اولا انا اسف لو كان العنوان قاسي شوية لكن وللاسف دي الحقيقة المرة اللي لازم نعترف بيها.
وبما اننا في عصر الفضائيات والسموات المفتوحة والكلام الفاضي ده كله اللي
لابيودي ولا بيجيب فمصر الان وبلا فخر دخلت الان عصر السموات المفتوحة
والجيب المفتوحة والبلوزات المفتوحة بل اصبحنا جنب اللبنانيات شياطين وهما
ملايكة وده كله بفضل مجموعة قنوات ميلودي المصرية التي يمتلكها رجل
الاعمال المصري جمال اشرف مروان واللي بنشوف فيها اللي ما بنشوفوش في اي
قناة فضائية غير مشفرة .
اعلانات ميلودي تتحدى الملل.....قلة ادب- سفالة-وقاحة-قذارة.
ميلودي اربيا وهيتس وتيونز......... ثلاث قنوات اغاني من اللي قلبك يحبها
مسخرة بل عهر ودعارة ما نراه ع الثلاث قنوات وخاصة الاخيرة اللي بتزيع
كليبات اقل ما توصف به انها بورنو.
ميلودي افلام......... اتفرج على احلى افلام ممنوعة من العرض على معظم
القنوات الارضية والفضائية وطبعا من غير ما نقطع منها ولا لقطة عشان تفضل
مرزوع جنب التيلفزيون عشان يضمن اعلى نسبة مشاهدة اعلانات الكريم اللي
بيكبر ".........." والبرشامة العجيبة اللي بتخلي الراجل الخيبة يصبح قوام
لهلوبة طبعا ماهي الاعلانات لازم تكون كده عشان تمشي مع نشاط القناة ولكن
المصيبة ان القناة دي بالذات بتعرض افلام الممثلات اللي ربنا تاب عليهم
وهداهم سواء عايشين زي شمس البارودي او متوفيين زي مديحة كامل وطبعا مش اي
افلام ليهم .
ميلودي تريكس..........مصيبة المصايب غير انها من القنوات اللي بتنصب ع
النا س بمسابقات تافهة عشان تحقق اعلى ربح وتضمن اكبر مشاركة دي كمان ولا
شارع درب الهوى ايام زمان ويمكن درب الهوى كان فيه حياء عن كده تلاقي
الواد من دول ولا المخنث لابس عقد"مش سلسلة" وواقف يترقص ما هو حفيد
الفراعنة اللي هزموا الهكسوس ولا البنات اللي بيزيعوا المسابقات وده سبب
اني فتحت الموضوع من اصله تلاقي الواحدة من دول على رأي عادل امام"لابسة
من غير هدوم " يا ريت على اد كده تحس ان كل واحدة بتعرض البضاعة اللي
عندها من مفاتنها عشان الزباين يتصلوا لدرجة ان واحدة منهم قالت مفيش حد
بيتصل ليه من السعوديه طب اللي شايف اني زي القمر من السعودية يتصل بيا
عشان خاطري واوعدوا اني هكسبوا ده غير الكلام في رقصهم وهما واقفين ولا
المساطيل بأيحائات خليعة .
واللي حرقني قوي ان واحد صديق تونسي بيكلمني بيقولي هما البنات في مصر ايه
اللي حصلهم بقوا فري قوي يا بختكم بيهم يا شباب مصر وده خلاني مولع لان دي
بقت صورة البنت المصرية عند معظم العرب بعد ظهور القناة الملعونة دي.
اقسم بالله العلي العظيم ان الفاة المصرية هي أأدب فتاة في الوطن العري مع
احترامي لجميع الاخوة العرب لاني مش هاين عليا انها يقال عليا كده فكروا
معايا في اي فكرة نوقف القناة دي عند حدها وعلى فكرة القضاء بيكفل لينا
الحق المدني اننا نقفل قناة زي دي بشرط التأكد من خلاعتها ومنافاتها
للدستور المصري.
ولو محصلش كده ع الاقل نقاطع القنوات دي واعلاناتها ومسابقتها عشان يعرفوا ان شباب مصر عنده نخوة.
رسالة صغيرة للاخ جمال مروان.........مصر كلها
دافعت عن والدك بعد ما اتهموا البعض بانه خان مصر ووقفوا جنبه واثبتوا
اخلاصه لمصر يا ترى مين اللي هيقف جنبك وانت باللي بتقدمه ده فعلا بتخون
مصر في سمعتها ؟
