انتى فاهمة انتى بتعملى اية ؟؟؟؟؟؟؟؟؟

هدخل ف الموضوع على طول عشان موضوع مهم اوى
مينفعش تاكل سكر كتير وتقول سنانى بتوجعنى ليه
مينفعش تضرب كلب بطوبة وتقول عضنى ليه
مينفعش تكونى ملفتة للنظر وتقولى هى الناس بتعاكسنى ليه
لأن مش هينفع نكون كلنا محترمين لازم يكون فى حد مش محترم
ده قانون الدنيا
لكل فعل رد فعل
و نظرية الخير و الشر
انا عاوز اللى يختلف يختلف معايا فى الحتة ديه بس انما انا معنديش استعداد اختلف معاكو فى واقع مش هيتغير اللى هو السلوك الوحش سواء من البنت او الولد
عاوزين نتيجة يبقى كلنا نحترم نفسنا مش الراجل يحترم نفسه
و البنت تعمل ما بدالها
حل ده ايه بقى ان المجتمع نفسه يكون مترابط . مترابط ازاى ان واحد مثلا شايف ان البدى التوب والكت والجينز المحزق حرام ووجهة نظره صحيحة 100 % و متقدرش تقوله لا فمتطلبش منه انه يلتأم فى المجتمع المترابط وانت بتتجاهل الطلب الاساسى ليه ان البنات تلبس لبس محترم اللى هو صحيح 100%.. هتقول البنت حرة تلبس اللى هى عاوزاه هيقولك لا حريتها بتضرنى وانا كمان مضطر اكون حر وأضرها
كل اللى بطلبه ان البنت تتحرك مع الولد خطوة بخطوة ده غلط ؟
اى حاجة تحصل غير كده صدقونى بجد مصر بعد كام سنة هتبقى نظام دويلات صغيرة كل دويلة لا تمت بصلة للتانية وكل واحدة فيهم رافضة تسمع التانية ناس هتكون متدينة شوية وناس قالعة خالص وناس بتتمرجح فى النص
و عليه العوض
احنا مش بندي بكلامنا رخصة للولد انه يعاكس بنت مش ملتزمة في لبسها
لأ طبعا
الولد مطالب انه يغض بصره عن اي بنت ماشية في الشارع حتى لو ماشية بمايوه
بس هي مطالبة انها تحافظ على نفسها
ومش بس على نفسها
مطالبة انها بحريتها الشخصية اللي بتتكلم عنها ما تاذيش الشباب اللي ماشيين بأنها تنشر بينهم ان معاكسة البنت اللي مش ملتزمة هو عقابها على عدم التزامها
ماتشيلش كل واحد ماشي في الشارع سيئة لمجرد النظر ليها ما بالك لو كلمها ولا عمل اللي اكتر من كده
كده الموضوع خرج بره دايرة الحرية الشخصية وأصبح ضرر عام

ده رأيى ويشرفنى انكم تناقشونى سواء كنتم متفقين مع رأينى أو مختلفين
المهم اننا نبقى في النهاية وصلنا لحاجة

بصى يا شهر زاد ...

طبعا مفيش بنت مبتتعاكسش

شويه يقولوا البنت السبب هى اللى لبسها مش عارفه ماله

وشويه يقولوا الولد هو السبب مش بيغض بصره ليه

انا والله احترت

بس الاولاد والله مش بيسيبوا حد سواء بنت لابسه محترم

او لابسه بادى كات وبنتاكور

وكمان فى ناس بتقول البنت بتلبس كده علشان تتعاكس ..

طيب انا عندى واحده صحبتى لبسها اوفر شويه

بس ملهاش فى اى حاجه وبتنحرج من اققل حاجه

بس هى اتعودت تلبس بالشكل ده

مش شرط بتلبس كده تبقى بنت عايزه تتعاكس

مش عارفه والله مين السبب ولا ايه المفروض اننا نعمله

توبيك جميل ومحتاج كلام كتير

تسلم ايديكى يا قمر

توبيك رائع بس بجد الولاد مش بيسيبوا البنات فى حالها حتى لو بنت ملتزمه لازم برده يستفزوها بكلمه وبجد بقت طريقه وقحه من ولاد المفروض انهم ولاد بلد ويخافوا على منهم
طبعا كلامى عن فئه معينه من الشباب يعنى مش كل الناس زى بعضها زى ما فى حلو فيه وحش
وربنا يرحمنا من عنده ويهدى الجميع لما يحبه ويرضاه

شهرزاد ..توبيك فعلا ليه هدف ..

لكن زى ما البنات بتغلط . الولاد برده بيغلطوا

علشان انا شوفت واحدة منقبة وبتتعاكس

متهيالى كدة مفيش حجج للولاد

انتوا كلامكم صح جدا

بس انا من نظرى ان احنا بقينا فى زمن متخلف

وطريقة تفكير الناس بقت بطريقة متخلفة

واصلا محجبة او مش محجبة لبسة ضيق او واسع

بردة بيحصل الحاجات دى وزى ماسوسو قالت

حتى المنقبة بتتعاكس يعنى دى بقى بتبقى ناس متخلفة

وماحدش بيسيب حد فى حالة وبجد حاجة بقت لا تطاق وتنرفز

وياااااااارب يهدى الجميع

» اى امراءة انتى
» طيب تيجى انتى تاخدى مكانها, حاجه غريبه
» اختارى اللى انتى عايزاه
» لو مرحبتوش بيا هلم هدومى وأمشى
» عيد ميلاد العضوة Meno كل سنة و انتى طيبة و عقبال 100 سنة