هوا احنا ليه بنحب نحط العقدة في المنشار ؟؟؟

بسم الله الرحمن الرحيم
ازيكم يا اعضاء منتدى الأماني
الموضوع دا حازز في نفسي من فترة عاوزة اكتبه لحد ما خلاص فاض بيا وقولت لازم اكتب
الدنيا بقيت ليه خنقه فخنقه الكل مصر يخنق في التاني
والاسباب تافهه جدا
عندك مثلا الواد محروس المؤدب المحترم اللي عمره ما رفع عينه في بنت
الواد دخل الجامعه وشاف اشكال والوان من البنات وعلي الرغم من كده تمسك محروس
بادبه واخلاقه
لحد ما شافها وزي بقيت الافلام العربي حبها ودخل البيت من بابه
وقالها لازم نبقي في النور يا شفيقه
محروس راح لابو شفيقه والاحلام خضرا خضرا
والعصافير بتزقزق
وابو شفيقه بينع............
المهم محروس قال انا عاوز اخطب ايد بنتك من هنا
وما ادراك بما حدث
ابو شفيقه نزل بالطلبات
شقه 5 اوض وحمام وصاله ومطبخ
مهر 100 الف حسب سعر الدولار واليورو
عربيه لا عربية ايه طيارة خاصه طراز بنج بونج
لحد ما محروس العرق يملا وشه
والكلام يقف في زوره
طب ليه يا احنا غاويين عقد وكلاكيع
احنا ليه ما نبقاش عمليين ونشوف ابسط واسهل الوسائل الممكنه
طب انتم في رايكم محروس دا لما يتخرج اكبر مرتب هيلاقيه 500 جنيه
وابوه وامه علي قد حالهم
عرفوني بقي ازاي هو هيعرف يتجوز
ولما انصدم الصدمه دي يا تري هيفكر ازاي بعدها
طب وليه سبب العقد دي كلها
تلاقي طبعا اسباب ايه زي الفل
اللي يقولك انا بنتيمش اقل من بنت ام سامي بتاعة المفتأه
دي جوزت بنتها بمهر ما يقلش عن كذا
واللي يقولك انا بمضمن لبنتي مستقبل مريح وحياة خضرا
ال يعني الفلوس هيا المستقبل المريح والحياة الخضرا
انا عاوزة اعرف ايه رايكم
ولو انت مكان محروس هتعمل ايه
وازاي نغير من الخنقه دي

عندك حق
محروس وشفيقة الاتنين مظلومين
انا لما بسمع قصة زى دى بتصور ان العريس رايح يشترى حاجة
وافضل مثل لها هى ( الجموسة )
بجد ببقى حاسس ان الاب طول عمرة بياكل ( الجموسة ) ويربيها علشان يبيعها فى الاخر طبعا انا مقصدش اى اساءة للبنات لانهم هما مظلومين برضة بتبقى موافقة وبتحب الشاب دة ويجى ابوها يبوظلها حياتها .
انا مش فاهم هما بيعملوا كدة لية
وعالفكرة دلوقتى فى ناس ( شوية شباب ) بيدرسوا حملة مقاطعة للجواز اللى زى دة
ودا هيادى لكارثة اجتماعية كبيرة فى المجتمع هيكتر عدد البنات الغير متزوجين وهيكتر عدد
الشباب اللى بيرتكبوا خطيئة الزنا

وربنا يسترها علينا.....

الصراحة مش عارف اقول اية بس انا لو لاقيت اب بالشكل دة حقولة تغور انت وبنتك
اسف بس هى دى الحقيقة يعنى انا حتجوز مين السفيرة عزيزة
تروح للى يقدر يجبلها مهر 100 الف جنية
واللة حرام اللى بيحصل فينا دة
وشكررررررررررررا

متشكرة جدا علي مروركم الكريم

والله عندك حق
بس انا لو لقيت ابوها كدا عليا الجزر اشرحه
ههههههههههههههههههههههههه
مشكوره ياقمر على الموضوع الهام والجميل ده
تقبلى مرورى wae4

توبيك هايل يا أميرة وانا رأيي من رأي مانوسي وبردو انا مع اني البنات فعلا مظلومة في الموضوع وفعلا ممكن تبقي موافقة بأقل حاجة وييجي باباها يعقد كل حاجة

متشكرة جداا علي مروركم الكريم

راي من راي عمرو وشكرااااااا

عندك حق كلامك صح وانا معاكي wae4

متشكرة جدا علي مروركم الكريم

» احنا وهما فى صور
» عارفين احنا مش بنذاكر ليه ؟؟؟؟؟
» ميييين قددنا .. احنا البناااات
» تقدر تقولي ((اللي احنا فيه ليه ؟؟ ))
» احنا مش اقل من انجلترا خالص حتى شوفوا بالامارة