جيل النيو لووووووووووووك

طبعا انتم عاوزين تعرفوا ايه الموضوع اقولكم انا بقي

--

انا ملاحظ اليومين دول يا بناتيت ويا ولاليد ( جمع ولاد )

البنات والولاد بيتكلموا بطريقه بجد تنقط انا يدوب بفهم الكلام ده

يبقوا يروشوا كلامهم كده ومش بنفهم عليهم

تلاقي البنت في الشات او ماسنجر او اي زفت تتكلم فيهبقي تقول:

انا مش ينفع - انا مش أشرب - انا مش أكل - انا مش أعرف - أنا مش يكتب - انا مش انا تش انا فش - انا مش اعمل كته ابتا ابتا -...................انا مش بتاعه الكلام ده انا كنت طول عمري جامده

--

تلاقي الحجه الرقيقه بقي تقول ايه :

( انا مش ينفع اعمل كده انت مش تزعل بقي بيس يا مان )

وهو يرد عليها

( انا مش ازعل منك خالص ابدا يا ومان )

---

خدتوا بالكم بقي

مش ازعل مش اكتب مش انام مش اعرف مش اسمع ,,,,,, مش ممكن كده

واصلا تلاقي البنت اصلا ستايلها ميجبش كده اصلا

------

وتلاقي بقي الحروف اللي ضاربه بالهبل

طويل = تويل
كده = كته
ابدا = ابتا
خالص = خالس - ولو رقيقه اوى _ خالث
ماشي = ماسي
بجد = بكد
حلو = حووووووووووووووووو
اشرب = اشششششششششب انبوووووه

حاكه تنأت بكد يووووووووووه قصدى حاجه تنقط بجد ::

-----------------------

وتلاقي بقي الواد من دول راح السينما

يرجع يقول لصحابه :

اووووووبس رحت حته فيلم روش طحن فيلم اخر حاجه بجد فيلم يهوس هيهئ هيهئ هيهئ هيييييييييييييييييييييييي ييييييييييييييييييييييييي يييهئ

مش عارفه بيضحك علي ايه بس بيضحك وخلاص

-----

نيجي بقي لكلام الولاد مع بعض

هاي يا مان

بيس يا مان

انت ليه عليا مبتردش

كب الزبون

فكك منه

اسكت بدل ما احط عليك ( سؤال بقي هو هيحط ايه ؟؟؟؟)

جبت بدى وشك ( الولاد اصل بقوا يلبسوا بديهات زى البنات )
ومش عارفه ليه برضووووووو الولاد لازم يسقطوا البنطلون ولازم حاجات مشجرة كده تبان وقلوب وفراوله و دباديب روشييييين اوى جدا خالص

------

ننتقل الي ولد وبنت بيحبوا بعض

يتكلموا في التليفون :

هو : الو يا حبي
هي : حبيبي
هو : ازيك النهارده ( ليه بيقول النهارده هو يعني بيكلمها في زمن الماضي)
هي : بيس وانت
هو : سهران من امبارح مش نمت علشان اكلمك مخسوس
هي : وانا كمان مش نمتش خالس مستنيه تليفونك بجد ( وتلاقيها مخموده بقالها 8 ساعات علشان تحافظ علي بشرتها)
هو : وحشاني موت بجد
هي : وانت بجد موت اكتر حاجه
هو : امبارح شفت فيلم اوووبس يا روحي رومانسي موت كان نفسي تتفرجي معايا
هي : بجد طيب احكيلي
هو : البتل ( البطل يعني ) تول الفيلم بيبوس البتله ( البطله ) --- ( عاوز يجرجرها بقي في الكلام )
هي : بجد
هو : بجد
هي : بجد بجد
هو اه بجد
وباقي المكالمة بقي بجد وهو يقولها بجد
طالما مش قد الكلام في الحاجات دى بيتكلموا لييييييييييييييييه ::

----------------------------------

في المنتديات العربيه بقي ملاحظة حاجه تضايق جدا:

واحد حاطط موضوع /

(( صور للفاجرة هيفاء وهبي لعنها الله))

طيب هو حاططها ليه

--

و (( فيلم لبنت ماتت امام البال توك نرجو عدم الدخول ))

حاطط الموضوع ليييييييييييييييييييييييي ييييييييييييييييييييييييي ه طالما مش عاوز حد يدخل

--

والردود بقي

( مشكور بالحييييييييييييييييييييي يييييييييل )
( والله ما قصررررت )
( مشكور علي صور المفضوحه هيفاء)

---------------------

بلييييييييييييييييز ما تيجوا نتكلم عادى يعني بلاش لغة الروشنه والسهوكه اللي تغيظ دي

شكلي كده طولت عليكم اوعوا تكونوا زهقتم

ها ايه رايكم في الموتوع ده كامد اخر حاجه صح يا روشين

ههههههههههههههههههههه

فعلا هي اللغة العربية اتبهدلت معانا جامد
مش عارفة ايه اللي بيحصل انا لو مكانك همسك الناس واحطها في دايرة مليانة جاز وولع يا قمر

الصلاحة يا محمد الموتوع دامد (يعنى جامد)

بجد تحفة ههههههههههههههههههههههه

بس هو يعنى ايه بيس ؟؟؟

اصل انا مش اعرف معناها ؟؟ sdrtaeQF

موتوح كامد كامد طحن تزلم يامان كول

الترجمه بعد الفاصل

هههههههههههههههههه

(موضوع جامد جامد جدا تسلم يارجل )

انا سعات بتهبل واكلم كده مع الناس الى بتكلم كده بس

اوكي يا ساره بس معيش ولاعه او كبريت لو معاكي تعالي معايه وانتي يست سلمي ايه لسانك اتعوج انتي كمان مش اعرف والله منا قيلك عليها وانتي يست الستات لسانك انتي كمان بيتعوج وبيترجم اوك انا حعديها المرادي وبجد بجد مشكوووووووووووورين علي مروركم

هههههههههههههههههههههههههههههه

جميل فعلا
و مش في مصر بس في اي مكان الكلام اتقلب

و انا كانت عندي مشكلة اني اعمل صحاب في اول السنة لاني غيرت الكلية
و كنت بشوف انة كل الي معايا غريبين
و انا من طبعي بحب البساطة و مبحبش الفرافير ههههههههههههه

ميرسيه جدا يا عادل على الموضوع الجميل دة

شكرااااااااااا لمرورك