بنوتة حلوة بمريلة

وته حلوه بمريله
بشريطه حمرا
عاليه ..طايره في السما
شايله الكتب
و معاها حبة اسئله
سحابه حيره ....و العيون مِتْبَرْجِله
..و هي لسه صغيره..
من يوم ما نور الشمس فتح جفنها
شافت بنات ....كتير من سنها
لكن حياتهم هيصه.. ضحكه ...و مَرْجَحَه
بابا .....و ماما ......و الغناوي ...مُفْرِحَه
كلمتين ......بس المعني ما تعرفهمش
عاشت عمر ..........ما حستهومش
حلمت بضليله ... بيت ... أم ...و عيله
لكن
احلامها منها تتسرق
و الليل يموت ....
علشان فجر بكره يتولد
و تصبح من جديد
تربط الشريطه الحمرا
و الدمع يدبل
في العيون السمرا
و تشيل الكتب ..
.و تكتر من تاني الاسئله
و تخرج من البيت
اللي عاشت فيه مِتْبَرْجِله
راجعه تعيش الحقيقه .....الاصدق
ووراها باب يتقفل ..............
... اتكتب عليه كلمة
م
ل
ج
أ