هتخلعي الحجاب ياتري؟؟

مساء الخير ياجماعة
الموضوع ده انا عارفة انه مهم اوي لكل البنات المحجبة
ياريت تقبلوا موضوعي واشوف اراء الشباب والبنات

لوعند اي حد فرح بتاع اي واحدة قريبته وهي محجبة
ومش عارفة تخلع الحجاب ولا لا في يوم الفرح
والعيلة اختلفت ناس تقول ده يوم في العمر وناس تقول استغفر الله العظيم هنغضب ربنا علشان الفرح

سؤالي بقى( لكل البنات )
هتخلعو الحجاب يوم الفرح وتقولو اهو يوم العمر ولا هتفضلو لابسينه وليه

والسؤال( للولاد)
هتوافق اني مراتك تخلع الحجاب يوم فرحها؟ wae4

لو عليا انا لا طبعا ما فيش حاجه تستاهل انى اغضب ربنا حتى لو يوم فرحى وبعدين المحجبات بيبقوا اجمل وتفضل البنت محتفظه بواقراها واحترامها عند كل الى يعرفوها

مشكووووووره يا روما

انا عن نفسي مش متذمد لان الدين يسر

وعلشان كده مش ممكن ارغب عليها حاجه لانها زي مااقتنعت ولبست الحجاب
هتقتنع ومش هتقلعه اكيد
بس انا مع انها تكون علي حريه بس مش بقول يعني تكون في ملابس مش كويسه بس تكون محترمه وربنا يهدي الجميع

بجد موضوع رائع ومشكوره يا ساره احلي حاجه بتعجبني ان مينفعش الواحد يرد وخلاص لازم يفضل يقرآ الموضوع مره واتنبن وتلاته علشان يركز ويقول المفيد
THANKSSSSSSSSSSSSSS SARA KTEEEEEEEEEEER

طبعا يا روما عمري ما هقلع الحجاب لو مهما حصل

وهمسة ردت فعلا بالواقع

ومشكووووووورة على الموضوع يا قمر

ميرسي بجد ليكوا وربنا يكون معاكوا
وياريت الموضوع يفيدكوا بجد
نورتوا التوبيك

لاء يا روما مش هقبل انى اعمل كده
وشكرااا على الموضوع هو فعلا مهم

لا سا روما طبعا يوم في العمر زي 10

و هيا مش مستهالة دة بيبفي منظرة

و ياريت نعرف رايك

ميرسي ليكوا بجد

نورتوا التوبيك انا رأيي ان دي حرية شخصية وناس كتير بتخلع الحجاب يوم فرحها وناس بردو مش بتحب تخلعه

وانا عشان مسيحية اصلا فمن غير فرح طبعا انا مش محجبة

ايوة صح بس انا مكنتش اعرف

موضوعك حلو ياروما وفعلاً بعض المحجبات بيكون عندهم اختلاف الرأى وارد
انها تكون ليوم واحد من غير حجاب
وهو يوم وحيعدى بس
المفروض
انها تكون على مبدئ معين يعنى لو محجبه ده شئ جميل انها تتمسك بكده
وربنا يجازيها الخير كله
وده نفسه بالنسبه لبعض المجبات اللى بيكون عندهم مناسبه
بيكونو عايزين يظهرو بمظهر كويس بس والله
كل الخير فى الحجاب وده بيظهرها بمظهر احسن بكتير من غيره
عفواً للاطاله

علي فكرة العروسة المحجبة بتبقي اجمل الف مرة من العادية

وانا عن نفسي استحالة اخلعها عشان

اولا حراااااااااااااااااااااااااااااااااااام
ثانيا شكلي هيبقي اجمل بيها

شكرا يا روما موضوعك جميل

أنا رأى أن المحجبة مينفعش تخلع الحجاب خالص ولا حتى يوم فرحها لأن هى اللى لبسته بنفسها ومحدش أكيد أجبرها عليه ومش معقول ترجع تخلعه وهو مفروض عليها علشان ساعتين يعنى كأنها ملبستهوش أصلا.......شكراااااااااااا يا سارة

ميرسي لردكوا بجد
ونورتوا التوبيك
وربنا يقوي ايمانكوا

نايس توبييك بجد يا ساره

وفعلا انتشر اوى موضوع اهو يوم ف العمر واصل فسايتن المحجبات مش بتكون حلوة واحلى حاجه ف العروسه فورمه شعرها والكلام ده

جايز ناس تشوفانها حريه شخصيه

بس انا مش متخيله ان البنت تفضل طول عمرها نغطيه نفسها وفجاه كده ف يوم تروح شايله كل الاغطيه دى وتبقى من غير حجاب وبفستان من غير كمام...

لا وكمان ف اليوم ده بتبقى كل الناس اللى تعرفهم واللى ماتعرفهمش كمان موجودين وبيتفرجو..

واللى ما اتفرجش ما يزعلش..ابقى اتفرج على فيديو الفرح

او ممكن تاخده على موبايلك بالبلوتووث من صحابكم اللى حضرو

يعنى م الاخر حاجه ببلاش كده

صعب اوى اوى على بنت محجبه مقتنعه بحجابها انها تعمل حاجه كده حتى لو من منطلق الحريه الشخصيه

ده رايى وسورى عالاطاله

ومرة تانيه ثانكث يا سارة على موضوعك

احنا عندنا بتبقى بحريه البنت

بس انا عمرى مهبين شعرى فى الفرح

ولا اللى بيقولوا دى ليله العمر

طيب لما هى ليله العمر مش من المفروض تبقى جوهره مصانه لشخص واحد

مش امه لا اله الا الله تتفرج عليها

والمفروض اى واحد يمنع خطيبته انها تبين شعرها فى الفرح

دا لو بجد بيحبها ويخاف عليها

ثانكس يا اجمل ساره نايس توبيك

ميرسي لردكوا بجد
وانا مبسوطة اني البنات مش عايزة تخلع الحجاب في اليوم ده
نورتوا التوبيك

» مفاهيم زمنا الحالي؟؟ ياتري صح ولا لأ
» ياتري هتغني ايه يوم فرحك, بس محدش ينسي يعزمني
» تحدى الأهلاوية و الزملكاوية ..... ياتري مين اللى هيكسب ؟
» شعر حلو اوي عن الحجاب
» صور الفنانين قبل وبعد الحجاب