انا قرفان وضايق انا قرفانه ومضايقه

السلام عليكم ورحمة الله وبركاته
ازيكم يا اجمل اعضاء في الدنيا
ياااااااااااااااااارب تكونوا بخير وصحة وسلامة

انا هدخل في الموضوع علي طول لاني مش لاقي مقدمة اكتبها بصراحه

الضيق والاكتيأب والوحده
اصبحوا من سمات الشعب المصري
سواء كنا فعلا كده او لالالالالا

وكأن الحياة لا يوجد بها ما يدعو للبسمه والتفاءل
رغم ان الحياة لوحدها كفايه ان الواحد يفرح انه بيتنفس وعايش وبياكل ويشرب وعايش حر
كلمتين الناس كلها بتقولهم علي الفاضي والمليان اللي عنده مشكلة بيقول واللي مش عنده بيقول والهدف واحد
كسب ود وتعاطف من حولنا
احنا شعب بنحب الصعبنيات اوووي
بنحب نصعب علي اللي قدامنا
حتي لو بالكدب المهم ان اشوف في عينه نظره حزن وشفقه علي احزاني الذي لا وجود لها وانا من اصطنعتها
رغم انك لو سمعت هتلاقي ان مشكلته بسيطه جدا جدا
وهو اللي كبر الموضوع
الناس دي مش بتبص حواليها مش شايفه اللي بيحصل لناس غيرها
ناس بتنام في الشارع
ناس كل امنيتها انها تشرب بوق مايه
ناس نفسها تمشي بحريه في الشارع من غير حد ما يرفع في وشهم سلاح ويقولهم ممنوع التجول دلوقت
ناس اصبحت جلد علي عظم من قلة الاكل
ناس عايشه مهددين في اي لحظة بالضرب بيناموا مفتحين عينهم
ناس وناس وناس
الامثله كتير اوووي يا جماعه بس اللي يفكر

والله احنا في نعمه ومش حاسين بيها كفايه اننا لاقين المايه النظيفه
لاقين رغيف العيش هو صح ملوش وش من ضهر بس موجود عندنا وغيرنا مش لاقي العيش الناشف حتي
بنمشي براحتنا في وقت احنا عاوزينه من غير حد ما يقول لنا ممنوع
ماشين بحريه من غير ما حد يرفع في وشنا
سلاح من غير ما نسمع ان في حظر تجول بعد الساعه 12 وهو غريب قاعد في بلدنا بالقوه

بس احنا للاسف عندنا حجود نعمه

عاوز اقول للناس حاجه
لما تدخلوه البيت فكروا في شعب الخيام
لما تيجوه تشربوه او تفطروا افتكروا اهالي الصومال والمجاعات
لما تصحوه من النوم بدري وتبقوه مضايقين انكم منمتوش براحتكم افتكروا الناس اللي مش لاقيه حيز تنام فيه افتكروا الناس اللي بتنام مفتحه عنيها
افتكر كده وانت قاعد تردد الشعارات انا عندي مبدا ومصر هي امي وتشتم في الحكومه وهما سيبينك في ناس مبقاش من حقها الكلام اصلا او ابدأ الامر

يعني عندنا كل حاجه ايه اللي بيخلي الواحد مكتأب ومضايق ووحيد
صحابه ...احبابه ...زي ما في الوحش في الحلو
وبعدين ما انت اللي بختار ولا حد فرضهم عليك
انتقي الاول الاصحاب والاحباب واختار صح وبتأني وساعتها هتلاقي ان مفيش حاجه تستدعي انك تكتأب او تعيش وحيد غير حاجه واحده بس

الـــــــــــــــــبعــــــــــد عـــــــــــــــن ربـــــــــــــــــــــنــــــــــــــا
دي فعلا اللي الواحد لازم يزعل عليها لان احنا مجناش الدنيا نحب ونشتغل احنا جينا بهدف العبادة فقط

شكرا

بجد موضوع تحفة

تسلم ايدك

شكرا لردودكم وتعلايقاتكم الجميله

كلامك كله مظبوط
بجد توبيك اكتر من رائع
تسلم ايديك