ارجوكم ساعدوني

السلام عليكم

انا بجد محتاجه رائيكم جدا لاني مش عارفه اعمل ايه في مشكلتي دي
انا حبيت شاب من حوالي سنه وشهور هو بيحبني جدا وطيب جدا جدا جدا وانا كمان بحبه
رغم اني عارفه انه فيه عيوب كتير اولها انه اصغر مني بشهور وكمان من الصعيد مع احترامي طبعا للصعيده بس فكره انه صعيدي ان بس الصعيد بعيده عن بلدي
كمان حصل انه رسب في كليته السنه اللي فاتت فبقيت اكبر منه بسنه دراسيه
هو الولد الكبير في اخواته عنده اخوات بنات اكبر منه متجوزوش يعني عندهم في الصعيد لازم يجوز اخواته البنات الاول وبعدين يفكر في نفسه
دا غير كمان انه لسه عنده جيش
هو ماديا متوسط عنده الشقه وكل حاجه بس كمان فيه مشكله ان اساسا والدتي رافضه اني اسكن في الصعيد
انا الحمد لله ربنا مديني قدر من الجمال كبير بس هو حبيبي مش جميل بس انا بحبه جدا رغم دا كله
وكل المشاكل والصعوبات دي وطبعا اهلى معندهمش علم بالموضوع دا
المشكله بقى اني متقدملي واحد اكبر مني بتلات سنين وجميل جدا وابوه مليونير وهو نفسه برضه معاه كليه اداب متدين وعلى علاقه كويسه بربنا
اهلى ضغطين عليا جدا اني اوافق عليه انا شايفاه ان اي بنت تتمنى ترتبط بيه
عقلي يتمنى اني ارتبط به بس قلبي مش جايبني لدا انا بحب الانسان الاولاني ومتعلقه بيه بس انا عارفه اني اهلى مش ممكن يوافقوا بيه دا بعد ما يجي بعد اربع سنين كمان على العلم ان العريس الجديد دا عايز اننا نتجوز في اقرب وقت
دلوقتي يا جماعه انا محتاره اوي بيم فلبي اللي بيعشق حبيبي دا وبين عقلي اللي نفسه يرتبط بالانسان الجديد دا
وكمان صعبان عليا حبيبي ومش عايزه اجرحه لاني عارفه هو اد ايه بيحبني

انا محتاره اووي يا جماعه ارجوكم ساعدوني وقولولي الحل

بصراحة مشكلة تحير وناس كتير واقعين فيها

عايزة رأيى : قولى لحبيبك ان فى واحد متقدملك وشوفى رد فعلة على الموضوع ممكن ياخد خطوة ايجابية ويجى يتقدم برضة وساعتها انتى تختارية

صمت الذكريات اهلا بيكى انا اسراء

راى انك تخدي اللى اتقدملك...... لية؟؟

اولا الحب دلوقت مش حياكل عيش حتحبوا بعض شوية وخلاص ...

لكن انتى تشوفى عيالك حيتربه ازاى ?

حيكونوا احسن من لما تعيشى مع اللى انتى بتحبى ??

وكمان صعب انك اصلا تتجوزى ..

المشكله واضحة وحلها سهل

خدى العريس الجديد

وربنا يقدم اللى فيه الخير

ازيك يا صمت ..؟؟

انا رأيي تصلي استخارة الأول في العريس اللي متقدملك ده وشوفي ربنا هيهديكي لأيه ...!!

بس انا شايف انك ترتبطي باللي متأدملك ده احسن ..

انا رايى من راى مانوس قوليلى للى بتحبيه وشوفى هيعمل ايه لو قدر يجى ويتقدم اختاريه

اما لو اتاخر فوافقى على العريس

وصدقينى الايام هتنسيكى الحب ده

انا رأيي من رأي احمد مين احسن من ربنا هيحبلك الخير
صلي استخارة و شوفي

بعد كل المشاكل و القوائق اللي انتي قولتيها دي
بلاش تكملي معاه
واحسنلك توافقى على العريس
لان زي ما انتي قولتي انو متدين وعلاقته حلوة بربنا
وكمان اهلك موافقين عليه
اقولك حاجة صلي صلاة استخارة وان شاء الله ربنا هيوفئك

زائر

حبيبتي معندش الا كلمه واحد صلاه استخاره انتي يا روحي استخيري و ربنا ان شاء الله هيدلك

على الصح فين و صدقيني الصلاه في المواقف دي بتنفع جدا و يا رب يحصل الي فيه الخير

مساء الخير حبي اني رايي بالموضوع انو تاخذين الي تقدملك لانو الحب موكلشي بهاي الدنية يعني الي تحبيه ميملك غير الحب اما الي راح تتزوجيه كلشي يملك عدا الحب ويمكن ينزرع الحب بيناتكم لمن تتزوجون....................

الاميرة النائمة

راى انك تاخذ اللى متقدم ليكى وصدقنى هتنسى الحب الاول

ان شايفه ان تقبلي العريس التاني ومش بقول كده علشان انا مش في الموقف لا بس علشان ما تندميش حبك للشخص الاول ممكن يكون تعود ممكن حبيته بس بصي لقدام هتقدري تواجهي اي مشكله ولو هتقدري وتستحملي الحياه هناك كوني قويه وواجهي الناس كلها لو اترددتي للحظه اقبلي العريس التاني وانا من طريقه كلامك انا حاسه انك متردده اقبلي التاني وعودي نفسك عليه وهتحبيه وهتحبي الحياه وانتي بتقولي انه كويس علي العموم ربنا يوفقك دايما وفي الاخر هتاخدي اللي مكتوب ليكي

أنا رأى أنك تخدى اللى متقدملك
فى حد قالى أتجوزى اللى بيحبك وعايزك مش اللى أنتى بتحبيه وأنا عن نفسى مقتنعة بيها جدا
وربنا يوفقك إن شاء الله

انا متهيالي تقبلي العريس مش علشان غنى او غير الحاجات دى كلها بس اقبلي لانك متعرفيش ظروف حبيبك وممكن اهله اصلا ميوافقوش بس نصيحة بجد وافقي

» ارجوكم ساعدوني في موضوع الجامعات الخاصة في مصر
» حصريا لعبة Need For Speed Undercover 2009 كاملة بمساحة 4.11 جيجا :: وصلات متعددة ومباشرة
» زيدان: زملائي ساعدوني على التأقلم .. وعلاقتي بالجماهير أفضل