بمناسبه عيد الام "انا بكره امى "

حوار بين صديقتين

~ ~ ~ ~

صدقيني

هي عمرها ما حبتني

و لا هتحبني

و أنا والله عادي عندي

من كثر ما بكيت عالموضوع

غسلت دموعي جروحي

و بقا في قلبي فراغ

لا حب و لا كره و لا أي احساس

لا مبالاة يعني

صدقيني

هي مسحتني

و خلتنى شماعة

تعلق عليّ كل شر بحياتها

صدقيني

ليه مش مصدقانى؟؟

يمكن علشان دايما ببالغ

أو يمكن لأنك اخترتى انك

تصدقي الكلام الحلو منى وبس

أو يمكن ملّيتي من كثر

ما حاولتي تساعديني

فبطلتي تحاولي

يئست مني

عجزت تفهميني

أو يمكن لأن اللي بقوله

مش بيتماشى مع واقعك

( غريب عنك )

بعيد منك

ممكن ؟؟

ازاى تقدر وحدة زيك تفهم

إنه أنا مش بحب

أمي

و لا هي بتحبني

~ ~ ~ ~

بجد بتبقى مأساه كبيره اووووووووووى

لما البنت تحس انى مامتها بتكرهها

او لما تبقى مش متوافقه مع مامتها

انا والله قابلت بنات مش بتحب مامتها ومكونتش قادره اصدق

معتقدش انى فى ام بتكره بنتها , طيب الاحساس ده بيوصل للبنت ازاى ؟؟

وايه رد فعلك لو كنت مكان البنت اللى صحبتها بتشتيكلها ؟؟

عايزه اعرف رايكم فى الموضوع ده

اولا سوما الموضوع هايل بجد

انا عن نفسى كتييير اوى بحس انى ماما مش بتكرهنى
لا مش مهتمية بيا او مش واخدة بالها منى زى ما كانت بتاخد بالها فى الاول

وبقول ايه اللى غيرها ولما كمان بحس انها مبقتش تسمعنى

مبتحاولش تسمعنى وده بيخلينى اضايق منها كتير

بس برجع وبقول ديه امى وكلمة امى غالية اوى

بس لما برووح اشكيلها واقلها اتغيرتى معايا انتى مببقتيش تحبينى

بتقلى فى ام مبتحبش بنتها ساعتها مش بعرف ارد عليها
بس بجد ماما غالية عندى اوى وعمرى ما عرفت انام وانا زعلانة منها

ياااااااااارب ما يجيب زعل خااااااااالص

نيس توبيك سومااااااااااااا

شكرا يا سومه على الموضوع الجميل دة

وعايزة اقول ان مستحيل الام تكرة بنتها
هوة ممكن يكون مفيش بينهم لغه حوار
او فرصه للتفاهم مع بعض
لكن مفيش ام مبتحبش بنتها

وانا عن نفسى بعشق امى لدرجه فوق ما تتخيليها
عشانها طيبه وكل حاجه فيها جميله

وبقول لكل واحدة حاسه بالاحساس دة ان والدتها مش بتحبها
ياريت تحاول تقرب منها اكتر
وتقولها على اللى جواها
وايه اللى هيا عيزاة عشان يكون فى تفاهم

وشكرا ليكى يا قمر

شكرا يا سومة

ميرسى اوى يا هايدى ومنه ومحمود على ردكم

واى بنت بتكره مامتها هتحس بقيمتها لما تتجوز ومتلقيش حد حنين عليها

ولو لفت الدنيا كلها ولفت على البشر كلهم

مش هتلاقى حد يضمها وتحس بالحنان معاه زى مامتها

ثانكس مره تانيه على مروركم

توبيك جميل جدا ياسوما تسلم ايدك
بسي فعلا مهما حصل مفيش ام بتكره اولادها هوة ممكن ميكنش في صداقة او فرصة للنقاش زى ممنة قالت
بسي الواقع ان كل ام بتحب اولادها جدا وبتخاف عليهم هية ممكن تنشغل عنهم بعض الاوقات بسي دى مش معناة انها بتكرههم
شكرا ياسوما دايما مميزة ياقمر

ثانكس يا دمعه يا قمر

بجد انا بيسعدنى ردك اووووى

مفيش ام طبعا بتكره بنتها

ومفيش ام بتتمنى لبنتها غير كل خير

واى بنت تفكر فى غير كده تبقى غلطاااااااااااااااااااااااااااااانه

لان لو لفينا الدنيا كلها ما هنلاقى حد يحبنا ويخاف علينا زى الام

ميرسى يا سوما على التوبيك الجميل

موضوع حلو اوى سوما
تسلمى عليه
بس الام دى حد غالى اوى عندنا
واحنا بالنسبه ليها الدنيا كلها
فهى لو يوم اتغيرت ده عادى اكيد هترجع تانى
لان مفيش ام تكره اولادها
وانا مع كول بيبي فى كلامها
اى بنت تفكر كده تبقي غلطانه
واكيد بكرة هتكون ام وهتعيش الاحساس ده

ريهام وايموو

ثانكس بجد على ردكم ورايكم الرائع

اتشرفت بردكم يا قمرات ,,

رائع يا سوما موضوع هايل

توبيك تحفة يا سوما.. تسلم ايدك
انا بالنسبالي مفيش اغلى من امي.. وعمر ما بنت هتفكر ان ماماتها مش بتحبها هترتاح ابدا
لان الام دي اغلى حاجة.. بجد مقدرش اعيش من غيرها

ربنا يخليلنا امهاتنا يا رب

انا بقه ماما غير خالص

ساعات كتييييييييييييييييييييييير جدا بحس انها مش طايقة تشوفني و حتى لما اقولها حاجة تفمني غلط خالص حتى في اتفه الامور و ده بيدايقني اوي و لما تعرف انها غلطانه و لا كان حصل حاجة
و بتهياللي الاهالي كلهم كدة

بس مع كدة برده لسه بحبها اوي و بقولها على كل حاجة في حياتي مع اني ببقا عارفة اني هرجع اندم!!!!!!!!!!!

نايس توبك

ميرسى سوما ع التوبيك بس امى احلى حاجه فى دنيتى حتى لو كانت مش بتتدخل فى خصوصياتى ولكن روح قلبى دائما وابدا

شاعر , كوين , همسه , نور

ميرسى على مشاركتكم وردكم

ويارب يخلى امهات المسلمين كلهم

ويحفظهم من كل شر