~ مش عايزاك ِ .. صدقيني ~

دمعة و بسمة و ضحكة كبيره..
و جنون عاقل و كمان حيره ..
ومشاعر ولدت .. لأ ماتت ..
و ه تفضل جوايا أسيره ..
****
يا ترى الدنيا دي دوامة ؟
ترمينا ف بحر الشوق ياما ..
و لما تتوه بينا خطاوينا
تسرق منا احلى ما فينا
و بكل وقاحة تقول : "يا ندامه "
****
يا ترى الدنيا دي ألعوبه ؟؟
و لا احنا في ايدها عرايس ؟؟؟
ياترى .. هي كانت اكذوبه ...
أو قطر كده ماشي و دايس ؟؟
بيدوس أحلامنا
و ينهيها ..
بيدوس أيامنا
و لياليها
و بيجري على لحظة فرحة
بيسرقها
بكل ما فيها ..
****
يا ترى الدنيا دي دهب قشره ؟
يا ترى ليه بتهون العشره ؟؟
ليه عايزانا نبقى عبيدها ؟
و ارواحنا تبقى لعبة ف ايدها ؟
ليه هي تقرر تقتلنا ؟؟
و هي اللي تقرر تحيينا ؟؟
ليه لما منبعد بتجيلنا ؟
و لما تقرب تلعب بينا ؟
ليه تدينا كل ما نطلب ؟؟
لما نغش و نؤذي و نكدب ؟
ليه لما نهزر تقلب جد ؟
و لما نجد ..بتبتدي تلعب ؟؟
****
ليه يا دنيا بتعانديني ؟
و تاخدي مني احلى سنيني ؟
ليه تكوني وحشة معايا ؟
ليه من حلمي تحرميني ؟
مش كفاك تموتيني
ألف مرة و تدفنيني ؟؟
جاية النهارده ف ثانية
بعد موتي تدبحيني ؟
و عايزة كمان ترجعي بكرة
تمدي ايدك تخنقيني ؟
ما تأجليش موتي يا دنيا
هاتي اللي عندك و خلصيني
اصلي بقيت و الله يا دنيا ..
مش عايزاكِ .. صدقيني ..

جميل اوى ياعاشقه
تسلم ايدك ويارب دايما الجديد منك والممتع

ليه الحزن دا يا دنيا حرام عليكى

~~~~~ مش عايزاك ِ .. صدقيني ~~~~~ Lllllllue6

ايه يا حازم جاي بعد المدة دي كلها عشان تسالني عن الحزن دا وانت عارف السبب ايه

» صدقيني انا عارف؟؟((مهم لكل شاب و لكل فتاة))