أنا ومانوس وهواك

أنا ومانوس وهواك


فكرتي
كل أسبوع موضوع معين وكل واحد يقول رأية فية زي ما هو شايفة

وأنا هبدأ

الصداقة

أية هو مفهومها من وجهة نظرك ؟

وهل ممكن تكون فية فعلا صداقة بين الولد والبنت

بس تكون صداقة بس

اولا الفكره جامده تسلم عليها بجد
ثانيا بقى كاجابه على سؤالك ممكن ميعجبش ناس كتير بس هو مفيش صداقه وانتمه عادى كده من ولد وبنت
اصل معنى كده ان انا اقوله كل اسرارى وهو كذلك
معتقدش يعنى اننا فى مجتمع يسمح بده اصلا وناس حتقولى ده تفكير قديم وغير متحضر
بس لو ملاحظين دلوقتى كلنا بنرجع للتفكير القديم ده وبنلاقيه هو الصح مهما بنلف
وكمان البنت ما ليها مامتها واكيد ليها قرايبها ولا حتى اصحابها اكيد اكيد حيخافوا عليها اكتر
وكمان بيتحسب عليها واحد على الفاضى اصلا
بس اعتقد يعنى ان ممكن يكون فى اخوه بس بحدود يعنى اخرك لو مشكله مثلا تحكيله عشان يحلها مش اكتر لكن ميبقاش هو الاساس
والحوارات دى كلها مفروض انها بتكون فى الكليه يعنى ولا بعد الكليه ينفع ولا قبلها ولا بره الكليه
على اساس اهلى يسالونى نازله مع مين اقولهم نازله مع صديقى اصلى زهقانه موت
ولا بقى لما اتخطب ان شاء الله :D يقولى دى انتيمتى يبقى تتحرقوا انتوا الى اتنين ببعض مع السلامه
ونفس النظام العكس
فممكن تقولى تب منا قلت صداقه بس وتنتهى لفتره (بس ده مش معنى الصداقه اصلا) يبقى هو كان مجرد زميل او اخ بتحكيله مش اكتر
فانا من رائيى مفيش صدااااااااااقه من ولد وبنت ولو فيه معتقدش انها تكون اكتر من زماله ولو فيه اكتر بقى يبقى >>>>>>>>> no comment:D:D:S

ممكن يكون صداقه بين ولاد مع بعض او صداقه بين بنات مع بعض
لكن ولد وبنت عاده تتفهم غلط لو مش من اللى حولينا من نفسنا احنا لان الانسان بطبيعته بيحاول يغير النظام من صداقه لشىء تانى وطبعا احنا فى مجتمع شرقى مش بيسمح بالكلام ده وكمان الاخلاق والدين مش حنعارض حاجات فى عادتنا وتقاليدنا علشان قال ايه صداقه بين ولد وبنت
ممكن يكون زميلى فى دراسه شغل مش اكتر وفى حدود فى كلامنا لكن مش صديق وكمان صداقه النت دى سورى فى اللفظ اشتغالات وملهاش لازمه الشات
طبعا ماقصدش المنتدى لان المنتدى مكان بيعرض الافكار والاراء بكل وضوح ولكل واحد الادلاء برائيه سواء ولد او بنت من غير خوف .
وكمان منتدى مانوس ليه شعبيه جامده جدا وكلنا هنا خوات

اه انا معاكم بس
انا رايي ان فيه صداقة بين بنت و ولد مش حكاية البيت و كدة انما مثلا لما اسرتي تخرج مع اسرته بنروح نتمشى مع بعض و بنتكلم عادي خاصة ان هوه اصغر مني و انا بكلمه في علم اهلي مش على التليفون بس لما الاسرتين يخرجوا بنتكلم مثلا شفته عند صحبتي (لأخوها) بنهزر مع بعض و كدة انا طبعا كنت بكلم عن نفسي

طبعا الصداقة دي حاجة جميلة أوي وممكن تكون اجمل من الحب ... يعني انا مثلا ممكن اضحي بحبيبتي عشان صحبي ...

انما الصداقة اللي بتكون بين ولد وبنت ... مش عارف بحس انها غربية شوية .. بس انا بتعامل مع بنات كتير على انهم اخواتي ... بس مش اكتر


ده رأيي

مش في كل الحالات
هي فعلا كل الحالات اللي قابلتني حصل زي ما انتي قلتي
بس انا لسة على رأيي