العيد فرحه 00 واجمل فرحه

ليلة عيد الفطر - 1958

والأطفال الصغار متجمعين حول والدتهم الجالس إلى جوارها الخالات والعمات

ينظمون العملية الكبرى المعروفة باسم "كحك العيد"

فواحدة منهن تقوم بأخذ العجين من الأطباق،

وأخرى تقوم "بنقشه"، وثالثة تضعه في الفرن المخصص، ينطلق جرس الباب:

- ترررررررررن ترررررررررن!

يتقافز الأطفال في فرحة، ويصيحون في صوت واحد

- بابا جه بابا جه!

ثم، وهم يفتحون الباب في سرعة، يدخل الأب وهو يحمل عدداً ضخماً

من الأكياس والكراتين وابتسامة عذبة موجودة فوق شفتيه قبل أن يقول لهم:

- بالراحة شوية عليا يابشر.. كل واحد هياخد نصيبه بس بهدوء

تستقبله الأم في حنان،

ثم تناوله بضع قطع من الكحك الطازة الخارج لتوه من الفرن

فيلتهمه في استمتاع واضح قبل أن يقف من جلسته وقد استمد قوة سحرية ليبدأ في التوزيع:

- واحد واحد.. أحمد أدي ياعم القميص الكاروهات

منى خدي ياستي الفستان الأحمر اللي كنت هتموتي عليه..

ليلى.. حلوة البلوزة دي صح

وآدي كمان حتة قماش لمامتكم تفصلها بقى على رواقة..

مش لازم تلبسي جديد على العيد يعني يا أم أحمد!

يسعد الأطفال كثيراً بملابسهم الجديدة ويتجهون إلى غرفتهم لارتدائها في سرعة

استعداداً لأداء صلاة الفجر، ثم صلاة العيد في المسجد الكبير

والأب يبدل ثيابه تقول له الأم: كتير قوي يا أبو أحمد كل الحاجات دي..

الأب: خير ربنا كتير... صحيح الهدوم غالية السنة دي ده حتى فستان منى باتنين جنيه بحالهم..

بس عيد بقى وكل الولاد لازم تفرح.. كل سنة وأنت طيبة.

***

ليلة عيد الفطر- 2008

الأم تحاسب مندوب الديلفيري الذي جلب لها الكحك والبسكويت لحد باب البيت، وهي تقول له:

- ها.. بالسمن البلدي ولا تقليد زي كل سنة!

- بلدي طبعاً يافندم ده إحنا مربيين جاموس عندنا في الشركة!

- ماشي.. يالا كل سنة وأنت طيب

تدخل إلى الشقة، وهي تحمل علب الكحك لتنادي على أولادها:

- يا أحمد، يا منى، يا ليلى.. مش عاوزين تدوقوا كحك العيد؟

يخرج لها أحمد وهو يرتدي ملابسه قائلاً:

- كحك إيه بقى ياحاجة ده بقى موضة قديمة باي بقى

عشان هاسهر الليلة مع أصحابي في خيمة رمضانية

ده "حماقي" هيغني النهارده!

تضع الأم علب الكحك في حسرة على المائدة.

ثم تخرج ابنتها ليلى. وتجلس أمامها لتشاهد التليفزيون باعتيادية،

وكأنها لم تلمح علب الكحك بالأساس.

في حين تهتم "منى" بالشات الذي تقوم به على الإنترنت.

وتبدو في عالم آخر.

يرن جرس الباب

- ترررررررررررن تررررررررررن!

فلايهتم أحد بفتح الباب.. ثم

- ترررررررررررن تررررررررررن!

تهتف الأم وهي متوجهة إلى الباب:

- يعني كمان مش عاوزين تفتحوا الباب -تجد الأب-

وأنت كمان مش معاك مفتاح مش بتفتح علطول ليه

- نسيته ياستي الصبح.. هي دي عيشة أصلاً الواحد يفتكر فيها حاجة!

- ماجبتش هدوم جديدة للولاد طيب؟

- جديدة؟ منين حضرتك.. وبعدين ماهو حتى الهدوم اللي جبتها لهم

العيد اللي فات ماحدش فيهم لبسها على اعتبار أنها مش على الموضة

ترفع الابنة صوت التليفزيون فتنساب في أركان الشقة الأغنية الشهيرة:

- العيد فرحة.. وأجمل فرحة!

***

فعلاً؟

هل لسه له الطعم بتاع زمان؟

لسه بتفرح لما باباك بيجيب لك هدوم جديدة ليلة العيد؟

هو بيجيب هدوم أصلاً؟,ولا انت اللى بتجيبها

لسه بتحضر حفلات تظبيط الكحك الشهيرة والهيصة واللمة ؟

ولا خلاص ربنا يخلي لنا كحك الديلفيري؟

لسه بتروح مع العيلة الصغيرة للبيت الكبير؟

وبتتقابل ويا أقربائك اللي بقالك كتير ماشتفهمش؟

احكولو بتقضوا العيد ازاى ولسه بتحسوا بطعمه

زى ما كنتوا صغننين ولا لأ ؟؟؟

هههههههههههههههههههههههه

جامد التوبيك دة يا سوما

شكرا و تسلم ايدك

و كل سنة و انتي طيبة
sdrtaeQF

نايس توبيك يا سومة

بجد احيانا بحس ان العيد ملوش بهجة

او احنا اللى كبرنا بقي ولا ايه

موضوع مميز

تسلمى

كل عيد وانتى طيبة

sdrtaeQF

وانتو طيبين

يــــــــــــارب دايما عيد سعيد عليكو

وتفرفعوا بمب وتطيروا البلونات

وتكلوا الكحك بس متكتروش علشان متتخنوش

وتخدوا العيديه هههههههههههههههه

لالا انتو كبرتوا انتو اللى تدوا العيديه بقى

ميـــرسى اوووى يا اسلام انت وهانى

على مروركم الجميل وبجد اتشرفت بردكم

موضوع حلووووووو أووووووووووي يا سومة

بجد عندك حق العيد فرحة

وكل سنة وانتي طيبة يا قمر

كل سنه وانتم طيبين

ورمضان كريم

وانتو طيبين

وميرسى على مروركم

وعلى فكره يا حماده رمضان خلص

احنا فى العيد وكل سنه وانتو طيبين

» العيد فرحه ........ واجمل فرحه ........ فعلا العيد فرحه ولا كلام اغانى
» اجمل طفل فى العالم واجمل طفلة فى العالم واجمل شاب فى العالم............
» احصلى على شعر اطول واجمل
» اروع واجمل صور لtom_cruise
» $$-$$احداث واجمل برامج للموبيل$$-$$