اجمد نكت ادخل ومش هتندم والله حتموت من الضحك

بسم الله الرحمن الرحيم

السلام عليكم

اعتذر عن سبب إنقتاعى فى المنتدى

والآن جهز نفسك للنكت 3W4

1 - مرة واحد شايف صحبو زعلان قالو:مالك يا عم قالو:ياعم شيبسى فى حالى قالو:ايه يا عم اللى حصل قالو: ابويه كرنشى من البيت قالو يا راجل كلبظ دماغك

2 - واحد غبي عنده ارق ومش عارف ينام....قال له صاحبه عندي لك طريقة للنوم مؤكدة...عد من واحد الى خمسميه... أخونا مكدبش خبر... وأول ما الدنيا ليلت راح للسرير وبدا يعد .. واحد .. اثنين .. ولما وصـل الى ميه وتسعة وتسعين ...كبس عليه النوم … قـام جري غـسـل وشه ورجــع للـسـريـر يـكـمـل الـعـد

3 - مرة واحد بيروح بيتة كل يوم سكران قام من النوم الصبح وقال لمراتة انتى يا ولية كل يوم تسيبى نور الحمام منور، مراته ردت عليه اتنيل انت اللي كل يوم بتخش الثلاجة

4 - واحد بخيل دخل على ولاده وقعد يزعق بصوت عالى علشان مشغلين المروحه على 3 وهما 2 بس

5 - واحد بخيل قال لابنه : إنجح السنة دي وانا أجبلك كورة .. الولد شد حيله ونجح .. أبوه إشترى له كورة .. وقال له : طب لو نجحت السنة الجاية أنفخها لك

6 - واحد قال لأبوه بابا عاوز أكمل دراستي بره قال وايه المشكلة، قول لأمك تفرشلك في الحوش بس خد بالك لتبرد

7 - مره واحده حامل ابنها الصغير بيسألها:ايه اللي في بطنك ده يا ماما قالتله :ده أخوك يا حبيبي...تاني يوم و هوه في المدرسه المدرس سأله:انت عندك اخوات؟ قاله:كان عندي واحد بس ماما أكلته.

8 - مره طالبه مشاغبه المدرس اشتكاها للمدير المدير بعتلها قال لها "عملتى ايه؟" قالت له "ولا حاحه رميت ورده من الشباك" قال "بس كده؟" قالتله "اه" بعد شويه لقى طالبه مدغدغه ومكسره سالها "ايه الى عمل فيكى كده؟" قالت له "انا ورده الى اترميت من الشباك."

9 - في المدرسه استاذ الحساب بيسال التلميذ بتاعه: لو باباك استلف الف جنيه من البنك والف جنيه تانيه من جاركم يبقى هيرجع كام الف، التلميذ: مش هيرجع حاجه يا استاذ ، الاستاذ: ياابني استلف الف وبعديها الف تانيه التلميذ : مش هيرجع حاجه يا استاذ، الاستاذ: اقعد يا ابني انت متعرفش حاجه في الحساب، التلميذ: انت اللي متعرفش ابويا يا استاذ

10 - مرة واحد محشش لقي كنز قال: كويس فاضل الخريطة!!

11 - مرة واحد غبى واقف في الشارع وبيتكلم فى المحمول وعمال يزعق ويقول : بس دورى تانى...معلش دورى كويس ..واحد معدى فى الشارع سأله : فيه ايه؟؟ راح واخد المحمول منه وبيسمع .. لقى (الرقم الذى طلبته غير موجود بالخدمة من فضلك اعد المحاوله)

12 - مره واحد اشترى لمبه مسمار دقها في الحيط

13 - واحد بلدياتنا وقع من الدور العاشر .. جاله صداع

14 - مذيعة تليفزيون قابلت شاب فى الشارع سألته سؤال جاوب إجابة صحيحة ، طلبت منه يحب يشوف أيه ، أجاب الشاب بسرعة: أمى الله يرحمها ، ردت المذيعة مستحيل و ترجته انه يطلب طلب آخر ، فكر الشاب ثم قال : أحب أشوف الزمالك وهو بياخد الدورى ... ردت المذيعة بسرعة لأ أجيبلك مامتك أسهل.

15 - اتنين مساطيل اتفقوا انهم يسرقوا العماره اللى قدامهم فالحرامى الاول اقترح انهم يزقوا البيت الى مكان بعيد وفاضى علشان يسرقوا براحتهم فخلعوا ملابسهم وفضلوا يزقوا فى البيت فات من جنبهم واحد حرامى سرق الملابس فواحد منهم بص وراه ملقاش الهدوم قال بس كفايه كده احنا بعدنا اوى

16 - مسطول لابس جزمة ، فردة بيضة والتانية سوده .... قابله مسطول تاني وقاله: "ايه ياواد الجزمه الشيك دي. راح المسطول الاولاني حط رجل علي رجل وقاله: وشرفك إنت.. عندي جوز جزم تاني فى البيت شبهه بالظبت

17 - مسطول ماسك ثلجه بيقول أموت و أعرف بتنقط منين الميه ديه

18 - نمله ماتت على الشط فبيسألو مسطول تعتقد ليه ماتت؟ قال ضحايا تايتنك

19 - اتنين مساطيل ماشين في الشارع واحد وقع في البلاعة التاني راح إستناه عند الحنفية

20 - اتنين مساطيل قاعدين قدام مرايا الاول بيقول لصاحبوا مش واجب برده نقوم نسلم ع الجماعه اللى قاعدين دول قالوا واجب برده ولسه حيقوموا راح التانى قالوا اقعد يا عم اهم جاييين علينا اهم

اتمنى النكت تكون عجبتكم

تحياتى

ebrahim018

مشكور ياابراهيم على النكت الجميلة دى

هههههههههههههههههههههههههههههه
جميلة جدا تسلم ايدك

شكراااااا على مروركم

ههههههههههههههههههههههههههههههههه
نكت جامده جدا الف شكر يا ابراهيم على النكت الجامده ديه

اجمد نكت ادخل ومش هتندم والله حتموت من الضحك Cinderella_800x600_uk

اجمد نكت ادخل ومش هتندم والله حتموت من الضحك Cinderella_800x600_uk

شكرا ياسندريلا على مرورك

» اجمد واجدد الصور للعسولة رندا البحيري ادخل ومش هتندم
» اما تشوف حد لازم تعرفه من رجله..والله لتموت من الضحك بس ادخل
» قبل ما تدخل اتصل بالمستشفي علشان انت حتموت من الضحك
» موضوع: حوار بين التلميذ والمعلم...هههههه حتموت من الضحك
» ادخل مفاجاة للى يريد تعليق عربى للعبه pes 6 ومتجرب والله لسه كنت بلعبها دلوقتى وشغاااااااااااااله والله 100%