شاعر كاجوال
مانوسى جديد
المشاركات : 14
العمر : 32
منساوى ولا منساوية ! : 
السٌّمعَة : 1
نقاط : 35
تاريخ التسجيل : 14/05/2009
 | موضوع: امتى نقدر نقول....stop....يا مولانا...!!  الجمعة 15 مايو 2009 - 16:38 | |
|
| ************************************************** **
السلام عليكم
موضوع كده نَقَحْ علىّ ..
أنا لاحظت من فترة مش كبيرة قوى إننا كتير جدا بنعترض على فتاوى أو آراء أو تفسيرات لشيء في الدين ..
والاعتراض بيبقى على الرأي ويمتد كمان لقائله.. !!
تلاقى واحد مثلا بيقول .. الشيخ فلان ده أخطأ في المسألة..
وواحد تانى يقول من حقي اعترض طالما ربنا اداني عقل .. !!
وواحد تالت يقول ياعم الدين يُسْر وواضح مفيهوش شئ غامض عشان نحتاج لواحد ييجى يوضحه ويشرحه .. وأنا أفهمها وهى طايرة بالَفَكَاكَة كده .. !!
ياحلاوة ..!!
طيب يا جماعة أُمَّال الشيوخ اللي قضوا فترة طويلة جدا بين الكتب والمراجع وأقوال أهل العلم من السلف والخلف دول لازمتهم إيه .. ؟!!
بالشكل ده لازمتهم الوحيدة إننانعترض عليهم وبس.. !!
السؤال هو : إمْتَى يبقى من حقي أعترض على فتوى أو رأى في تفسير شيء معين ..؟
أولا..
أناعشان اقدر أتكلمفي الدين لازم أكون مؤهَّل لكده ..
لو الأمر متعلق بغيبيات يبقى لازم أكون مُلِمّ إلمام تام بالنصوص الواردة في الموضوع ..
ولو متعلق بالأحكام والحلال والحرام .. تبقى كمان أصعب وأصعب.. لازم أكون مجتهد عشان اقدر اعترض .. !!
وفى فرق بين إني اعترض من دماغي وبين إني أنـقل اعتراض إمام من الأئمة على رأي معين ..
لأني بكده أبقى مش أنا المعترض .. أنا كده مجرد واحد بيستفسر وعايز يعرف إيه الصح ..
طيب لو واحد قاللى ياعم ربنا اداني عقل.. مفكرش ليه بيه..؟!!
أقوله تمام ..
فكر بس بالطريقة اللي حددها العلماء..
والعلماء لما حددوا طرق .. استنبطوها من طُرُق واردة عن النبي (ص) والصحابة والتابعين .. يعنى مش بيألِّفوا من دماغهم في لحظة صفا وتعميردماغ .. !!
فكّر بس في مجال تخصصك .. !!
لو الموضوع مجرد عقل وإن عشان الإنسان بيعرف يفكر يبقى مش محتاج للعلماء المتخصصين .. مكانش يبقى فى لزوم لإرسال الرسل والأنبياء نهائيا .. !!
متستغربش .. !!
مهي الناس بِتْفَكَّر وحلوة .. ربنايبعت رسول ليه بقى ؟.. !!
ده أبو جهل كان ذكي جدا .. وكان "بَلْوَى مسَيَّحَة" وعقله يوزن بلد .. !!
ليه ربنا مقالش كفاية على قريش دماغات زعماءها اللي كل العرب بيعملوا لهم ألف حساب؟!!
وبرضه مكانش يبقى في لزوم لوجود مهندسين وأطباء وصيادلة .. طالما كله بالعقل..
يبقى الموضوع مش موضوع عقل وخلاص ..
لأ .. ده في حدود وفي خط أحمر ..!!
صحيح العقل مطلوب ..
بس لابد وضروري جدا كمان من احترام التخصص .. !!
مقدرش أنا - وأنا متخصص في علوم الشرع- أناقش مهندس كهربا في تخصصه إلاعلى سبيل الاستفسار.. مش على إني ندّ ليه وأعقّب على كل كبيرة وصغيرة .. لأني مش مؤهل أساسا ..
كذلك غيري - اللي تخصصه غير علوم الشرع والدين - ملوش الحق انه يناقشني مناقشة النّدّ للنّدّ .. طالما إنه غير مؤهل..
مقصدش بالمؤهَّل إنه أزهري..
