الجزء الخامس : ازاى ترخم على واحد نايم

عزيزي الصاحي اذا كنت تعاني من أرق لأي سبب

و حاقد على واحد نايم او اذا طق فيوز النذاله فجأه عندك أو عرق

الرذالة بيوجعك وقدامك واحد نايم كأي بطيخة تحترم نفسها

ماعليك الا ان تتبع الخطوات التاليه

وصدقني ممكن يقتلك فيها

اهم شرط :: اوعى يكون بطل مصر في المصارعة

انا مش مسئول عن اللى هيحصل

1) اذا كان في عز نومه وانت مانمتش أو مش جايلك نوم ادخل الغرفه وشغل النوووور واطلع بمنتهي البرود كأنك لم تفعل شيء.

إذا كان نومه خفيف هايصحي وقولك ( إطفي النور يا حيوان ) طبعا إحنا إتفقنا إنك بارد لذلك لا تعره أي إهتمام و تذكر القانون الأول لنيوتن في التنفيض " لكل فعل له تنفيضة مساوية له في المقدار و مضادة له في الإتجاة " .

أما لو كان نومه تقيل يبقي تستعمل الطريقة رقم 2

2 ) إكتشف إن في بيتكم سرير وعايز تتأكد إن كل حاجه تمام و إن السرير رجليه مظبوطة طبعا دا السرير إللي أخينا نايم عليه ويمكنك ساعتها القيام بالكثير من التخبيط و الدق وتحريك السرير ولكن إنتبه فقد يصحو من النوم فيجدك تحت السرير او رأسك في متناول يده فلا أحد يعلم ساعتها ماذا يمكن أن يحدث لو كان من هواة النوم وبجوارهم مفتاح إنجليزي .. لذلك أنصحك أن تهز السرير هزات عنيفة حتي يستيقظ وقبل أن يفيق تماما أركض بأقصي سرعة .

3) اذا كنت مقهــــــــور من واااحد ناايم العصر او الظهر أدخل الغرفه وغطيه كويس و إقفل المكيف واطلع ولا تنسى أن تغلق الأبواب والنوافذ.

واذا كانت في دفايه بالغرفه , ياعيني شغلها بقي علي أسخن حاجة وسيبه واطلع بره كأنك لا تعرف عن الأمر شيء .

لسه ما قامش ؟؟ إوعي تيأس

4) لو كان لسه ماقامش !!! ماتعملش حاجة من اللي سبق ذكره إنما بهدوء حط ايدك على الراديو وشغل محطه خرباااانه و يا حبذا لو كانت بتاعت أغاني هابطة من نوعية ( حبيبي فوق حبيبي تحت حبيبي رايح حبيبي جاي )

وعلي الصوووت على الآخر و امشي إنت كمل مشاهدة التليفزيون .

5) اذا كان لسه نايم وانت شبعااان نوووم بس عايز تتونس:

جيب ماء باااارد وقرب من النايم وقطر على جبهته قطره قطرة هايترعش ويمسح جبهته فاكرها نمله ولا حاجة .

واقعد كده لحد ما يصحي أو يقوم يرزعك قلم محترم علي وشك ويكمل نوم

6 ) خذ منديل ولفها لحد ما يبقي على شكل العود... الغرض ان يكون نهاية طرفه حاد ..

وبس يا معلم .. أخينا رأسه أصبحت ملعبا وأنت الهداف

ممكن تحطها في ودنه ( الحركة دي مستفزة جدا ومجربة )

ممكن تحطها في فمه

ممكن تحطها في أنفه بس مش لجوة أوي يعني

لو صحي يبقي إحتمال إنه يفرجك علي عنبر الكسور في أي مستشفي قريب من بيتكم

واذا مانجحتش كافه الطرق اللي فوق... تأكد انه مش آدمي . . خليه نايم

واطلع بدل ما يجيلك شلل نصفي ولا اقولك احسن اقتلة وامشى زى ما انا هعمل

الدروس السابقة

الدرس الاول: ازاى ترخم على الناس في المنتديات

الدرس التانى: ازاى ترخم على مراتك

الدرس التالت: ازاى ترخم في الحياة العملية

الدرس الرابع: ازاى تبقى رخم في المواصلات

تابعونا في انتظار الدرس السادس

يا سلام يا باشا والله فنان من يومك

شكرا على النصايح الجامدة دى وجارى التطبيق

الجزء الخامس : ازاى ترخم على واحد نايم Mojo

ههههههههههههههههههههههه

عليا النعمة لو عمل حاجة من دول فيا

مش حيلحقوه جتى فى القصر العينى

حيتقتل يعنى حيتقتل

ههههههههههههههههههههههههههههه

حلو نبقا نجرب ونقولك

رخامه رخامه

انا لو حد عمل فيا كده انا ممكن اقوم احدفه من اقرب شباك فى الغرفه

انا عندى حل احسن من كده
تقعد تصحى فيه ولما يصحى قوله
قوم نملك شويه عشان انته تعبان

جامدين يا هاني

بس رخامة بجد

مشكور يا هاني

دايما متميز والله

ihihi

ههههههههههه
الموضوع هااااااااااااايل زي ما معودنا
انا لو حد عمل فيا كده مش هيلحق يعمل الخطوة التانية
من اولها كده ع المستشفي

ميرسي لردودكم

نورتوا التوبيك

ياريت اكون افدتكم

wae4

هانى مش عارف يدايق الناس ازاى ولا ازاى

يابنى ارحم نفسك شويه
دة حتى غلط عشانك

هههههههههههههههههههههه

على العموم تسلم ايدك

على التوبيك دة

» ازاي ترخم علي حد نايم & موسوعه الرخامه العالميه &
» ادخل اتعلم ازاى ترخم على مراتك !! الدرس الثالث
» للعكننه على واحد نايم...
» لعشاق يوغى يو الجزء الخامس
» الجزء الرابع ازاى تبقى رخم في الحياة العملية