مهزله فى حفله تامر حسنى فى المنصوره و البنات اغمي عليها ادخلوا التفاصيلشوفوا

ازيكم يا جماعه
انا جايبلكم اخبار الحفله اللي اتعملت ف المنصوره
و كمان المهزله اللي حصلت هناك
و انا هحكيلكم ع اللي حصل عشان
انا كنت هناك

الحفله كانت منظمه كالاتى
البنات تكون فى ارض الملعب لواحدها جمب الاستدج والشباب على المدرجات لاعدام اى مشكله ممكن تحصل فى الحفله زى الحفلات اللى بتحصل ودى بصراحه حاجه عجبتنى اوووووووى من التنظيم
المهم بدا الدى جي يشتغل على الساعه 6 او 6 ونص تقريبا مع ياسر الحريرى وقدم عرض جميل جدا
بعديها مش عارف شخص كان ماسك المايك بعد عرض ياسر والاغانى اللى كانت شغاله وفضل يسخن فى الشباب ويقول تامر بيقول عاوز ارض الملعب كله يكون مليان والشباب كلها تنزل والكلام ده
ومن هنا حصلت فوضى كبيره اووووووووووى
وان الشباب كانت بتنط من المدرجات لارض الملعب ودون اى مراقبه من الشرطه وطبعا الملعب كله بنات
قبل ما تامر يدخل بحاجه بسيطه يعنى على الساعه 9 تقريبا بدا ازدحام شباب وبنات مع بعض بطريقه غبيه
وبنات بتصرخ وشباب بتزدحم بطريقه عشوائيه
تامر وصل وانا وشباب اللفرز كنا موجودين ورا الاستدج مستنينه لحظه دخوله وكان باين عليه التعب جدا
وبعدين دخل تامر حسنى والازدحام بدام
بعدها باغنيه طلع شاب طبعا حضن تامر وسلم عليه والامن كان هايمنعه ولكن تامر قاله سيبه وسلم عليه
بعديها حصل ازدحام بطريقه غبيه من الشباب على البنات وبدات من هنا الكوارث
تامر وقف الحفله لان فى بنت اغمى عليها وبنات بتقع على الارض والشباب طبعا بيدوسو عليهم ومنظر زباله اوى
وتامر مش عارف يغنى
وجم منظمين الحفله يتكلمو والشرطه دخلت وتمنع الناس على قد ما تقدر برضو مفيش فايده كل شويه بنت تقع ويغمى عليها والاسعاف شغاله
وتامر اتخنق وبرضو الدنيا كلها تكلم الناس والشباب ترجع ورا مفيش فايده
وانا ببص لتامر فى عينه لقيه نظره حزن ودموع فى عينيه
وتامر مكنش عارف يغنى وكان هايمشى واتخنق
لحد ما الناس هديت شويه واول ما بدا فى الغنا تانى
شاب نده عليه وقله فى خناقات تحت الاستدج
وتامر وقف الحفله تانى قال يا جماعه مينفعش اللى بيحصل هنا
انا جاى النهارده عشانكو مش عشان نشوف الطريقه اللى بتحصل دى
وانت شباب وجامعيين
وبرضو مفيش فايده فى الكلام
والتزاحم مستمر
وهادى عادى منظم الحفلات يتكلم ويزعق مفيش فايده
والمسؤل عن اسبوع شباب الجامعات اتكلم برضو مفيش فايده
وكان منظر مآساوى بصراحه
وتامر مكملش بعدها نص ساعه وكان لازم يختم الحفله دى
لانه لو كان استمر كان هايبقى فى كوارث والناس اللى بتقع فى الحفله دى كان ممكن يجرالها حاجه
والحفله الحمد لله عدت على خير
بس مكنش خير ابدا اللى كان فيها
وده ملخص للحفله ككل
واى كلام حصل زياده مظنش انه كان فيه
مع تحياتي

cabbo

وايه اصلا اللى يودى بنات حتت زى دى

مليانه شباب
فيستاهلوا اللى جرالهم


تسلم ايدك يا كابو

منه الله فتحى كتب:

وايه اصلا اللى يودى بنات حتت زى دى

مليانه شباب
فيستاهلوا اللى جرالهم

والله مش دي النقطه يامنه
المفروض ان في نظام ولو كان النظام اتنفذ مكانش حصل ده كله
فده يعتبر شيء عابر
لكن منجيش نقول هم اللي غلطانين -يستاهلوا اللي جرالهم.
لا غلط احنا لازم ندور علي ان الناس دي مشغلطانه
لإن ده من حقهم انهم يبقوا موجودين
ونظبط النظام اللي وصل الموضوع لكده

ومشكور ياكابو عالتوبيك
وآسف اني قمت بالرد علي منه بدالك