أزاي تبقي رزل مع حبيبتك؟

السلام علي احلي أعضاء

بص يا سيدي لو عايز تبقي رزل مع حبيبتك تعمل ايه ؟؟؟

e22

كل ماتتفقوا على ميعاد روحلها متأخر وسيبها تتلطع وتتذنب شوية
وأول ماتوصلها متديهاش إهتمام عشان أساسى هى هتطلع فيك عشان اللطعة أنت لاطعهالها دى
فا حاول تتحجج بأى حاجة كأنك بتعمل حاجة فى الموبايل ولما تسألك بتهبب أيه ؟
قولها بستعلم بس عن الرصيد أو أى حجة هبلة يعنى
ظبط كل مشوايرك المهمة على اليوم اللى هتقابلها فيه عشان تدبسها وتخليها تيجى معاك
وياسلام لو كان فيهم مشوار من بتوع المصالح الحكومية اللى بيطلعك وينزلك مية مرة
ويلففك المصلحة كلها حتة حتة يبقى تمام أوى رجلها على رجلك
لما تقولك أنا جالى عريس قولها أيه ده بجد ؟؟؟؟؟
هتقولك أيوة مستغرب كده ليه ؟؟؟
قولها هو فى حد لاقى عرسان اليومين دول على العموم ألف مبروك ياحبيبتى
لو طلعت بتحكيلك عن عيوبه عادى وبتقولك بقى أنا أتجوز واحد بالطريقة دى والكلام ده
قولها ياحبيبتى آمال أنتى فاكرة أحمد زويل هييجى يتقدملك ماهو ده آخرك يعنى
لو العكس بقى وقالتلك العريس عاجب بابا وماما وعنده وعنده وبيقولولى أنتى عبيطة
قولها أنا كمان رأيى من رأيهم , هتقولك رأيك إن أنت كمان موافق عليه ؟
قولها لأ إن أنتى عبيطة
طبعا الغرض الأول من الحوارات دى إن هى تحرك حضرتك عشان تروح تتقدملها
أعمل عبيط بقى ورد على قد اللى بتسمعه وبس
لو كنتوا فى نفس الجامعة بس كل واحد فى كلية وقاعدين سوا
كل ماتشوف واحدة معاك فى الكلية سيب حبيبتك وقوم أتكلم معاها بأى حجة
ولما ترجع قولها كنت بسألها على حاجة مهمة عندنا فى الكلية
ولما تشوف واحدة تانية قوم برضه أعمل نفس الحوار
ولما ترجع قولها أصل الأولى مكنتش عارفة فا سألت دى وهكذا
لو هتدخلوا سينما هى طبعا عايزة تشوف فيلم رومانسى ولا حاجة
أنت بقى أمسك فى إنك تختار فيلم كوميدى أو رعب
لو كوميدى أفضل أضحك طول الفيلم حتى على الحتة البايخة ونفضلها خالص ولا كأنها جنبك
اما لو دخلتوا رعب لو كنت بتحب أفلام الرعب ركز مع الفيلم ونفضلها برضه
أما بقى لو كنت بتخاف وداخلة عند فيها أو عشان تثبتلها إنك بطل وقلبك ميت
فا الحل الوحيد تعمل إنك رايح عليك نومة بس لو معرفتش تنام من صوت الأكشن
فا ألبس نظارة سودة وقولها أصل الأشعة بتتعب عينى وغمض براحتك بقى يامعلم ونفض على الآخر
لو بتتغدوا بره وبتسألها هتاكلى أيه وقالتلك أطلبلى زيك وأطلبلى أى حاجة من غير شطة
وروح وصيه أنت بقى يزود الشطة على قد مايقدر
ولما الأكل يجى قولها أنا كنت فاكرك بتقولى أى حاجة فيها شطة
لو فى مناسبة زى عيد ميلادها أو الفلانتين أو أى حاجة
أتصل بها والأول خدها فى الكلام وأقعد كلمها ساعتين فى حاجات فارغة ملهاش علاقة بالمناسبة
وفجأة قولها ثانية واحدة ياحبيبتى هكلمك تانى فى حاجة مهمة
ومتسألش فيها باقى اليوم وضيع عليها المناسبة
بعد كده لما تسألك السبب قولها أصل كان فى كليب أول مرة أشوفه
أو كنت بتفرج على فيلم عاجبنى وكنت بكلمك فى الفاصل ولما رجع اضطريت أقفل
أو ماما كانت مجهزة الأكل وبتنادى عليا وأنا كنت جعان أوى ومقدرتش أستنى
أى حجة رذلة تحرق الدم وخلاص
لو جابتلك هدية وسألتك أيه رأيك فيها قولها كانت جابتهالى واحدة صحبتى أو قريبتى قبل كده زمان
قصدك يعنى إن الهدية قديمة ومش مالية عينك
ونفس الحوار فى مسجات الموبايل كل ماتبعتلك حاجة قولها اتبعتتلى قبل كده
لو قالتلك مانا بشوف المسجات بتاعتك علطول قولها يبقى شوفتها فى موبايل حد أعرفه
المهم إن أنا قريتها قبل كده حتى لو كنت أول مرة تشوفها فى حياتك
مش بعيد هى بقى تألفلك مسج وتقولها شوفتها قبل كده وتبقى أتفقست يامعلم
عادى برضه شككها فى نفسها وسوق فى الإستهبال

