منتدى مانوس الترفيهى
FG

فرحانين اوى انك معانا على منتدى مانوس ونفسنا تكون واحد مننا ومن اسرتنا
يالا سجل من هنا

wae4

منتدى مانوس الترفيهى
FG

فرحانين اوى انك معانا على منتدى مانوس ونفسنا تكون واحد مننا ومن اسرتنا
يالا سجل من هنا

wae4

منتدى مانوس الترفيهى
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.




 
الرئيسيةأحدث الصورالتسجيلدخول

 

 بدون قصد يتقرب الانسان من الشيطان

اذهب الى الأسفل 
2 مشترك
كاتب الموضوعرسالة
نهى_نانو
مانوسى جديد
مانوسى جديد
نهى_نانو


انثى
المشاركات : 105
العمر : 34
بتشتغل اية؟ : طالبة بكلية التربية
منساوى ولا منساوية ! : بدون قصد يتقرب الانسان من الشيطان Female10
السٌّمعَة : 0
نقاط : 1
تاريخ التسجيل : 24/01/2008

بدون قصد يتقرب الانسان من الشيطان Empty
مُساهمةموضوع: بدون قصد يتقرب الانسان من الشيطان   بدون قصد يتقرب الانسان من الشيطان Emptyالخميس 4 ديسمبر 2008 - 23:43

لفت نظري في القرآن الكريم تكرار قصة سجود الملائكة لسيدنا آدم عليه السلام، وعصيان إبليس لأمر الله عز وجل
وكنت بأتساءل: ايه يا ترى الحكمة من تكرار القصة دي في كذا سورة في القرآن؟

اكتشفت مؤخرًا إن أحد الحكم وراء هذا التكرار ظهر جليا في الآيتين دول



( وَإِذْ قُلْنَا لِلْمَلَائِكَةِ اسْجُدُوا لِآدَمَ فَسَجَدُوا إِلَّا إِبْلِيسَ كَانَ مِنَ الْجِنِّ فَفَسَقَ عَنْ أَمْرِ رَبِّهِ أَفَتَتَّخِذُونَهُ وَذُرِّيَّتَهُ أَوْلِيَاء مِن دُونِي وَهُمْ لَكُمْ عَدُوٌّ بِئْسَ لِلظَّالِمِينَ بَدَلًا )

الكهف/50



( إِنَّ الشَّيْطَانَ لَكُمْ عَدُوٌّ فَاتَّخِذُوهُ عَدُوًّا إِنَّمَا يَدْعُو حِزْبَهُ لِيَكُونُوا مِنْ أَصْحَابِ السَّعِيرِ )

فاطر/6



إذن الأمر واضح بإننا نتخذ الشيطان عدوا ولا نتخذه وذريته أولياء من دون الله

لكن حاليا بقيت بأشوف حاجة غريبة منتشرة اوى اوى



دلوقتي ناس كتير تحب الصور (التخيلية) للشيطان وأمثاله، وتحتفظ بيها

وتحطها كصور في المسنجر مثلا وفي المنتديات

وتعلقها في غرف النوم وفي العربيات



يعني على سبيل المثال، لاقيت مرة واحد حاطط ستيكر على ازاز عربيته مكتوب عليه

devil inside

نوع من أنواع التهريج يعني زي مابيبقى مكتوب عن بروسسر انتل في الكمبيوتر

intel inside

كان نفسي أسأله ساعتها: قصدك ايه؟ انت فاهم معني الكلام ده ايه؟

ماهو لما تقول لي ان فيه شيطان في العربية يبقى ده معناه حاجة من اتنين

يا اما الشيطان راكبك (لا مؤاخذة) وانت فخور بكده لدرجة انك كاتب على ازاز عربيتك

يا اما (بما ان مافيش غيرك في العربية) انت تقصد انك انت الشيطان شخصيا، أحد شياطين الإنس

أكيد طبعا ماكنتش هاكلمه بالطريقة دي ولا أسأله الأسئلة دي، بس ده اللى خطر في بالي



وغير كده بقى تلاقي ناس تحب أسماء الشياطين

وتحطها وتتمنظر بيها كأسماء مستعارة

nick names

وياما شفنا كتير ناس مسمية نفسها

devil, demon, satan, evil

وبالمناسبة، إحدى الأغاني اللى كان يترقص عليها في الديسكوهات أغنية اسمها

dance with the devil

يا حلاوة

وتلاقي شباب عندنا كتير الظاهر إنهم مسلمين، بس ده مايمنعش إنهم يرقصوا على الأغنية



مش عارف بصراحة الناس دي بتفكر ازاى

هل ماخطرش في بالها إن اللى فات ده يعتبر من صور اتخاذ الشيطان وذريته أولياء؟

هل الأفعال دي تدل على إن اللى بيعملها متخذ الشيطان عدوا فعلا؟

ولا الناس دي مش واخدة بالها إن الشيطان ده عدو أصلا؟

سبحان الله

مع إن الواحد منهم أكيد مش محتاج حد يقول له قد ايه الشيطان ده سبب له متاعب في الدنيا وقد يسبب له لا قدر الله متاعب وعذاب في الآخرة



