مشكلة صعبه وعايز حل

السلام عليكم
فى مشكلة عاطفية بس بعد اذنكم محدش يزعل او يرد رد قاسى
المهم فى شخص حب انسانة من على طريق الشات واتعرف عليها وهو اعجب بشخصيتها وبقلبها لكن المشكلة هى كدبت عليه فى ديانتها وهو اسمه احمد
فى اختلاف فى الديانات بس المشكلة انها بقت حياته ومش هيقدر يبعد عنها لو ممكن فى حل بس ميكونش قاسى ياريت الرد
وشكرا ليكم
مشكلة صعبه وعايز حل 267824

اول حاجة ازيك يا معلم معانا ..

تاني حاجة بأه انا رأيي ان الحب ده مينفعش ... مش عشان هية مش من نفس دينه وبس ودي لوحدها كفاية ... عشان كمان كدبت عليه ..!!

ومفيش حاجة اسمها بقت حياته وميقدرش يستغنى عنها .. ده اتعرف عليها من على النت امال لو كان شافها وقابلها وعاش معاها قصة حب ..؟؟؟

ياريت تكون فهمت أصدي ...!! والحب ده مينفعش ممكن يكلموا مع بعض بس اصحاب مش اكتر ..!!

يارب يكون رأيي كويس

ومستنيين راي ياسمين ..

انت بتقول محدش يرد رد قاسى

اقولك بقى ليه انت بتقول كده ؟؟

علشان انت متأكد ان الحقيقه قاسيه ومش عايز تصدقها

ومصمم تعيش نفسك فى الوهم

انا مش معترض على اى حاجه غير انها كذبت عليك

وخصوصا فى حاجه زى دى

وكمان متدخلش نفسك فى مشاكل انت فى غنا عنها

انت متعرفش اهلها دول متعصبين لديانتهم ولا فيهم ايه

وكمان لازم تقابلها على الحقيقه الاول ,, يمكن احساسك يتغير من ناحيتها

ودا غالبا اللى هيحصل

مش هتطيق تشوفها بلبسها , وانت متعود بين اهلك على لبسهم الاسلامى

انت ممكن تزهق من ردى بس والله لو فكرت بعقلك هتحلها

انا هقولك حاجه واحده الاخت سومه قالت ما فيه الكفايه
لو هتقدر انت تعبش كدا
وتتعود على طباعها وتنسى اللى اتربيت انت عليه
يبقى خلاص
وفى الاخر استفتى قلبك وحكم عقلك

بص يابرنس ماتزعلش من كلام زمايلنا اللي في المنتدي لأنهم لما حد بيشاركك منهم فقصده في الاخر مصلحتك انت أولا مش أكتر .

وبعدين انا مششايف ان الموضوع ده ممكن يستمر لأن الغلط موجود من الأول وما بني علي باطل فهو باطل.
أظن ان موضوع الديانه ده يمكن يكون اهم من إسم الشخص اللي انت بتكلمة علي الأقل في مجتمعنا .
ودي بداية غير مبشرة مهما كان . لان دي انسانه ابتدت حياتها معاك بكدبة .
فلك ان تتخيل ايه اللي ممكن يكون جاي............................؟
متزعلش ...بس الكلام الصح ميزعلش .اخوك محمدرشوان

انا شايف ان اى حد يحب حد من ديانه تاينه دى مش مشكله خاااااااااالص وعاديه جدا

بس بجد الكدب فى الاول دا اللى مشكله ومينفعش خالص

ثانيا اكيد هيدخل نفسه فى مشاكل هو فى غنى عنها يبىق م الاول خلاص لكن لو ضامن ان الموضوع هينجح فعادى

وبعدن بردو احنا ساعات لما بنحب بنكدب عشان منزعلش اللى بنحبه دا بيبقى حب بس بردو بيبقى كذب يا ريت تكون فهمتنى

