مفيش صاحب يتصاحب

ارجوكم متزهقوش منى فالتوبيك دا وارجو المشاركة لانى بجد تعبت من التفكير فالموضوع دا طبعأ كل واحد فينا عندة اصدقاء واصحاب وياريت نكون عارفين بجد يعنى اية صاحب فالزمن دا هل الصاحب هو الى يفضل يقول انت صح انت كويس فكل حاجة انت صاحبى الوحيد وخروج وفسح وغيرة وغيرة ولا الصاحب الى يفضل يقول انا الوحيد الى فاهمك وحاسس بيك وانا الوحيد الى فاهمك وهو اصلا مش عايز غير مصلحتة ولا الصاحب هو مين انا بجد تعبت وسامحونى لانى قلت مفيش صاحب يتصاحب بس دى للاسف الحقيقة دلوقتى وفالزمن دا الى مبقاش يعرف حاجة اسمها مشاعر ولا قيم ولا علاقات انسانية تعالو كل واحد فيك يحسب كدا عدد الناس الى ممكن يسميهم اصحابة ويحاول كدا يعد كام واحد منهم صاحب

الصاحب الى بجد هو الى يقولك فوشك انت غلط لما تغلط
الصاحب الى بجد هو الى يخاف عليك فوقت متكنش حتى انت خايف على نفسك فية
الصاحب الى بجد هو الىي بقى ليك زى مرايتك الى تشوف فيها حقيقتك
الصاحب الى بجد هو الى يسامحك حنى لو اخطأت فحقة ويعرف ان كل انسان ممكن يغلط
الصاحب الى بجد هو الى يبقى حتة منك فتفكيرك فأحساسك ويبقى بيكملك
الى ميقعدش يقول فكلام ويقول دا انت اقرب ما ليا وانا مليش اصحاب غيرك ومبتكلمش غير معاك وهو فالحقيقة حاطط سكينة تلمة على رقبتك او خنجر فظهرك

انا للاسف ملقيتش الصاحب دا لغاية دلوقتى اتوهمت كتير انى لقيتة بس للاسف كل مرة كنت بتجرح بطريقة غير التانية ياريت تقولولى اية رأيكم ويارب مكنش طولت عليكم وزهقتكم معايا

REY3W

بص ياباشا انا مش معاك فى جمله مافيش صاحب يتصاحب

لان ساعات بيكون الصاحب ده اكتر من اخوك بينصحك ويرشدك ويرجعك لعاقلك

اذا كنت انت مالقيتش الصاحب ده فاكيد فى يوم هتلاقيه يامعلم وصدقنى الدنيا لسه بخير

اسف ان كنت طولت عليك

وانا معاك فى نفس الرأى أونلى

الف شكر على مروركم يا شباب بس متزعلوش منى انا فعلا لسة ملقيتش الشخص دا ومعتقدش انة بقى موجود فالدنيا ديا بس ياريت يطلع كلامكم صح ومحدش فيكم يكتشف ان هى دى الحقيقة

انت ممكن تجارب الصحوبيه اللى انت مريت بيها

هى اللى خلتك تقول كده

وانت مش غلطان علشان انت قولت على اللى انت شايفه

بس بجد انت لو اخترت الصديق ده صح .. هتعرف ان الصحوبيه دى

من غيرها مش هتعيش

متحاولش تقنع نفسك بالمقوله اللى قولتها دى حتى لو كانت دى الحقيقه

حاول تدور فى اللى تصاحبه على مميزاته قبل عيوبه

وصدقنى لما تختار الصاحب اللى بجد

هترجع وتقول كلام غير اللى قولته ده

وربنا يوفقك يا كنج

الف شكر على مرورك يا سومة نورتى الموضوع وانا مقتنع بالى انت قلتية بس انا حتى لما باخد شخص على انة صاحبى مش ببص على عيوبة او مميزاتة ولا هاخد اية من ورا صحبيتة بس بأكتشف فالنهاية انى كنت غلطان والف شكر على مرورك

» حصريا:-مصطفى قمر و اغنية(مفيش فايدة)من فيلم مفيش فايدة HQ
» مين صاحب اغلى دمعه
» انا صاحب كلمه منوس!!!
» هل رغيف الخبر هو صاحب الازمة في مصر
» فنادق الدنمارك ترفض ايواء صاحب الرسوم المسيئة للرسول الكريم