ايه علاج شكه دة

وليه بيشك أصلا مرض ولا فطرة ولا غتاتة ولا فعلا الطرف التانى لازم نشك فيه...........؟؟

لا مش شرط يكن العب من طرف المشكوك فيه سعات بتبقى طبيعة

شكرا ليكي

هههههههههههههههههههههههههههه
جامد شكشكوك ده
انا لو اجوزت واحد زي هخنقه من اول ثانية جواز

انا اكتر حاجة بكرها في حياتي هي ان حد يشك فيا
هو ممكن اه يغير بس لازم يكون في ثقة
مرسي يادينا علي التويبك الرائع دة
تسلم ايديك ياقمر

لو الشك بقى موجود بين اتنين هيساوى الفشل بدون مقدمات

فى حاجه اسمها غيره , دى بتبقى حاجه جميله فى الحب

وكمان الشاطر اللى يغير ويعاتب من غير ما التانى يتدايق

انما عمك شكشوك افندى دا مينفعش خالص

واظن مش هتبقى حياه اللى بالشكل ده

وبرده مينفعش الواحد يبقى منفض خالص

لازم يبقى فى شويه اهتمام ناحية الطرف التانى

لو الواحد نفض وطنش دا هيبقى اهمال مش ثقه

وخير الامور الوسط

نايس توبيك يا شهر زاد

تسلم ايديكى يا قمر