أقصد إنه على الأقل يكون تعلم قدر كبير من علم الشرع والدين .. وطلب العلم على إيد شيوخ كتير واستمر معاهم لفترة كبيرة..
احترام التخصص مهم جدا ياسادة..
وسبحان الله ..
اشمعنى الطب والهندسة والفيزياء محدّش بيألّف فيهم ويفتى ..؟
ليه الفتوى في الدين أصبحت حرفة كل الناس..؟
طيب هل لمجرد إني أنا عندي عقل اعترض وأتمسك برأيي..؟
مش ممكن ..
في الوقت ده إنت مش حر تختار انك تعترض أو توافق..
إنت مكلف باتباع إمام تطمئن لفتواه ..
لأنك غير مـــــــؤهـَّــل
ولوأصريت على تفكيرك تبقى ممن يفتون في الدين بغيرعلم ويتبعون الهوى..
واحد تاني ممكن يقوللي يا شيخ .. في مسائل معروفة لدى الجميع .. إزاي اسكت ومقدرش اتكلم ..
هو نظام كهنوت يعني ولاإيه؟
أقوله صبرك بالله ..
مش نظام كهنوت..
لكنه نظام تخصص محكم ..
ربنا سبحانه بيقول في كتابه العزيز (وَمَا كَانَ الْمُؤْمِنُونَ لِيَنفِرُواْ كَآفَّةً فَلَوْلاَ نَفَرَ مِن كُلِّ فِرْقَةٍ مِّنْهُمْ طَآئِفَةٌ لِّيَتَفَقَّهُواْ فِي الدِّينِ وَلِيُنذِرُواْ قَوْمَهُمْ إِذَا رَجَعُواْ إِلَيْهِمْ لَعَلَّهُمْ يَحْذَرُونَ) الكلام ده معناه إن مش كل واحد يقدر يبقى عالم ويفتي .. في طائفة متخصصة في كده ..
كمان قول الله ..(وَلَوْ رَدُّوهُ إِلَى الرَّسُولِ وَإِلَى أُوْلِي الأَمْرِ مِنْهُمْ لَعَلِمَهُ الَّذِينَ يَسْتَنبِطُونَهُ مِنْهُمْ) فيه دليل على إن مش كل الناس تقدر تستنبط من النصوص الشرعية ... والنبي صلي الله عليه وسلم في حديث آخر يقول (رُبَّ مبَلَّغٍ أوعَى من سامع ورُبّ حامل فقه إلى من هو أفقه منه)
ده معناه إن الناس درجات في الفهم ..
والتخصص بيرفع أسهم الإنسان في المجال اللي بيتكلم فيه ..
وعشان يبقى عندك حق الاعتراض: لازم تكون عارف مداخل ومخارج الفتوى ..
وده يستدعي إنك تكون عالم باللغة العربية وعلومها والخاص والعام والمطلق والمقيد والمفسر والمجمل والمحكم والمتشابه والمجاز والاستعارة والطلب والإنشاء والكناية والتشبيه والتصريف ..
وحافظ للقرآن الكريم وعالم بأسباب النزول والناسخ والمنسوخ والمكي والمدني وأقوال العلماء في التفسير..
وحافظ كتب أحاديث الأحكام على الأقل .. ومش مجرد حفظهم .. حفظهم ومعرفة علم الرجال والعلل والتاريخ والناسخ والمنسوخ والأسباب وأقوال الأئمة ..
وتكون عارف مسائل الإجماع .. والفقه المذهبي بكل فروعه ..!!!!!!!
يعني الموضوع مش سهل عشان تقدر تعترض ..
ممكن واحد يقول طيب هو اللي بيفتي عارف ده كله ..
هقوله المفروض اننا نقدم حسن النية .. وطالما اللي بيفتي متخصص نظن فيه الخير.. وأمره إلى الله ..
وحتى لو ثبت إنه مش مؤهل .. ده ميعطينيش الحق في إني أنا كمان أدخل المعمعة ..
هو يغلط يتحمل نتيجة غلطه .. انا اغلط زيه ليه.؟
أتمنى أكون قدرت أوضح النقطة ديللناس..
وكلامي عااااااااااااااااام للناس كلها مش لحد معين .. عشان محدش يفهمني غلط ..
وربنا ينفعنا وينفعكم وينفع بينا وبيكم |
| |
|
