الفرانكو اراب

عندنا النهاردة موضوع مهم
يمكن فى ناس تعرفه وفى ناس ماتعرفوش
قولت افيدهم فى الموضوع ده
ونعرفهم الدنيا ماشية ازاى ومنين رايح على فين ومنين هيروح امتى
ايه اللغبطه دى
مش مهم
موضوعنا النهاردة بيتكلم عن حاجه اسمها الفرانكو اراب او الفرانكو
اللغة دى معروفة وانتشرت بطريقة كبيرة
دايما تلاقى واحد بيكلمك بطريقة غريبة لا هيا انجليزى ولا هيا عربى وتحس انك بتفك شفرة
طيب حد سال نفسه ايه الفرانكو ده ؟؟

معظمنا او اللى بيتكلموا فرانكو مايعرفوش غير انها لغة منتشرة بين الشباب والبنات
فى الشات وفى المنتديات ايضا
المهم دلوقتى هنحاول نوضح الصورة لكل االناس اللى يعرفوا الفرانكو واللى ما يعرفوش

طيب ايه بقى هو الفرانكو
هو بكل بساطة مكس بين العربى والانجليزى
هتقولى يعنى ايه مكس
هقولك يعنى بناخد الحروف الانجليزى والنطق من العربى ونعمل منهم الفرانكو
او بمعنى ابسط اننا بنكتب الكلمات العربى زى ما بننطقها بس بالحروف الانجليزى
زى كده مثلا
كلمة قلب بنكتبها كده ---> 2alb
كلمة عامل ايه بنكتبها كده ---> 3amel eih
هتقولى كويس بس ايه رقم 2 و 3 اللى فى الاول ده
هقولك ده الجزء التانى معانا
فى عندنا حروف فى العربى مفيش ليها مقابل فى الانجليزى
الحروف دى بنستبدلها بارقام
طيب ايه هيا الحروف دى
ق او الهمزة ---> 2
ع ---> 3
ح ---> 7
خ --->5
ط ---> 9 او 6
وساعات بيكتبوا
خ ---> 7'
غ ---> 3'

كده عرفنا ايه هيا الفرانكو اراب

طيب ياترى سالنا نفسنا عن سبب انتشارها ؟؟
يا ترى دى سياسه
تنسينا لغه ديننا "اللغه العربيه"
انا على اللى قدرت اجمعوا عن اللغه دى
ان تاريخ الفرانكو ده بيبدأ من زمان من ايام سقوط الاندلس في ايدي الفرنجه
....طبعا كانت الاندلس مليانه مسلمين بعد ما احتلها الاسبان
..
فى البدايه اخدوا المصاحف ومنعوا الصلاه في المساجد وبعدين عملوا حاجه خطيره جدا.....
ايه هي الحاجه دي؟

خلوا الناس تتكلم عربي عادي بس خلوهم يكتبوا اللغه العربيه بحروف لاتينيه
اللى احنا عارفينه بالفرانكو اراب الان"

ظهر ناس كتير مؤييدين للفكرة دى
قالوا ان الحرف اللاتيني اصلح من الحرف العربي شكلا وموضوعا
وقالوا انه من الافضل اننا نبدل الحرف اللاتيني بدلا من الحرف العربي في كتابتنا
ودلوقتى اللغة دى لغة الفرانكو اراب زاد انتشارها واستخدامها في مصر والدول العربية
من خلال استخدام الانترنت خصوصا في المحادثة وايميلات المرسلة

بعض المفكّرون وجدوا أن ده محاربة اللغة العربيّة تمهيدا لضعفها،
وإحلال حروفها بحروف أخرى ،.
بس فى سؤال بيطرح نفسه
ياترى دى فعلا سياسه لضعف لغتنا العربيه؟!
اتمنى اننا ننسى اللغه دى
ونرجع للغتنا العاديه
واتمنى اكون قد وفقت فى طرح الموضوع
الفرانكو اراب 639217336

شكرا والموضوع رائع وجميل جدااااااااااا