عايزك ليه..

عايزك ليه .. عايزك جنبي



مش أنانية .. ده شعور قلبي



اللي أنا حاسس بيه بيخبي



كل حنينُه .. بيني و بينُه







عايزك نور .. يملالي حياتي



يبني شعور .. ينادي لي ليلاتي



يرمي النبض في صوت حكاياتي



تغير لونه .. في حضن سكونه







بحلم بيك تناديني عنييك



يرتاح قلبي و أعيش حواليك



ألقى الفرحة في طول لياليك



ده مافيش غيرك عايش فيه



و عايزك ليه



ـــــــــــــــــــــــــــــــــــــــــــ



شايفك قدام عيني حقيقة



كانت حلمي في كل دقيقة



شفتك بس .. عمري إتحس



و كل مشاعري لاقيتها رقيقة



ــــــــــــــــــــــــــــــــــــــــــ



ياما رسمت صور في خيالي



ألمح فيها حبيبي الغالي



و لما لمحتك .. قلبي إرتاح لك



و لقيت شوقي في أحلى ليالي