مش مهم....

مش مهم تكون عيون;

لونها اخضر

مش مهم يكون جمالك

زى بدر الكون منور

الاهم انك يا غاليه

فيكى شىء تانى شاغلنى

غير عبيرك

غير حنان عمرى ما شوفته ف حد غيرك

شىء واخدنى غصب عنى

يحتوينى

يزرع الاحلام ف دربى

يمسح الدمعات ف عينى

يحتوى خوف جوه نبضى

يفرش الفرحه ف سنينى

صدقينى

بصى جوه حروف كلامك

هتلاقينى

متخافيش لو حد لامك

بصى اكتر

هتلاقكى جوه منى

كل معنى بيه بعبّر

كل آهه من حنينى

اسمعينى

هتلاقينى ف قلب صوتك

جوه احزانك...... سكوتك

ويّا فرحك

ويا غضبك

حتى خوفك

هتلاقيكى وهتلاقينى

يبقى حقى لما بلسانك اغنى

أو اقولك.....

إنك انتى حته منى

أيوة انتى حته منى

ماأروع ماقرات هنا من كلمات

كلمات أستوقفتني معانيها
تعابيرها جميله جدا
تسلم الايادي التي خطت تلك الكلمات
تقبل مروري البسيط
تحياتي
أختك