وده حال طلاب كليه هندسه

ازيكم يا حلوين وحشتوني مووووووووووووووووووووووووووووووت
انهادره جايبلكم مفاجاه
انا شوفت معااااااااااناه طلاب كليه هندسه في الامتحانات
يلا اتفرجو وقولولي ايه رايكم


إذاعة هندسة الاسكندريه
بث حي و مباشر لأخبار الطلبة و الامتحانات

امتحان الرياضيات
المراسل: إيه إخبار الامتحان؟
الطالب: الشهادة لله الامتحان جه اكتر من ممتاز والمسائل كلها من دماغ الدكتور و مفيش واحدة منهم موجودة في المنهج
المراسل: آه هو ده الإبداع و الابتكار اللي بنقول عليه تسلم دماغ الدكتور
طب ده أنا شايف واحدة طالعة بتعيط؟ و واحدة أغم عليها
الطالب: آه دموع الفرح والتانية مصدقتش إن الامتحان جه سهل فأغم عليها

امتحان الوصفية
المراسل:النهاردة بقى امتحان سهل و الطلبة بتحبه لما نشوف كدة الطلبة عملوا إيه
المراسل:ها يا باش مهندس إيه الأخبار؟
الطالب:أنا بحب اطمن كل الناس الامتحان جه زى الفل و في مستوى المعيد المتوسط و الصراحة اللجنة كان فيها كل وسائل الراحة والمساعدة يعنى مثلا كان في مسالة الصفحة ماكافيتش فيها لقينا الديسكات عشان نكمل الرسمة
المراسل: يا سلام خدمة خمس نجوم مش موجودة في أي هندسة تانى

امتحان الفيزياء
المراسل: تعالى يابنى يا بتاع كل مرة ها يا حبيبي إيه أخبار الامتحان؟
الطالب:هاهاهاها...امتحان قال..هاهاها ده امتحان يحلو عم اينشتاين بصباع رجله الصغنن طب أقولك حاجة بس بيني و بينك المعيد يا عيني كان واقف جنبي مش عارف يحل كلمة مسكين فضل يشد في شعره
صوت ناس كتير اوييييييييي


المراسل: إيه ده؟ دى مظاهرة
الطلاب: إحنا بس عايزين نوجه إهداء للدكاترة
هتمرد على الوضع الحالي
مش هسهر و هذاكر تانى
ولا عمري هفكر أنى انجح
ولا حتى في أجمل أحلامي
قدامى آداب و تجارة
ولا عمري هفكر في عمارة
وهاقضى أيامي اللي جاية
يا بحشش يا في إيدي سيجارة

و ننقل لكم الكارثة الشنيعة


امتحان تاريخ الهندسة
الامتحان جاء سهل و مباشر
يتكون من 3 أسئلة
بس و اللي وضعه الدكتور رمسيس .. دكتور المادة
و للأسف ما كملوش عشان كان عنده عرض في المتحف
و جات العربية خذته
و صرح مصدر مسؤول
إن التصحيح سيتم بشبر الكتابة
أيوة شبر الكتابة
اكتب أكتر .. فرصتك في النجاح تكبر
و سألنا طالب هنا عن الامتحان

كان رده: أنا مش هقول غير حاجه وحده بس


كان أولى بيا النوم لكني صحيت

و هذا يدل على تفاؤل الطلاب


كما نحب أن نوضح إن الامتحان جاء مختصر جداً
و الدليل سؤال مختصر جدا :
اكتب باختصار ما لا يقل عن 15 سطر بس
و كان رد الطلبة : قال اكتب باختصار قال فيما لا يقل عن 15 سطر
طب و جيه على نفسه ليه كده
ده أنا ناقص كنت أكتبله استشهاد بأبيات شعرية
و آيات زى موضوع التعبير
و يجب أيضاً أن نوضح نقطه هامه
و هي الإجراءات الأمنية لمنع الغش
و اللي كانت حازمه جداً و هي
أي طالب يحاول يستعبط و يقول عايز يروح الحمام يجب أن يمر بالآتي

1- يطلع كل اللي في هدومه

2- يتفتش 5000 مره

3- يمر على الكلب البوليسي
4- لو كان لسه عايش يسمح له بدخول الحمام


كلمه أخيره من الطلاب
إهداء مننا للسنة الإعدادية
أنا رايح فين ،، أنا راجع تاني
أنا مش هنساك ،، و لا قلت انساني
و كلمة أخيره للامتحانات

أعمل ايه،، فاللي أنا حليته
و اللي انا سبته فاضي ،، مش هبكي عليه

فمشيت و نسيته ,, و بالمقبول أنا راضي

منقوووووووووول

ههههههههههههههههههه
الله فى العون

مشكووووورة