على فكرة انت قليل الادب

عفوا ولكن سلاطة اللسان بقت شئ طبيعى

سواق التاكسى بقولة ماشى على جنب لو سمحت

قام باصصلى وبيضحك ضحكة الاهبل ماشى يا فندم (بسخرية)

بياع ف محل لو سمحت حضرتك عندك كذا آة عندى (بمنتهى الجحوشية)

بكام حضرتك

بصلى من فوق لتحت بقرف وقالى ب12 جنية حضرتك(نفس النبرة بتاعت سواق التاكسى)لكن المرة دى بقرف

نعم خير آية هى الكلمات دى دخلت جدول العيب ولا حاجة

بقى صعب تلاقى حد يقول حضرتك ويا فندم وبعد اذنك ولو سمحت

كنت لما تخبط ف حد تقول انا اسف او لموا اخذة دلوقت

مش تحاسب يا أخى(دة لو قال يا أخى)

غير انة بأه الطبيعى ان الهزار بين الصحاب شتايم يا بن ويا بن حتى البنات حصلت

ولما تقول لحد تؤتؤتؤ عيب الالفاظ دى يبصلك من فوق لتحت

ويا اما يغتى حلوة ويا نوغة يا حبيب ماما اوجاتك نيلة.......وجتك .....وانت خنقة

و......تييييييت.......تييييييييييت........تييييييي ت

ما هو مش معنى ان هيثم دبور وكركر واللمبى وبوحة بيضحكوا شوية ودمهم معقول حبة

اننا خلاص كوبى وبست طريقة الكلام اة ممكن اضحك مرة على كلام او لكنة غريبة

اراجوز أخنف بتضحك على طريقة كلامة بس لما تركز ف كلامة.. كلامة يقرف مش يضحك

لما شاب زى الفل بعلوا صوتة بيهرج مع صاحبة بشالوت ويا بن........تييييييييييييييييييييييييييييييييييت ف الشارع فين أداب الطريق؟؟

اية خلاص الادب والرقى والذوق خلاص خلاص

طب بنهرج بنخترع مصطلحات خفيفة ليها معنى بسيط اوكى كبر طنش حركات كدة عديها

توصل لقلة الذوق الى ف الالفاظ دى

معلش: كدة كتير, كدة اوفر, كدة مش صح, مش لطيف, مش نافع

اومال ولادنا بعد كدة هيعملوا اية!!!!!!!!

لو الخلق, والرقى, والجنتلة ف التعامل بتتلاشى مع الزمن

وماذا بعد؟؟!!

أية الى هيحصل بعد كدة??!!

تسلمى والله مواضيعك هدافة

لكن هنقول اية لمجتمع بيشجع الغلط

هو كلامك كله صح

بس فية اكبر سبب فى دول هى الافلام
لان من بداية فيلم اللمبى
واحنا ماسكين
ياعم الحلو......ياكتوت.....يااسطى.......هتفكك بقى ولا

وانا من ساعة الفيلم دا لقيت العيال اصحابى كانهم مجانين
والمطوات اشتغلت والبرص نفسه بقى يعرف يشيل مطوا

تانى حاجة الفيلم بتاع هيثم دبور
واحد صاحبى معايا
داخلين درس الانجليزى
فبيقول للمدرس وكان ماسك فى ايدة برشامة

قالة
اضرب دى واخبط دى
فالمدرس قالة اية دا ياد ياطاهر
فبيقولة دى حباية اسهال
دخل على مدرس الرياضة نفس الكلام
قام المدرس قايلة اطلع برة يابن ال........

مش الفكرة فى دا كلة

المشكلة ان احنا بنمسك فى التفاهات اللى ملهاش قيمة خالص

والكلام اللى انا قولتة دا خاص بالشباب
اما موضوع سواقين التاكسى مش كلهم
ودا معروف عن السواقين انهم قللاة الادب (مش كلهم بردة)

اما حكاية ولادنا واللى لسة هيعملوة دى ربنا يستر عليها وهو بس اللى يعرفها

بس لما اخويا الصغير يلاقينى بشتم او يلاقى حد فى الشارع بيشتم اكيد اكيد هيتعلم منه

وموضوعك جميل جداااا ياشهر زاد
وشكرا

موضوع مهم جدا فعلا
انا الصراحة مش بشوف احترام جامد اوي غير من خدمة العملاء بتوع شركات موبينيل واتصالات وفودافون
باقي ما باقي تحسهم هيضربوك عشان بتنفعهم بحاجة

موضوع جميل ياشاهى

فعلا الحاجات دى انتشرت اوى عيبنا ااننا مش بنفكر فى الى بنقوله بنقول وخلاص اى لفظ يطلع

نايس توبيك

موضوع جميل جدا

وبشكرك عليه يا شهرزاد

فعلا خلاص مفيش ادب كله واحد بيشوف الاسهل ويعمله

يقول بدل ما اتعلم الصح وده هيتعبنى لا الغلط اسهل

ده الحق على الرقاابه يعنى ازاى ينزلوا افلام فيها الالفاظ دى

والمعروف دلوقتى ان كل واحد عنده تلفزيون والناس بتتعلم منه للاسف

اما عن السواقين عمتا فهم معروفين

مش بيسيبوا حد فى حاله

وحتى الناس زمان ماما كانت تقولى لو فى واحده كبيره تركب المواصلات العاديه

كان الناس كلها يقومولها ويقعدوها

بس دلوقتى خلاص مفيش الكلام ده

اما عن عيالنا مفروض احنا اللى نعلهم الصح والغلط من صغرهم

وربنا يستر

كنت بتكلم مع واحده صحبتى قبل كده فى الموضوع ده

قالتلى كلمه واحده

الرجاله وادابهم راحوا من ساعه 1973 الموجودين دلوقتى اشخاص تافهه

ويا عينى عليك يا زمن

» كن قليل الادب تكسب قلووب من ذهب
» قليل الاصل
» اعلان قناة الجزيرة عن أول علامات الساعة الكبرى قبل قليل !!!!
» كمان عندي فكرة مش بطالة
» فكرة احياء الفجر فى الامة الاسلامية(هاااااااااااااااام)