التلفزيونية خرجت الى الطرق والميادين تسأل رجل الشارع عن التعديلات الدستورية فقابلت سيكو وهو راجع من المدرسة
المذيعة: انت طالب ولا رجل أعمال؟
سيكو : لا أنا... أتوبيس
المذيعة : ها ها ها
سيكو : ماشى ومعايا قلم وكراس ونماذج الوزارة إزاى ابقى رجل أعمال...خلاص قلبتوها رآسمالية؟
المذيعة : فعلا وبطاقة التموين هتتلغى مع إلغاء بند الاشتراكية من الدستور.
سيكو : مش خلعتوا إيديكو من تعيين الخريجين كمان إزازة الزيت وكيلو السكر كتير علينا.
المذيعة : أنا مش الحكومة يا سيكو أنا مقدمة برامج وعايزه أعرف رآيك فى تغيير المادة التانية بتاعة "الاسلام هو المصدر الرئيسى للتشريع"..تفتكر الجديد حيكون إيه؟
سيكو : حيكون البتنجان ...هو المصدر الرئيسى للتشريع.
المذيعة : ومدة حكم رئيس الجمهورية؟
سيكو : مالها مدة حكم رئيس الجمهورية؟
المذيعة : تحبها فترة رئاسة واحدة ولا 3فترات ولا 5 ولا...
سيكو : أحبها تكون مفتوحة ..عشان تجيب طراوة.
المذيعة : والتعديل الخاص بحقوق الاقليات ؟
سيكو : يا ست الكل أنا ومرقص زملا فى المدرسة وصحاب بره المدرسة فصل واحد ومكتب تنسيق واحد وسندوتش فول واحد وتذكرة الاتوبيس بدفعها انا ربع جنيه وهو بيدفعها ربع جنيه
المذيعة : مش فاهمة يا أستاذ سيكو.
سيكو : اولا أنا مش أستاذ ..أنا طالب مصرى وطنى مسلم وشايف أن فيه أصابع أجنبية عايزة توقع بين المسلمين وغير المسلمين فى بلدنا.
المذيعة : تقصد إيه يا سيكو.
سيكو : شايف أن التعديلات وراها حاجة مخيفة.
المذيعة : ممكن تقرب من الكاميرا شوية وتوضح لنا الحاجات المخيفة ؟
سيكو : أولا..ولا بلاش أولا عشان منزعلش الحكومة.
ثانيا..إيه حكاية إلغاء الاشراف القضائى على الانتخابات؟
المذيعة : وإلغاء الشعارات الدينية؟...معناه إيه؟
سيكو : معناه حرام حد يقول "الاسلام هو الحل" وممنوع حد يهتف "يا يهود يا يهود جيش محمد بدأ يعود".
المذيعة : أنا ملاحظة انك مثقف اوى يا أفندم.
سيكو : اولا انا مش أفندم...ثانيا عايز أسأل سؤال.
المذيعة : أتفضل يا أفندم.
سيكو : تانى.
المذيعة : آسفة..آسفة..عايز تقول إيه؟
سيكو : الكاميرا دى شغالة؟
المذيعة : شغالة.
سيكو : أحب أوجه كلامى لكل المصريين اللى شايفنى دلوقتى وأقولهم لازم نطالب جميعا بإستفتاء شعبى على التعديلات الدستورية الخطيرة اللى جايه وكلنا نقول لأ للتعديل المشبوه
المذيعة : وأخبرا تحب تسمع إيه؟
سيكو : أحب أسمع أغنية"ظلمووووه"لعبد الحليم حافظ
على فكرة دى اول حلقة من مسلسل استاذ سيكو استنوا باقى الحلقات
