6 أكتوبر من 1973 إلى 2008

السلام عليكم اعضاء منتدانا الكرام
النهاردة مش بأقدم موضوع ولا حاجة
أنا بس بأفتح باب مناقشة
عايز أعرف آراء الأعضاء في اللي احنا فيه
ليه حالتنا بقت كدا؟ ليه بقينا م المستضعفين ؟
ف حرب 73 شلينا القوى العظمى ف العالم وهيا واقفة تتفرج علينا
العرب اتحولوا من بشر لأسود أكلوا اليهود بأنيابهم
ليه دلوقتي الأسود بقوا قطط وحتى مش قطط لأن القطط بتعرف على الأقل تخربش
ياترى العيب فينا؟( الشعوب ) ولا العيب ف الكبار ؟ ( الحكام )
ياترى العيب فينا والغلط مننا ودا عقاب ربنا لينا؟
ولا دا حافز لينا عشان يغيرنا
ياترى احنا هانفضل كدا كتير؟
وآخر سؤال عايز أعرف
ان كشاب
وانتي كفتاة
شايف أو شايفة ف ايدنا ايه نعمله نغير بيه الواقع دا؟
ياريت ألاقي تفاعل لأن الموضوع مهم
وسلامي للجميع

والله يا دودى حاجات كتير هى السبب فى اللى احنا فيه

كل واحد بيقول وانا مالى هو انا اللى هغير فى الدنيا

حتى لو عملت حاجه هغير ايه

كله بيقول كده حتى انا بقول كده

مش عارفه دا خوف ولا فعلا احنا مش عارفين نعمل ايه

احنا مستنيين لما نحتل احنا كمـــان ووقتها نبقى نفكر نعمل ايه

بعد ميموت اطفالنا ونشوف المأساه اللى بنشوفه فى فلسطين وغيرها

هنحس باللى هما فيه

دا احنا حتى مش عارفين نعترض على اللى بيحصل فينا من حكامنا

ولا لما حبيب مامته يمسك الحكم

هنشوف الهنا بعيونا

والله ما عارفه اقول ايه ولا ايه

استرها يارب علينا

توبيك جامد يا دودى وبجد محتاج مناقشتنا

توبيك جميل يادودى
وزى سوما ماقالت يادودة في حاجات كتير سبب في اللي احنا فية
العيب مش في الشعب لو حدة ولا في الحكام لوحدهم العيب في الشعب وفي الحكام
بسي المفروض علينا نعمل اللي علينا ونعيش صح علشان منحسش اننا مقصرين
احنا عمرنا مهنتغير ولا نتحرك من الظلم اللي احنا فيةمن الحكام
لان معظم الشباب خلاص ياس مبقاش فية حاجة تشجعة
ويارب ميفضلش حالنا كدة كتير

تسلم ايدك يادودى الموضوع جميل جدا