وبالمرة بقى نتكلم في حاجة تانية قريبة من الموضوع

لاقيت مرة شركة اسمها

" شركة قارون "

يا سلام يا سلام

هو اللى سمى الاسم ده عارف مين قارون ده؟

ولا مش واخد باله انه مسمي شركته على اسم واحد اتخسف بيه الأرض وقصته مذكورة في القرآن؟



كذلك المحلات التجارية أو الشركات اللى (عندنا في مصر) تلاقي أساميها على أسامي آلهة فرعونية

حورس، رع، سكم، إيزيس، نفتيس

أو يعملوا شعار للشركة فيه إله فرعوني

طب هو اللى بيختار اسم زي ده مش واخد باله إن دي كانت آلهة تعبد من دون الله؟

طب على كده بقى ممكن أفتح محل وأسميه مثلا عطارة اللات، أو جزارة العزي

تخيلوا كده مثلا شركة هُبَل، شركة مساهمة جاهلية

مش دي كانت آلهة تعبد من دون الله برضه؟

ولا القومية الفرعونية ساعات بتنأح علينا وتنسينا اللى بيغضب ربنا؟؟؟



ده غير أعياد غير المسلمين اللي كتير مننا استوردوها زي ماهي كده

ونسمع بقى عن شخصيات زي كيوبيد، إله الحب في عقيدة الرومان

وسانتا كلوز وفالنتاين، دول شخصيتين أسطوريتين مقتبسين من شخصيتي قديسين عند النصارى



شوية أفعال غريبة فيها سوء أدب مع الله

ومش عارف ازاى الناس دي مش خايفة (في الظاهر) من غضب ربنا بسبب الأفعال دي



رب اهد قومي فإنهم لا يعلمون



والسلام عليكم

منتظرة الردود
الرجوع الى أعلى الصفحة اذهب الى الأسفل
nouralhaya
مانوسى سوبر عضو
مانوسى سوبر عضو
nouralhaya


انثى
المشاركات : 1027
العمر : 36
ساكن فين؟ : فى الدنيا
بتشتغل اية؟ : بشتغل من دماغى
منساوى ولا منساوية ! : بدون قصد يتقرب الانسان من الشيطان Female10
السٌّمعَة : 1
نقاط : 241
تاريخ التسجيل : 04/01/2008

بدون قصد يتقرب الانسان من الشيطان Empty
مُساهمةموضوع: رد: بدون قصد يتقرب الانسان من الشيطان   بدون قصد يتقرب الانسان من الشيطان Emptyالإثنين 15 ديسمبر 2008 - 1:01

ربنا يكرمك بس الاسماء مش معناها ان الناس بتشرك حاجه تانيه فى العباده غير الله عز وجل وده لسبب بسيط ان تلك الاسماء مجرد كنايه عن مكان مش اكتر وعلى فكره لو احنا اخدنا بكلامك معنى كده ان فى شركات كتير واصحابها حنقيم عليهم الحد لكن يسروا ولا تعسروا وربنا يتقبل منا ومنكم ومن امه محمد اجمعين
الرجوع الى أعلى الصفحة اذهب الى الأسفل
نهى_نانو
مانوسى جديد
مانوسى جديد
نهى_نانو


انثى
المشاركات : 105
العمر : 34
بتشتغل اية؟ : طالبة بكلية التربية
منساوى ولا منساوية ! : بدون قصد يتقرب الانسان من الشيطان Female10
السٌّمعَة : 0
نقاط : 1
تاريخ التسجيل : 24/01/2008

بدون قصد يتقرب الانسان من الشيطان Empty
مُساهمةموضوع: رد: بدون قصد يتقرب الانسان من الشيطان   بدون قصد يتقرب الانسان من الشيطان Emptyالثلاثاء 16 ديسمبر 2008 - 17:14

شكرا على مرورك NOURALHAYA
معاكى ان الدين يسر ولكن انا اقصد من كلامى التوعية لان فى بعض الناس ال بيعملو الحاجات دى فعلا مش عارفين معناها ولو يعرفو ان شاء الله من داخلهم هما ال هيقرروا انهم يبعدو عن الحاجات دى .

مشكورةwae4
الرجوع الى أعلى الصفحة اذهب الى الأسفل
 
بدون قصد يتقرب الانسان من الشيطان
الرجوع الى أعلى الصفحة 
صفحة 1 من اصل 1
 مواضيع مماثلة
-
» عند موت الانسان
» سبب بكاء الشيطان
» عبدة الشيطان
» الانسان والبحر
» دعاء يخاف منه الشيطان

صلاحيات هذا المنتدى:لاتستطيع الرد على المواضيع في هذا المنتدى
منتدى مانوس الترفيهى  :: مانوس الاسلامى :: المنتدى الاسلامى العام-
انتقل الى: