حتى إبليس هرب من مصر

حتى ابليس هج من مصر

--------------------------------------------------

على باب سفارة كندا.. لمحت ابليس و في ايده استماره..

بقول له على فين.. قاللي بص .. يا هجرة يا اعاره..

يا عم زهقت.. كفرت .. الاقيش معاك سيجاره..

انا انتهيت خلاص .. لا نافع وسواس ولا خناس

ولا ليا عيش وسط الناس..

دي عالم مجرمين.. عندكوا فائض ف الفساد..

في كل البلاد..

ومش محتاجين شياطين .. مليش عيش ف دي البلاد..

....

بقالي سنين عاطل .

و انتوا بتعرفوا تقلبوا الحق باطل..

و تسلكوا القاتل .. و تمشوا ف جنازة المقتول..

ومفيش مشاكل..

يا عم ده انا بقيت أوسوس بالمقلوب..

و أقول للحرامي .. كفايه بقى .. توووووب..

انت ايه . لوحدك هاتعمل كل الذنوب..

و أنا ابليس أشتغل واعظ .. ولا كمساري ف اتوبيس..

يا عم ده انا زمان

كنت استنى حد ينسى يسمي وهو بياكل لقمته..

دلوقتي كل اكلكم ملوث .. و بصراحه الواحد خايف على صحته..

ده مفيش ضمير اساساً عشان اموته..

و كل واحد بمزاجه .. خربانه ذمته..

يا عم ده كل حاجه اتسرقت..

وكده الاجيال الجديده م الحراميه اتظلمت..

يا راجل ده من كتر ما لطشت معايا..

خرجت ف مظاهره مع الناس اللي بتقول كفايه..

و برضه ......... مفيش فايده.

هههههههههههههههههههههههههههههههههههههههه

امال لو عشتى الكلام ده واقع هتعملى ايه

احمدى ربنا

ادعى على بلدى واكره اللى يقول آمين

دى مصر يا بنتى ام الدنيا

وسمعينى سلام يا حبيبتى يا مصر

فعلا يا سومة مصر هيا أمي

نورتي يا سومة

وشكرا يا سمسم على مرورك

» كره إبليس للمسلم عند سجوده لله