المصرى هو اللى...!!!!!؟؟؟؟؟

المصري هو اللّي:
*ممكن يعدي التلاتين ولسه عايش مع أمه وأبوه وماعندهومش مشكلة

*بيفهم في الطب ويشخص المرض ويوصفلك الدوا وبيفهم في النقاشة والكهربا
وتصليح العربيات والطبيخ والسياسة والكورة وهو أآآبيض ياورد

*ويحط الريموت كنترول في كيس بلاستيك كعادة فرعونية

*ويقف يتكلم على الباب نص ساعة بعد إنتهاء الزيارة والسلام

*ولمّا تفتح نملية المطبخ هتلاقي عنده عشرين برطمان بتاع مربى فاضي
بقالهم سنين ومازال مُصِر على جمع المزيد

*وييجي بعد معاده بساعتين ويفتكر إن ده عادي

*ولسه عنده إصرار إنه يتكلم بصوت عالي في التليفون لما تكون المكالمة
دولية عشان التاني يسمعه

*وبيعتبر نفسه أفضل واحد في الشراء والفصال وبعد كده يكتشف إن الحاجة في المحل اللي جنبه أرخص من غير فصال

*وبيحتفظ بأكياس محلات اللبس والأحذية وورق الهدايا تحت مرتبة السرير
لسنوات ومابيستخدمهاش

*وعنده صينية مكسرات متقسمة لتلات او أربع أقسام لزوم المزاج وعمره ماإستخدمها

*وبيشتري قبل الفطار في رمضان مواد إستهلاكية أصلا موجودة عنده في البيت لسه ماستخدمهاش

*>>وبيكون عنده شواية لزوم الرحلات أقصى استخدام لها كان مرة واحدة في العيد

*بيشيل طابع البريد من على ا لظرف لو الختم ماكانش عليه

*بيفتكر إن أي حد بيشتغل في الخليج بيغرف فلوس من غير حساب

*لسه بيخلط بين أغنية بوس الواوا والواوا أح ، وبيفتكرهم أغنية واحدة

*>>بيكون مشغول بقيمة التيبس أو البقشيش طول العشا ياترى ربع جنيه ولا نص جنيه

*>>برده بيتخانق ساعة دفع الحساب بحرارة شديدة على إنه هو اللي لازم يدفع

*بيفرش ملاية سرير على طقم الأنتريه عشان يفضل نضيف لما ييجي ضيوف ومابيشيلهاش لما ييجوا

**والأهم إنه اللي بيحب يسخر من نفسه ومن بلده وحكامه بس مايطيقش حد تاني يسخر منهم

نايس توبيك يا مون لايت

هههههههههههههههه
تصدق عندك حق

» ياجماعه الاغنيه جمده موت لكل اللى خايفين من اللى مصحبنهم ومش
» ياجماعه انا عايزه اعرف اسم الاغنيه دى ايه ومين اللى بيغنيها ياريت اللى يعرف يترك اسمها لانى مش عارف
» اللى شايف نفسه زكى يخش واللى شايف نفسه غبى ميخشش فزوره اللى يحلها يبقى عبقرى المنتدى
» الدستور المصرى
» راى ابليس فى المصرى