شوية نكت غبية اووووي

السلام عليكم

النكت ديه عن الغباء و الاغبيااااااااء

ويارب تعجبكم

مذيعة تليفزيون قابلت شاب فى الشارع سألته سؤال جاوب إجابة صحيحة ،
طلبت منه يحب يشوف أيه ، أجاب الشاب بسرعة: أمى الله يرحمها ، ردت
المذيعة مستحيل و ترجته انه يطلب طلب آخر ، فكر الشاب ثم قال : أحب
أشوف الزمالك وهو بياخد الدورى ... ردت المذيعة بسرعة لأ أجيبلك مامتك
أسهل.

مرة أغبية سافرو امريكا واحد منهم رجع والتانى مرجعش... فواحد سألة
فين صاحبك؟؟؟ قال له ده اول ما راح هناك اتجنن من ناحكات السحاب وطلع
عمارة 500 دور ... ورمى نفسة من الدور ال 500 ونزل فى 3 ايام .....
قال له ومات ؟؟؟؟ قال له انت عايزه ينزل فى 3 ايام من غير اكل و لا
شرب وما يمتش

مره واحد غبي راح السنيما هو ومراته اول ما النور طفا قال لها جومى يا
واليه شكلهم هيناموا

اربعة أغبياء عملوا عملية اختطاف فخطفوا فتاه واوقفوا تاكسى فسائق
التاكسى قال:التاكسى ده اربعه راكب بس قاموا سابوا الفتاه وركبوا
هم

مرة واحد مسئول بيفتتح حمام سباحة فالمدير قال له ده المنط يا فندم
30متر.... قوم نط يا مرزوق فنط مرزوق . وده يا فندم منط 50 متر قوم
ياعوض نط فنط عوض .وده يا فندم منط 80 متر قوم يا نجيب نط فنط نجيب
فقال المسئول هايل ..هايل .... قام المدير قال ولسه يا فندم لما نملى
الحمام مايه

غبي معدي من امام مزرعة ابقار حب يعرف ازاي البقر بيتزرع دخل يسال الراجل
قاله تجيب شوية سكر وترشهم على الارض وتاني يوم هتلاقي البقر طلع عمل
الغبي زي ما الراجل قاله، صحي تاني يوم لقى نمل مكان السكر فرح اوي وقال
يا حلاوة ده البقر وهو صغير

مرة مدرس انجليزى طلعله عفريت قاله بخ قاله اسبلها

مرة واحد راكب حمار فبيعدى على بنزينة لقا ايه لقا ان العربيات كل ما
يتحطلها بنزين تطلع تجرى راح دخل البنزينة وقال للراجل حط للحمار عشرة لتر
بنزين عشان يجرى اول مالراجل حط للحمار بنزين طلع يجرى ويرفس ويتشنج وجرى
بعيد قام الراجل قاله حطلى انا بقى عشرين عشان الحقه

جماعه ارهابيين أغبياء حبوا يفرقعوا مدرسه حطوا القنبله فى الدور
الاول واستخبوا فى الدور التانى

ههههههههههههههههههههههههههههه
جامده
بالذات دي
اربعة أغبياء عملوا عملية اختطاف فخطفوا فتاه واوقفوا تاكسى فسائق
التاكسى قال:التاكسى ده اربعه راكب بس قاموا سابوا الفتاه وركبوا
هم

شكرا لردكNice body

هههههههههههههه

حلوين اوي
مشكورة يا بنت مصر

ههههههههههههههه
شكرااا يا بنت مصر

شكرا لردك يا محمود و يا اميرة الحب

كلها نكت غبية فعلا بس دي اكتر واحدة عجبتني اوووووووووووووووي
اربعة أغبياء عملوا عملية اختطاف فخطفوا فتاه واوقفوا تاكسى فسائق
التاكسى قال:التاكسى ده اربعه راكب بس قاموا سابوا الفتاه وركبوا

gut