رأيـك إيـه فـي مـصـر ؟؟

بسم الله الرحمن الرحيم
ازيكم عاملين ايه يارب دايما بخير

كل فترة كده بتجيلي فكرة موضوع

النهارده حبيت اتكلم معاكم عن رأينا في مصر

طبعا ناس كتير مش عاجبها الحال اللي احنا فيه

وكتير تانيين يقولك احنا احسن من ناس تانيه كتير

في مصر حاجات مش كويسه ورافضنها وفي برده حاجات جميله وكتيره جدا

انا عايزك تخرج اللي جواك ناحيه مصر (( من الاخر ))

تقول اللي عاجبك وبتحبه وفي نفس الوقت تقول اللي خنقك منها

ايه كمان الشكل اللي نفسك مصر تبقي عليه

موضوع كبير جدا ومهم ويعتبر باب لمواضيع كتيرة

وانا هقول اللي عاجبني واللي مش عاجبني في مصر بس الاول اشوف رايكم

الموضوع جميل

انا رأييي في مصر انها أم الدنيا .. وبجد انا رحت اكتر من بلد عربي وملقتش طيبة في اهلهم زي ما لقيت في طيبة اهل مصر

يا جماعة مصر دي كنز بس احنا مش حاسسيين بيه .. واحنا اللي بايدينا نخليها حلوة او نخليها وحشة

لو كل واحد فينا عدل من نفسه واهتم بيها .. اكيد هتكون احسن من كده

ده رأيي وتوبك هايل ...ميرسي