بلدي وبحبها بس واخد على خاطري منها

بسم الله الرحمن الرحيم

السلام عليكم ورحمة الله

كلنا أكيد بنحب بلدنا قوي لأننا مش قلالات الأصل بس ساعات وممكن يكون على طول

بنشوف منها حاجات مش ولا بد بتتضايقنا الموضوع دا عشان نقول فيه ايه اللي مضايقك ف بلدك؟

يمكن نقدر نلاقي حل وحتى لو مالقيناش ممكن كلمة تغير فرد والفرد يغير جماعة

ونوصل ف الآخر لبلدنا بالصورة اللي بنحبها ونفسنا نشوفها عليها

أرجو التفاعل

فعلا احنا بنحب البلد دى اوى والله

بس حاجات كتير اوى بتحصل فيها واحنا قاعدين ولا بنتحرك

شباب بالملايين قاعد من غير شغل

عشان تيجى تخلص اى ورق من مصلحه حكوميه لازم يطلع عينك بالروتين بتاعهم

شباب كتير مش لاقى يتجوز

نظام تعليم فاشل والكل يشهد انه فاشل

جامعات كلها كوسه

حاجات كتير اوى المفروض تتغير فى البلد دى

شكرا لموضوع واسف لو كنت اطلت عليك فى الرد

نورت التوبيك يا اونلي طول براحتك يا باشا

انا شايفة ان مصر حلوة بس الي " فوق" هم الي مخربينها
لأن طالما " الكبار" مش نسؤولين أي حد تحت ايدهم مش
هيبقى مسؤول ..عشان كدة ناس كتير شايفة ان البلد فوضى..
لأن مفيش حد أصلا بيتحمل مسؤولية
كله همه نفسه وبس

شكرا ذا كوين بس بردوا مش كل حاجة علي الكبار اه انا معاكي ان معظمهم معندهمش ضمير و مش بيحبوا البلد دية بس بردوا في ناس مش بتحبها او بتبين ان هيا بتحبها بس الحب مش بالكلام ابدا
حب البلد دة ليه افعال و دلائل يعني تعمل بحبك ليها و لو الناس عملت فعلا هيلائو كتيير جدا من البلاد دية و مش هيبقي في حد يقدر يخون او يخرب حاجة لان الي بيحبوها هما الي هيبقوا كتير