محمود فتحي
مشرف المنتدى العام
المشاركات : 3476
العمر : 34
السٌّمعَة : 1
نقاط : 443
تاريخ التسجيل : 07/03/2008
 | موضوع: أنــا ميـــن ؟!....  الأربعاء 24 يونيو 2009 - 9:16 | |
| أنــا ميـــن ؟!....
جربت قبل كده وإنت بتضرب " الجل " بتاعك قدام المراية تسأل نفسك " أنا مين ؟ " ، هتقول لى يا عم الموضوع سهل جداً ،
وتكر لي زي البربند بيانات بطاقتك الشخصية وتسمعنى قصيدة كائن يعيش ويتعايش ! ،
هقولك " انا مش بتاع ضرايب وعايز بياناتك الشخصية !! "
أنا بقولك " إنت مين قدام نفسك ؟ "
طبعا هتهرش فى دماغك المرة دى وتقول لي
" أكيد شاب كويس وبقدس الحياة الزوجية "
وترص لي شحنة إيجابيات الناس كلها بتقولها لما بتتزنق ! . وبرده مافهمتش سؤالى ! ،
اللى أنا عيزه بقى إنك تقعد قعدة حظ كده مع نفسك وتدعبس جواك بشويش ، بس ممكن برده ما تعرفش تحدد أنت مين بالظبط !!
وحتى إن وصلت لإجابة مش هتبقى مقنعة ، وفى الأخر هترجع تقول لى برضه " مش عارف ! " .
طب عرفني انت يا عم الفيلسوف!
هقول لك " مينفعش غيرك أنت بس اللى يقدر يعرف " ،
لكن ممكن - عشان خاطر العيش والملح - هديك الطريقة اللى ممكن تخليك تعرف بيها ، خليك معايا .
الحكاية يا سيدى إن اتنين مع علماء النفس " جوزف لوفت " و " مارى هينغال "
سيبك من الأسامى متدقش
المهم ركز بس
عملوا بحث اسمه " نافذة جوهاري " مش الجوهرى بتاع الكورة
البحث ده بيقسم الشخصية إلى أربع جوانب :
" قسم مفتوح "
وهو شخصيتك اللى بياخدها الناس عنك من أول نظرة .
" قسم بداخلك " :
بيمثل شخصيتك اللى الناس بتاخدها عنك لما يعرفوك ويتعاملوا معاك كويس .
" قسم مختفى " :
وده بقى اللى جواك أنت وعارفه بس مش قادر توصله للناس اللى بتتعامل معاهم ،
ويمكن ده اللى بيسبب لك مشاكل فى تعاملك مع الأخرين .
" قسم خفي " :
وده غير المختفى وما تبقاش عارفه ولا حد من اللى حواليك كمان عارفه ! ،
ومابيظهرش غير فى لحظات الضغط لما تلاقى نفسك بتتصرف بطريقة جديدة عليك ماكنتش أنت أو اللى حواليك متوقعينها
وبتفضل معاك وبتضاف لشخصيتك بعد كده .
وعلى أساس الطريقة دى ، أقعد مع نفسك شوية ، وحاول تفكر بإيجابية ، ولازم تبقى الصراحة رفيقك فى الحكاية دى .
عرفت أنت مين بقى ؟ ، ولا لسه بتقول لى إنك ما وصلتش لحل مع نفسك أو طريقة للتعامل مع اللى حواليك
وحاسس إنك مش راضى عن نفسك ولا عن أى حاجة فى حياتك ؟
نعيد من تانى
أول خطوة :
اقعد مع نفسك قعدة إيجابية واسأل نفسك الأسئلة دى وجاوب عليها بكل صراحة
هو أنا راضى عن اللى بعمله فى حياتى ؟؟ طب هو أنا بحب إيه وبكره إيه ؟؟
طب إيه اللى فى حياتى عايز أنساه ؟؟ وإيه اللى عايز أفتكره ؟؟
إيه هى نقاط ضعفى ونقاط قوتى ؟ إيه أهم وأحسن صفاتى ؟؟ وفى الأخر هو أنا شخصية مرغوبة أو مقبوله من الناس ولا إيه ؟؟
تانى خطوة :
أنا مين فى عين الآخرين ؟؟ كلمة كبيرة ؟
طب أنا مين فى عيون اللى يعرفونى ؟؟
جرب اجمع عشرة من أصحابك اللى بتثق فيهم وقريبين منك واسألهم :-
إيه اللى بتحبوه من أفعالى وإيه اللى مش بتحبوه ؟؟ إمتى بتحبوا تكونوا قريبين منى وإمتى بتبعدوا ؟
إيه هى مواقفى السلبية والإيجابية ؟ إيه مهاراتى واللى أنا شاطر فيه ؟؟
طب شايفين حاجه نقصانى ممكن تغيرنى وتخلينى أحسن ؟؟ طريقة تعاملى معاكم أخبارها إيه ؟؟
حاول تاخد إيجابات من كل واحد منهم على انفراد ،
وتجمعهم وتشوف أنت مين فى عيونهم ، وماتزعلش من أى نتيجة لأنها هتكون نقطة بدايتك الحقيقة اللى هتعرفك أنت مين ؟
| |
|
همسـ@ أمل
مانوسى سوبر عضو
المشاركات : 1452
العمر : 29
ساكن فين؟ : فــــ أحلامي ــــــــي
بتشتغل اية؟ : طــــــــــــــالبة
منساوى ولا منساوية ! : 
السٌّمعَة : 7
نقاط : 1056
تاريخ التسجيل : 30/07/2008
| | موضوع: رد: أنــا ميـــن ؟!.... الأربعاء 24 يونيو 2009 - 14:21 | |
| موضوع رائع وفعلا عندك حق فيه حاجات كتير في شخصيتنا منعرفهاش
شكرا ليك | |
|