كده أنته رزل أخر حاجه .... ولا لسه في حاجه تانيه؟

اللي يعرف يقولي

شكرااااااااااااا يا ايهاب باشا علي الموضوع

والله العظيم يا ايهاب حرام عليك

انا لو اللى بحبه عمل فيا كده

هطلع فيه جنون الستات

وما ادراك بجنون الستات ؟؟

ميرسى يا ايهاب على الرزاله قصدى على التوبيك

جنون الستات
استر يارب

لا من غير رزاله احسن

ههههههههههه

وكمان يا هوبة لو حبت توريك لاصحابها على اساس انك القرد بتاع ابوها
روحا لها بازبل طقم عندك عشان تفضحها
وكمان ياريت لو تظهر لهم انك بيئة معاهم

لو قالت لك ايه رايك فيا قول لها انتى قمر بس قمر بالستر

نايس توبيك يا هوبة

يا سيدي دا انت قديم بقي في المجال دا
ههههههههه

شكرا علي مرورك الجميل ده ياهاني

مشكور يا ايهاب بس اكيد انت متهنش عليك تعمل فيها كدة

ههههههههههههههههههههههههههههههههه
فى واحده فى الدنيا تستحمل كده
ههههههههههههههههههههههههههههههه
ههههههههههههههههههههههههههههههههه
دى حاجه صعبه اوى يابنى اكيد هتطفش من اول موقف
خاصه لو كانت نرفوزه
هههههههههههههههههههههههههههههههههههههههه
مشكور يا هوبا على الموضوع ده الى هينقط البنات

ههههههههههههههههههههههههههههههه
والله حرام عليك يا ايهاب
مين دى اصلا اللى هتتحمل اول موقف من الرخامه دى
وبعدين فين اصلا اللى هيعمل كده مع حبيبته
دى تبقى مش حبيبته بقى دى ضرته

الله يكون فى عون البنات من الجيل الصاعد ده والله
نايس توبيك يا ايهاب

هههههههههه
اللي يحب يتحمل مش كده ولا ايه
ههههههههه
نورتي الموضوع بردك يا هاله

ههههههههههههههههههههههههههههه
بقى انا حد يعمل معايا كدة دة انا بقى هوريه ازاى التنفيض على اصله
وهخليه يلف حوالين نفسه

وعلى العموم تسلم ايدك يا ايهاب على الموضوع اللى .................. ولا بلاش احسن
ههههههههههههههههههههه

مشكور اوى ياايهاب على الموشوع
روح ياشيخ اللهى يعمر بيتك
انا هامشى على الخطه دى وهابقى اقولك الاخبار
بس اوعى تكون بترمينى فى التهلكه انا هامشى على الخطه وهابقى احكيل
تسلم ايدك ياباشااااااااااااااااااااا

مشكووور يا منه علي ردك
ماشي ياعم عصام يا ريت جرب وقولي
هههههه

ياساتر يارب

لما ده المفروض يتعمل مع حبيبتك يبقى ربنا يكون فى عون اعدائك بقى

دي منغشه ياااااا مون لايت
دلع
ههههههههههه
شكر جدا علي مرورك يا مون لايت

يانهار ابيض ياايهاب
بقا تعمل معايا كدا انا كنت هاروح فى داهيه
روح ياشيخ اللى ربنا يسترك ربنا يسامحك هههههههههههههههههههههههههه

عصام جرب ومنفعش.............. اركن على جنب يا عصوم

ههههههههههههههههههههههههه
لما انت مش قد الموضوع الجامد دة بتعمله ليه

اركن على جمب
ايه يامنه البلطجه دى براحه مش عايزين بلطجه ههههههههههههههههههههههههههههه
ادينا ركنا اهو
ربنا يسامحك ياايهاب شمت فينا منه

اللهم لا شماته

بس اللى بيحب بجد عمرة ما يعمل كدة

جميل جدا يا ايهاب تسلم ايدك
بسي بتهيئلي هية كمان هتبقي ارزل منة لو عاملها بالطريقة دى
جميلة جدا تسلم ايدك

علي فكرة يا عصام انت منفزتش صح
هههههههههه
شكرا جدا يا أميرة علب مرورك الجميل ده

هوة اصلا ميقدرش بنفذ

هههههههههههههههههههههههه
ولا ايه يا عصوم

هههههههههه
انا معرفش هو نظامه ايه
ايه الناس اللي بتدبح القطه راحت فين ؟؟
خلصوا !!
هههههههههههههههه

تصدق يا ايهاب انا لو واحد بحبه عمل فيا كده انا بقي هوريه اللي انيل من كده ويارب اللي تحبك تعمل فيك يا مفتري يا خووووووووووياااااااااااااااااااااا
وطبعا هاني ضليع في الحاجات دي وعايزين نشوف آخرك يا هاني انا مستنية مواضيعك انت وايهاب

هههههههههه
ان شاء الله مش هيبقي في من الحاجات دي خالص
هههههههه

» ازاي تبقي رذل مع اخوك
» ليه لما تبقي طيب الناس تستغلك
» علشان تبقي قمر 14, الحلقات
» ازاي تبقي عندك موهبة الحوار والنقاش
» يوم 1-10 عيد ميلاد moon_light عشان تبقي الفرحة فرحتين