الاطفال فى المدارس=عنف شديد

السلام عليكم ورحمة الله وبركاته
الموضوع اليوم عن الاطفال وعنفهم مع بعضهم
فى البدايه جميعا نعرف ان الاطفال هم احباب الله سبحانه وتعالى وجميعا يعشق النظر اليهم واللعب معهم ونعلم ان داخلهم روح محبه وتعاون وفكر مسالم
ولكن تجد معظم الاطفال فى المدارس دائما يستعملون العنف مع بعض وياريت عنف بسيط لكن لا
نجد اصنافا من العنف الشديد
اللى اوقع زميله وتسبب عن ذلك كسر فى ذراعه مثلا او اللى بتخبط زميلتها فى الحيطه تفتح دماغها علشان خاصمتها او قالت لها اى حاجه تضايقها انا شخصيا بحس ان الاطفال بيكونوا رايحين المدارس علشان يضربوا بعض لا لان يتعلموا واذا نظرنا فى الامر نجد ان البيت هو اساس كل ذلك
من المفترض ان الام والاب يزرعون فى نفوس اطفالهم الحب والتعاون والاخاء حتى يكون متعاون مع اصدقائه مع مدرسينه مع اهله فى المنزل
لكــــــــــــن هذا لا يحدث من الاهل للاسف
فــــــــــــــــــــــــــــــــــــنــــــــــــ ـــــــــــــــــــــجد
الاهل يوصون ابنائهم قبل الذهاب الى المدرسه بوصايا غريبه منها
*اللى يضربك اضربه
*لو مش عارفه حاجه فى الامتحان شوف مع زميلك اللى جانبك اهم حاجه تجيب درجه
*اوعى اى معلومه تعطيها لحد
*لو حد مضايقك اوعى تقول للمدرسه اضربه انت بنفسك ولو عملك حاجه او احضر اهله قولى وانا اروح لك المدرسه......................................الخ

وصايا كثيره وغريبه نسمعها من الاهل يخبرون بها ابنائهم
الطفل يذهب الى المدرسه اول مره لا يكون فى باله وعقله كل هذه النصائح لكن لو جاء اهله فجاءه المدرسه ووجده يبكى ويخبر المدرسه عن ان هناك زميل تعدى عليه مثلا عندما يذهب الى البيت بيكون يومه مش هيعدى من كلام الام والاب
الام : انت ايه مش قلت لك لو حد ضربك اضربه يا جبان طيب لو رحت مره تانيه المدرسه ووجدتك اضربت من احد زملائك مافيش مصاريف ولا اى حاجه ليك تانى ..................... وتفضل تكلمه الى ما لا نهايه
الاب : هو انت مش فالح فى اى حاجه غير انك تطلب اللى انت عايزه ليه انت مش بتعمل اللى احنا عايزينه هو انا بشتغل علشان اجيب فلوس علشان تروح المدرسه وتتضرب ........... الخ
ومع ان المشكله ممكن لا تكون تستاهل كل هذا لكن كل هذا الكلام يعطى مفعول رهيب فى نفس الطفل البريئه
ويجعله يراجع النصائح التى قيلت له من قبل ويبدا عنف الطفل يظهر يوم بعد يوم ويزداد ومع العلم ان كل هذا لا يعاد على المدرسه فقط او على الناس الخارجين انما سيعود كل هذا على الاهل ايضا لانه سيصبح طفل عصبى جدا عنيف فى تصرفاته مع الجميع لن يفرق بين شخص واخر غريب او قريب

هل هذه الطريقه هى التى ستبنى ها جيل جديد يتميز بفكر ناضج وعقليه متقدمه ونفس صافيه
تعامل الناس بكل ادب واحترام
نحن لا نريد ذلك
هذا موضوع صحيح يوضح ان الاهل مخطئين لكن لانلقى اللوم كله عليهم لان ماقبلهم اوصلوا اليهم هذه الفكره ولكى نبدا بتصحيح ذلك علينا ان نبدا مع انفسنا
وان نفعل كل ما بوسعنا لكى نوسع صدرنا لكى نستقبل الامور بدون عصبيه قد لا نملك اعصابنا فى بعض الاحيان
وهذا ليس عيبا لاننا حاولنا انما العيب الا نحاول ان نستقبل الامور بهدوء واكيد سننجح وعندما ننجح سنكون على قدر كافى لنقل فكرنا هذا للنشئ وبالتالى سنقلل من العنف السائد
وذلك بداية بنا
ارجو ان تكون فكرتى وصلت وان ينال اعجابكم

*تحياتى*

فعلا كلامك صح

لان الضغط علي الاعصاب بيقلب بتوتر من اقل حاجة وعصبية زايدة

وفي احتمال انو يبقي في امراض خطيرة منه

بس في ناس بتقول ما تسبش حقك عشان تبقي راجل

انا شايفة انو في زمننا اللي يسيب حقه يبقي بصراحة (حمار)

توبيك مميز ومفيد
تسلم ايدك ياقمر
وفعلا ياهانا الى بيسيب حقة يبقى حمااااااار

الاطفال فى المدارس=عنف شديد 1111536654_turesstyle

موضوع جميل جدا ومفيد تسلم ايدك ياقمر
wae4

تسلمى على التوبيك الجميل يا حامله الحق
بس فعلا ده اللى بيحصل
wae4

شكرا يا جماعة للاهتمامكم بالموضوع

» رومامسيه الاطفال
» مشكله هروب الاطفال
» حلول مضمونه للتخلص من الاطفال
» إيقاف أجوجو عن مباراة الاهلى .. وغضب شديد في الزمالك
» من يفوز بقلوب الاطفال .. قطة نانسي أم بطة هيفاء؟