السلام عليكم ورحمه اللـــــــــــــــــه

بعد أذنك طبعا ارجو منك انك تتقبل رأينا فى حل هذه المشكله

وحاول ان تتقبلها منا بصدر رحب كأخ غزيز عليـنا wae4

وبعديـن عندى سـؤال انت ازاى مش تقدر تعيش من غيرها ده كل كلامكم على النت

ازاى وثقت فى شخصيتها وليـه مش تكون بتمثل عليـــــــك

ما هو اللى يكدب مره يكدب 1000 مره

واسمحلى كان فى حد اعرفه مر بنفس المشكله دى وكانت على الواقع بقى مش نت

وكانوا على اتم الأستعداد لعمل اى شىء ميبعدهمش عن بعض

كل واحد طلب من التانى انه يبعد عن الاخر مـده معينه

ويشوفوا مشـــــــــاعرهم هيحصل لهم ايه

طبعا فى الفتره دى كل واحد اتعرف على حد من ديانته وحبه ودلوقتى بيقولوا احنا ازاى

فكرنا بالشكل ده REY3W

وصدقنى دى من الواقع وتكررت كذا مـره

واكيـــــــد ده مجرد اعجـــــاب ومع مرور الوقت هيروح

ونصيحه من اختك فى اللـــه لا تفكر بقلبك فقط (امال ليـه ربنا خلق لينـا العقل )

حاول ان توازن بينهما

السلام عليكو الاول
يا
جماعة انتو مصعبين الموضوع على الراجل لية

اية يعنى لما يتجوز وحدة مش على ديانتة بلعكس دة ممكن بعد كدة يخليها تئسلم ويبقا هو كدة كسب سواب كبير وبعدين كويس انو مش هو الى ديانتة كانت حاجة تانية وهى الى مسلمة

وبعدين انا عاوز اقولة حاجة بردة ( امة مسلمة خير من امة مشركة ولو اعجبتكم ) فخليك احسن فى المسلة ودة كلام الله عز وجل

والله ولى التوفيق

بص يا سيدى

اللى يسهل عليها تكدب فى حقيقة ديانتها يسهل عليها تكدب بعد كدة فى اى حاجة

اوك انت مش عايز رد قاسي لا بس لازم الحقيقة توجع علشان لازم تصدقها

بس انا من رايي ان مينفعش واحدة انت بتقول انت بتحبها وكمان من الشات ومع العلم ان حب

الشات ده او من النت حب خيالي ونادر جدا لما بيتحقق وتكدب عليك في

الديانة على اساس يعني انها مكانتش تعرف ان انت مسلم من الاول وبعدين الي بيكدب مرة

واحدة عندي استعداد يكدب طول عمره وانت بتقول انها بقت حياته صدقني لو هي الي بتحبه بجد

مكنتش كدبت عليه اصلا ومن رايي انو يسيبها ويبعد عنها لانو لو اختار انو يغفرلها او يقدر

يسامحها يبقى هو بيديلها فرصة انها تكدب عليه تاني وتالت وربنا يعوضه ببنت الحلال الي

تسعده

انا عندي رأي ممكن كتير يخالفوني فيه..
انا رأيي انها ممكن تكون مظلومة ..لأن عالنت الانسان بيبقى متعود يخفي شخصيته الحقيقية بس لما حبتك قالتلك الحقيقة .. ودة مش غلط..
الغلط ان انت سمحت لنفسك مالاول بحب النت ..
لانه عمره ما بيكون صادق مالبداية

[size=18]شكرا ليكم يا جماعة
وانا اسف لان ردى كان متاخر شوية وانا انشاء الله هقوله وهو فعلا لازم يحكم عقله
ومتشكر ليكم يا جماعة
شكرا ليكم بجد ربنا يخليكم [/size]

على فكره دا مش حب لانه كدا عمل بالمللي ذي اللي واحده كلمتوا في التليفون واعجب بصوتها او ذي طفل صغير شاف لعبه فحب ياخدها

الحب تبادل مشاعر مبني على الصدق في الاول والاخي يا زعيم

بص ان هقولك رأيي انا شايفه انه مينفعش خالص ومش بعارض علي العلاقه من النت بس كمان كل اللي علي النت بيكدبوا مش عارفه ليه بس الا الديانه لان ممكن فعلا الواحد يتعلق بحد من حتي طريقه كلامه بس شايفه ان لا بلاش العلاقه دي احسن وراجع عقلك كويس هتلاقينا علي حق بس حاول ما تتعلقش مع حد من النت

» حل مشكلة الرابيدشير الجديدة ( مشكلة الصورة )
» انا زهقت وعايز اسافر اسرائيل
» عاصم عضو جديد على المنتدى وعايز يتعرف على الاعضاء
» مشكلة كبيرة جدا
» عندى مشكلة كبيرة