لــــــــــيــــــــــه

لــــــــــيــــــــــه

ليه لما نحس إن إحنا دخلنا طريق غلط وإحنا سايقين العربية بنخفض صوت الكاسيت أو راديو السيارة ؟

ليه لما بتكون بطارية الريموت شبه فاضية ، بنضغط على الزراير جامد ؟

ليه لما حد بيهادينا قلم جديد .. أول حاجة وإحنا بنجربه بنكتب إسمنا ؟

ليه بنقول هدية مجانية ..؟ مش المفروض إن الهدية تكون مجانا ولا بفلوس ؟

ليه لما نكون جوه المنزل والسماء بتمطر بنسأل هو الجو بيمطر بره ؟ هى عمرها مطرت جوه ؟

ليه لما واحد يقولنا خلى بالك الحائط لسه الطلاء مانشفش مانصدقوش ونمد صباعنا نتأكد ؟

ليه الخدمة بتكون سريعة لما المطعم يكون مزدحم أكتر من لما يكون نص نص ؟

ليه لما الواحد بيركن السيارة فى موقف فاضى اللى جاى وراك بيركن جنبك ؟

ليه دايما لما حد بيجري يلحق الأتوبيس تلاقيه
مبتسم أو بيضحك ؟

ليه بنفتكر إن لما ندوس على زرار الأسانسير كتير هاييجى بسرعة ؟ بجد ليه

أو

مثلا ليه
لو واحد جه بعديك وأنت مستنى الأسانسير بيدوس على زرار الأسانسير ولا كأنك موجود و الزرار منور أصلا ؟

ليه دايما عندنا إستعداد تام إننا نصدق أى حد بيكلمنا فى ودانا
بيوشوشنا ؟

ليه لما بنتصل بالتليفون .. دايما النمر الغلط مابتكونش مشغولة ؟

وليه دايما لوحة أرقام التليفون أو الموبايل بتكون عكس لوحة أرقام الآلة الحاسبة أو حتى أرقام الكيبورد ؟

وبمناسبة التليفون ليه لما واحد يعطيك رقم تليفونه
بيقوله بسرعة ؟

ليه لما بنصحى من النوم دايما بنحس إن كمية النوم ناقصها عشر دقايق ؟

ليه وأنت بتقرأ دلوقتى و متشوق
حاسس ان فى سطر فى النهاية هايفطسك من الضحك ؟

لو عرفت كل ده كان ليه يبقى قولى
ليه انت اهتميت ترد عليا

أيوة عرفت ليه بيحصل معانا كل ده

ورديت ليه على موضوعك ..

لأن موضوعك متميز ونال إعجابي فعلا .. وكل دي حاجات بتكون خارجة عن إرادتنا

وشكرا ليكي يا غالية على الموضوع ده

شكرا ليك انت على مرورك الجميل
بجد اسعدنى اعجابك بالموضوع