ايه تاني علشان نفوق ؟!

الاسعار ولعت مفيش حاجه مش بتزيد
(هتقولي علاوة هقولك البنزين زاد وانت عارف يعني ايه يعني الدنيا كلها تزيد)

والناس بتموت ومحدش حاسس بحد وانت عارف يعني ايه اب مش لاقي او مش عارف يحقق لاولاده حلم !!
والبنات بقي لبسهم استغفر الله العظيم ولسه والنهاية قربت

الوسايط بقت في كل حته

والشباب خلاص قرب يموت لانه حتي لو عنده طموح في مصر مش هيعرف يحقق اي حاجه
تحس كده الحكومه بتحاول علي قد ماتقدر ترجع الناس لوره محدش يتقدم

في ايه تاني يبقي اللي يسرق ويقتل محدش يكلمه
لان ده طبيعي مع الغلاء اللي احنا فيه

الدنيا بايظه

يمكن يكون ده من غضب ربنا علينا !!

والله عمرو دياب غلطان لما غني لحسني ضحي بايه ده انا مش عارف !! قال واحد مننا قال !! (بصراحه انا زعلت من عمرو دياب)

ربنا يكون في عونا ويولع في اللي ولع في الناس
وفي الاخر احب اشكر سيادة الرئيس راعي التوليع في مصر

فحسبنا الله ونعم الوكيل