اغاني كنا بنسمعها غلط

أغاني كنا بنسمعها غلط

أكيد الحكاية دي حصلت معانا كلنا ، وهي إننا نبقى حافظين كلمات أغنية أو مقطع منها بشكل غلط ، ونبقى مش فاهمين المطرب ليه بيقول الكلام الغريب ده ، يعني مثلاً :
وأنا صغيره شوية كنت فاكره أم كلثوم بتقول :

كل شيء حلو ف حياتي وانت غايب عن عينيا

وكنت أقعد اقول معقولة هي بتكرهه للدرجة دي ، لدرجة إن كل شيء حلو في حياتها وهو غايب عن عينيها ، يا نهار اسود ، بقى دي أغنية عاطفية دي .

أتاريها بتقول :

قوللي إيه حلو ف حياتي وانت غايب عن عينيا

وكانت صاحبتي وهى من اللى بيعزفو الموسيقى الهواه وكانت وهيا صغيره كانت مفكرها بتقول :
وابتدى الليل يبقى أطول من سي عبده

وكانت تقعد تقول لروحها (ياربي مين سي عبده ده اللي طويل قوي لدرجة إنهم بيضربوا المثل بطوله في الأغاني ، وازاي يعقدوا المقارنة بين طول الليل وطول بني آدم)
لكن أم كلثوم بريئه من ده كله وأتاريها بتقول :

وابتدى الليل يبقى أطول من ساعااااااته

وفيه غنوة لحميد الشاعري وهشام عباس
أسمها عيني

بيقول فيها
لكان علي الخاطر ولا كان في النيه
رمشك يا زين جاني

أنا كنت بسمعها

رمشك يا زينجاري

ومكنتش عارف يعني أيه زينجاري

وافتركت برضوا زمان
كنت باغنى اغنيه مصطفى قمر اسمها اه يا ناس انا دوبت فى دباديبو
كان بيقول اهو راح ولا جاش ولا كلمناش
كنت باسمعها اهو راح ولا جاش ولا جاب جلاش

حد بقى عنده شجاعة يعترف بذكائه الحاد زيي كده ولا الكل عباقرة في الاستماع . اغاني كنا بنسمعها غلط Teeth_smile

__________________

يلا مش تتكسفوا انا مستنيا ردودكم

هههههههههههههههههههههههههههههههههههه

نيس توبك يانورا موضع جميل أوي

وفعلا كتير انا كنت معرفش عمرو دياب بيقول

ايه في أغنيه كده عيني عيني تنكر عهد كان بيني وبينك

طب انا هقولك حاجه

فى اغنيه لصفاء ابو السعود بتيجى فى الاعياد
بتقول
اهلا اهلا بالعيد مرحب مرحب بالعيد
كانت بتقول بقى
سعدنا بيها بيخليها
انا بقى كنت باسمعها
سعد نبيهه بيخليها
كنت باسال نفسى بقى وانا صغيره
فى حد فى الدنيا اسمه سعد نبيهه

وأراهن ان كلنا واحنا اطفال كنا بنسمعها كده

ايه مش معقول كلكم كنتم بتسمعوا الاغاني صح

هههههههههههههه
والله توبيك جاااااااااامد
ودمك زي العسل يانارنورا

وعموما الاغنية بتاعت عمرو دياب بتاعت كده عيني عينك
انا بسمعها
كده عيني عينك تنكر هوى كان بيني وبينك

وكان في اغنية لحماقي كانت الاراء عليها متباينه
وهي اغنية
انا جايلك وناويها بظبط و...........على الباب بخبط
انا بسمعها وقتيل ع الباب بخبط
بس اخويا بيقول واديني ع الباب بخبط
انما اختي بقى بتقول وايدي على الباب بخبط
ههههههههههههههه
ياترى ايه رأيكم؟؟؟؟

وفي اغاني كتير مش ببقى فاهمه المغني بيقول ايه
بس مش فاكره دلوقتي
لما افتكر هبقى اقولك بعدين

لأني والله دماغي هتنفجر ومخنوقه جدا
بس بدور على اي حاجه تروقني

هههههههههههههه
انا اغنية جديدة و لحد دلوقتي مش فاهماها اغنية كلمة شكر لتامر عاشور

اليوم اللي وصلي فيه انه مستغني عني (وصله فين محطة المترو؟)
مش لاذقي من اللي عملته فيه حاجة بجميلة اتشالتلي (احنا عندنا كلمة فيه يعني عمل فيه حاجة وحشة )

طيب كان في اغنيه لمحمد منير اسمها نعناع الجنينه

دي انا عمري ما سمعتها صح كنت بقول (نعناع الجنينه المسقي فحيطانه شجره المصطلح ضلل على عينان) وهيا المفروض (نعناع الجنينه المسقي في حيضانه شجره الموز طرح ضلل على عيدانه)

ههههههههههههههأغنية جوة حضنك - هيثم شاكر
بتقول ( عمري .. ياللي ليك احلو عمري)
كنت بسمعها ياللي ليك أحلم وعمري

narnora93 كتب:: طب انا هقولك حاجه

فى اغنيه لصفاء ابو السعود بتيجى فى الاعياد
بتقول
اهلا اهلا بالعيد مرحب مرحب بالعيد
كانت بتقول بقى
سعدنا بيها بيخليها
انا بقى كنت باسمعها
سعد نبيهه بيخليها
كنت باسال نفسى بقى وانا صغيره
فى حد فى الدنيا اسمه سعد نبيهه

وأراهن ان كلنا واحنا اطفال كنا بنسمعها كده

هههههههههههههههههههه

عندك حق يا نورا انا لغايت العيد اللي فات كنت فاكراها سعد نبيهه gut

شكرا علي المعلومة sdrtaeQF

هههههههههههههههههههههههههه فكرة الموضوع حلو علشان كدة بترد علي نفسك ههههههههههههه

انا شايف ان الموضوع دا مش لطييييييييييييييييييييييييف خااااااااااااااااااااااالص

هههههههههههههههه
توبيك جامد اوووي

شكرا يا نورا و بجد كلنا بنتلغبط كتيير في الاغاني و دة بيبقي بسبب اللحن بتاعها
بس لو حد حاول يفهم الكلام هيعرف يركبه صح

طيب انا في حاجه محيراني

اغنيه تامر عاشور الجديده بتاعه (ليه بيفكر)
بيقول(كل جرح بيبقى صعب في اوله واللي اصعب لو هعيش
(اندم عليه) ولا (انده عليه)
انا علطول بسمعها انده عليه

» اجمد ريمكسات 6 اغاني من البوم قرب كمان لتامر حسني+اغاني فيلم كابتن هيما
» عايز اغاني شغل رقص
» اغاني افراح تجـــــــــــــــــنن
» مكتبة اغاني شعبي
» مجموعة اغاني لطيفه