احمد ومنى

السلام عليكم ورحمه الله وبركاته

ازيكم يااحلى اعضاء

موضوعى النهارده زى ماهو العنوان بيقول كده هوه احمد ومنى

زمان اما كنا بنتفرج على الافلام كنا نشوف عمنا احمد وعمتنا منى بيحبوا بعض

ويجى عمك احمد وعمتك منى عشان محدش يزعل مننا نلاقيهم على البحر كده

واحمد بيجرررررررررررررى ومنى تجرررررررررررررى(ال يعنى الحب مقطع بعضه)

تقوله حبيبى ويقولها حبيبتى

قصتى النهارده هما احمد ومنى بردوا بس هيه قصه حقيقيه بتبدأ القصه

كان احمد باشا ماشى فى الشارع وفجأه شاف منى بسم الله ماشاء الله على جمالها(تقولش عائشه الكيلانى)

احمد باشا دور على منى لغايه ماعرف هيه مين وصرحلها بحبه وهيه كمان شوف قدرته طلعت بتحبه(طب ازاى وممكن

العكس) احمد قالها mona i love you? ردت منى i love you too (حبك برص انته وهيه)

وقعدوا التنين يحبوا بعض الحب الى احنا بنشوفه اليومين دول تليفونات ومقابلات بقى والحاجات دى

وكان احمد باشا متعود كل يوم (ايوه متعوده دايما) يكلم منى قبل ماينام ( ال ايه مش عاوز يسمع صوت بعد صوتها)

وكل يوم الصبح كان بيصحى على مسج من الهانم تقوله قوم بقى ياحبيبى كفايه كده(سامحونى انك كنت طولت بس بحب

التفاصيل)

وف يوم من الايام احمد باشا كلم منى زى كل يوم وقفلوا تمام اوى

وتانى يوم احمد صحى من النوم مالاقاش المسج بتاعت كل يوم (لو نسيت بص فوق وانته تعرف مضمون الرساله)

زعل واتقهر الواد وقال مش مكلمها تانى

ولكن لان احمد حونين شويه اتصل بيها ولكن ماردتش وفجأه لقى مسج جياله قال بس البت بتعتذر بقى (عبيط مايعرفش

الى فيها)

واحمد بيفتح المسج وهوه مبسوط اوى لقاها بتقوله ( احمد احنا لازم نسيب بعض انا مااقدرش اكمل معاك)

احمد اتصدم واتصل واتصل ولكن لاحياه لمن تنادى

زعل احمد وقعد فتره مقهور وقال يمكن اهلها ضغطوا عليها عشان تسيبوا وفى يوم من الايام

ماشى احمد بالصدفه ولقى منى قاعده فى نفس المكان الى كانوا بيتقابلوا فيه ولكن مع واحد تانى

ملحوظه............ حكايتى دى مش عشان نقول ان البنات هما الى بيجرحوا ولكن ممكن يكون العكس هوه الى خصل

وانا متأكد من كده

دى مش قصه احمد ومنى دى قصه موجوده فى كل مكان بين اى ولد وبنت

حبيت انقلهالكم بالصوره دى

سؤالى هوه

هل النهايه دى سببها عيب فينا احنا؟ ولا سببها ان الحب جه فى وقت وزمان غلط ؟ ولا ان الحب بقى مجرد اسم وبس؟

يارب ينال اعجابكم
only_you

ميه ميه
الله ينور عليك يا غالى
ايه الشغل ده
تمام والله

توبيك جميل جدا ومشكور على مجهودك وفعلا الحب فى زمن غلط

جميل جدا يامحمد نايس توبيك

جميل اوي
والحب اصلا مفهوم غلط في الزمن دة

تسلم ايدك يا اونلى
بس المشكله ان الموضوع الارتباط بين الشباب والبنات كتر اوووووووووووووووووى
لدرجه ان تشوف السن الشاب او البنت لسه بدرى علشان كل واحد يفهم نفسه كويس
هو العيب مش فينا ولا الزمن بس العيب فى اننا نسينا عادادتنا واخلاقنا وبنفكر فى حاجات
لسه بدرى عليها

ميرسى اوى لمروركم

موضوع جميل اوى يا اونلى تسلم ايديك

بجد عندك حق

موضوع حلو
بس المشكله دلوقتى ان مفيش تقدير للحب
اللى يدى للحب معناه

موضوع رائع بس مفيش حاجة اسمها زمن غلط

احنا على طول العيب مننا حتى لو مش حسين بكدة

زي ما الشاعر قال

نعيب زماننا والعيب فينا و مالزماننا عيب سوانا

ونهجو ذا الزمان بغير ذنب و لو نطق الزمان لنا هجانا

وليس الذئب يأكل لحم ذئب و نأكل بعضنا بعضا عيانا

يعني ايه اللي بيغير الزمن؟

اكيد احنا
ده رأيي

توبيك هاااااااايل
تقريبا كل ده السبب وساعات بيبقي حاجا تانية كتيير
ومبقاش فيه حب زي الاول وتضحية
تقريبا الزمن اتغير وقلوب الناس اتغيرت
والمصلحة والتسلية وحاجات كده هيا اللي ماشية

نورتوا التوبيك شكرا لمروركم

لو دورت على مشاكل الحب هتلاقيها

اكتر من المشاكل بتاعت الامم العربيه

مش بهزر والله

احنا بنسمع قصص حب ومشاكل ملهاش اول من اخر

بس بجد والله قليل اوى قصص الحب اللى بتكمل للنهايه

واسباب الفشل كتير اوووووووووووووووووى

سواء ظروف الاهل والناس اللى حواليهم

والاسطوانه المشروخه بتاعت ( حبنا اقوى من الظروف دى)

خلاص مبقتش بتأكل عيش

يإما اساسا من الاول مكنش حب وكان حد بيتسلى

بس اللى اعرفه دلوقتى انه الحب الحقيقى

لما الانسان بيدخل من الباب مش من الشباك ...

نايس توبيك يا اونلى كالعاده

تسلم ايديك

ميرسى ياسوما على تعليقك الجميل نورتى التوبيك