احسن حاجه تعملها فى حياتك انك تعيش
مطنش
... ولكى تستطيع ان تكون مطنش يجب ان تتبع هذة الخطوااات :
ركزووا معاياااا
الموضوع كبير اوى
(1) تسبيل العين
مصحوبه بنظرة بلهااء
(2) فتح الفم 15 سم على الاقل ... والزيادة طبعا بركه
وخير
(3)ابتسامه بلهاااء
(4)دلدله للكتفين مع بهدله بالملبس والمظهر
ومراعاة عدم حلاقه الذقن للرجال وعدم تسريح الشعر للسيدااات ويفضل عدم الاستحمااام
بالمرة
(5) علاماات التخلف العقلى المعتاادة والمعروفه طبقا لقوانين مستشفى
العباسيه
عملت كل دول اوكى
ابسط يااعم خلاص انت بقيت عضو مهم جدا
ومميز فى منظمه ( طناشكو) العالميه '
كما انك ستكون من كبار المؤسسين....
وسيقام مهرجاان( الطناش للجميع ) قريبا باذن الله
طبعا انت دلوقتى
مرتاااح اكيد وكلما طنشت اكتر كلما شعرت برااحه من الاستفزازاات اليوميه اللى احنا
متعودين عليهاا
يعنى اول ما تصحى من النوم وتلاقى اختك او اخوك او
والدتك او والدك اول ما يشوفوك خارج من غرفتك بعد العصر شعرك منكوش وسريرك معتدلتوش
وبتهرش فى راسك زى اللى مبيستحمووش
اول ما يشفووك كدة ينزل عليك فجاءة وابل
مكثف من الشتائم ورمى كلام زى الرصاص وقد يصل الامر لقذفك باى شىء فى متناول اليد
... كالطبق الصينى او شبشب الحماام
وانت طبعا مش فاهم اى حااجه
عادى
خالص الحل بسيط جدا طنش
واول ما تفتح التلفزيون وتلاقى النشرة مقتل 60
فى حادث قطار
واصابه 100 فى صراع داخلى بين دولتين
واحتلال وغدر ونهب وعالم
بتاكل فى حقوق شعب
تحزن.......لالالا
تبكى .... لالالا
تتضايق ..... لالالا
كل اللى عليك انك تطنش عششاان تقدر
تتنفس بدل ما تموت وتتخنق من الضعف وقله الحيله وجواب التعيين اللى نسى طريق بيتكم
زى اللحمه
ولو رحت يوم تجيب نتيجه الامتحاان اخر السنه
ولقيت نفسك
شاايل موااد كتيرة ... طبعا ظلم
رغم انك حالل الامتحان كويس.. لكن الدكتور
وهوة بيصحح ورقتك دق جرس الباب فتح فلقى حماته الملاك على الباب
واكتشف ان وش
ورقتك نحس عليه وقرر انك لاتستحق سوى السقووط
عادى بردة ولايهمك
طنش...
يعنى من الاخر كبر دمااغك
كبرهاا اوى اوى
هتفضل تكبر معااك
لغايه ما تلاقى راسك فى النهايه فى حجم الكرة
الارضيه
وننصح بزيادة الحجم لان العقل السليم دلوقتى بقه فى الحجم الكبير
ايه كلامى زعلكم
لو زعلكم متضايقوش
متزعلوش
ومتعملهوش
طنشوووووة وخلاص
