كبر دماغك ياعم !!!

دا بقي جزاه اللي بيكبر دماغه هيبقي كده

وكمان مش هيعرف يقلع التيشيرت



فلان قاعد مع علان في القهوه و بعدين تليفون

علان رن وحدث الاتي

فلان : ما ترد يابني علي التليفون

علان : لا

فلان: ليه يا عم بس ؟؟


علان : اهو بقي حلاقه و السلام


فلان: ليه بس الغلاسه دي ؟


علان : بيني و بينك بحب اكبر دماغي


فلان: يا سلام ؟؟


علان : اه


فلان : طيب لما انت بتكبر دماغك الناس ما بتضايقش ؟؟

علان : يتضايقوا ليه بس ؟؟؟

دي حاجه عاديه يعني و محدش بتضايق علشانها

فلان : طيب لو انا دلوقتي خلعت من القهوه من غير ما ادفع الحساب ؟؟

و كبرت دماغي يبقي ازاي الحال امال ؟؟


علان : ده انا اتنرفز نرفزه و احتمال دمي يفور فوران

و اتضايق نفسيا كمان



كبر دماغك


,كلمه بنسمعها كتير قوي الايام دي ,

كلمه بتحمل في طياتها جمود و استفزاز للمشاعر

,كم مره اسمعها و انا ماشيه فى الشارع بقت لازقه فى لسانا

الكلمه دي بقي بتعبر عن اللامبالاه يعني واحد يبقي بيعمل حاجه غلط

و يجي حد ينصحه يرد بكل وقاحه و يقوله يا عم كبر

لو كل واحد كبر دماغه

يبقي مفيش مشاكل هتتحل . .


لا و كمان هتبقي المشاكل بتكبر بجد

يعني كبر و فعلا هو بيكبر المشكله

ياريت يا شباب نحاول نفكر شويه بدل تكبير الدماغ اللي جايبنا لورا ده

موضوع كويس

بس مش نكبرها لدرجه توصل اننا نبقي حد سلبى
ملوش هويه