خليك فى حالك ياعم الغلس انت @@:

خليك فى حالك يا غلس
ياريت اللى يقرا يكمل الموضوع لاخره لان الموضوع ليه جوانب كتير مهمة ، ولو فى حد مننا

بيعمل الحاجات دى يحاول يبطلها لانها من اسوأ العادات.

نتكلم بقي فى الموضوع.

يا جماعة موضوع الاعتداء على حرية الاخرين والتدخل فى شئون ملناش علاقة بيها ، وعدم

احترام اراء الآخرين ، والنميمة على اى حد حتى لو ماشي فى الشارع ومنعرفش عنه حاجة

بقت حاجة منتشرة وسخيفة قوى وغير محترمة .وانا اقصد بكلمة التعدى على حرية وحقوق

الاخرين الحقوق الدينية والدنيوية .يعنى مثلا الراجل اللى بيشرب سجاير فى اى مكان يدخله ،

دة واحد بيتعدى على حقوق الاخرين فى الراحة فى المكان اللى هما فيه، هما مش داخلين

عشان يتخنقوا او يتضروا صحيا.دى حاجه .

وحاجه تانيه .

الناس بقي اللى بتسأل فى اللى ملهاش فيه خالص دى يعنى مثلا.

1هو انت متجوزتش ليه لحد دلوقتى؟

هو انت ليه سايب شعرك كده ؟ ده كبير أوى !

هو انتى ليه بتحطى ميكاج

2هو انتى مش محجبة ليه؟

3هو انت ليه لابس كدة؟

3هو انتى ليه متلبسيش اسدال؟ (الإسدال نوع من انواع الحجاب )

4هو انت ليه متحاولش تبص كدة فى القرأن وتقارن بين الدين الاسلامى والمسيحى (الاسئلة

فى الموضوع دة كتيرة اوى اوى واشكالها مختلفة)

5 الست دى ماشية كدة ليه؟

6هو الراجل دة لابس كدة ليه؟

7ايه دة ايه حد فى الدنيا يلبس احمر على ازرق؟ دة طبعا واحد بينم على واحد ميعرفوش

اصلا .

8هو ليه مش بيشترى هدوم كتير ويغير فى لبسه؟

9دى اكيد بنت قليلة الادب طالما ماشية مع اولاد؟ (وطبعا ممكن تكون ياعينى ماشية مع

اخوها ولا خطيبها ولا جوزها )

10هو انتوا ليه اتطلقتوا؟

11ولما تيجى تتكلم فى الفون تلاقي واحد متعرفوش اصلا بيقللك كنت بتكلم مين؟

12هى ليه بتتكلم فى التليفون وهى ماشية فى الشارع ؟.. يا عم دى بتتمنظر علينا، آل

يعنى محدش غيرها معاه موبايل. (على اساس انه متأكد انها بتتكلم عشان تغيظه مثلا)

13انت ليه بتحب النوع دة من المزيكا ؟ (سؤال غبي طبعا)

14انت ليه مدايق اوى كدة ؟ (ولو قال مثلا مفيش حاجة مدايقانى او قال معلش دى حاجة

خاصة اللى قدامه يزعل ويتخنق ويقول دة بيتكبر عليا مع إن تبقي ممكن علاقتهم مكملتش

اسبوع)

15انتى ليه تخينة اوى كدة ؟ ( متخسي)

او انت ليه رفيع اوى كدة ؟ (انتى لازم تتخن شوية

مع ان اللى بيقول كدة دة ممكن يكون مفيش علاقة بتربطه باللى قدامه ابدا )

16انتى ليه صابغة شعرك اللون الغبي دة؟ (طبعا هنا مفيش احترام للاذواق خالص)

17هو انتى او انت مرتبط ؟؟ (بردو ممكن حد حشري يسألك السؤال دة وهو ملوش علاقة بيك

ولا حاجة خالص)

18انت على فكر رأيك متخلف جدا؟

(هنا طبعا مفيش اى احترام للاراء ودى جملة بس مختصرة فى اشكال كتيره من الكلام اللى

مفهوش احترام للاراء)

19انت ليه مبتقلش السلام عليكم؟ ليه بتقول مساء الخير؟

دى بعض الجمل لو قعدت اقول فى جمل زى كده مش هخلص.

الجمل دة ممكن نقبلها من حد قريب قوى مننا ،انما مش من اى واحد كدة يسأل فى اى

حاجة.

دى حاجة حاجة تانية مهمة قوى بقي،سواقين التاكسي الرغايين اوى دول اللى الشكوى زادد

منهم قوى ، نفسي يرحموا أ نفسهم من التدخل،يعنى مثلا وحدة ولا واحد يركب معاه ،يبتدى

، هو انت بتشتغل ايه هو انت مش عارف ايه؟؟

هتقللي ناس طيبين وغلابه ، حأقول لك ماشى . بس ميتكلموش فى حاجات شخصية.

فهل الناس مش عارفين كلام ربنا ((( يَا أَيُّهَا الَّذِينَ آمَنُوا لا يَسْخَرْ قَومٌ مِّن قَوْمٍ عَسَى أَن يَكُونُوا

خَيْرًا مِّنْهُمْ وَلا نِسَاء مِّن نِّسَاء عَسَى أَن يَكُنَّ خَيْرًا مِّنْهُنَّ وَلا تَلْمِزُوا أَنفُسَكُمْ وَلا تَنَابَزُوا بِالأَلْقَابِ

بِئْسَ الاِسْمُ الْفُسُوقُ بَعْدَ الإِيمَانِ وَمَن لَّمْ يَتُبْ فَأُوْلَئِكَ هُمُ الظَّالِمُونَ ))

نايس توبيك ياشهر

موضوع حلو أوى يا قمر

بجد جميل

وعندك حق من ده كتير أووووى

محدش سايب حد فى حاله

نايس توبيك يا قمر

هههههههههههههه
لا تعليق غير كدة عشان ده بيقابلنا كتييير اوي

شكرا ليكي

موضوع جميل اوي
وموجود فعلا
تسلمي دينا علي المجهودة الرائع دة

فعلا احنا بنقابل ده كل يوم فى حياتنا وبنلاقى ناس بتتدخل فى حياتنا بطريقه غريبه

نايس توبيك ياشهرزاد تسلم ايديكى

موضوع مميز

نايش يا شهر زاد

ثانكس ياشباب على مروركم

» ياعم يا بتاع البطاطا
» فيلم " خليك فى حالك " بطولة احمد عيد نسخه dvdrip وعلى اكتر من سيرفر ..
» مبادىء الغلاسة اللى يجب توافرها فى الغلس
» دع الأمور جانبا وأبكي على حالك
» كبر دماغك ياعم !!!