مأساة صرصار

في قديم الزمان كان في صرصار بسيط على قد حالة يعنى
بيشتغل جناينى فى قصر السلطان

الصرصور الأعظم

وكان السلطان عندة حته صرصارة
مجننة الصرصار ابن الجناينى شافها كذا مرة واتكلموا
جنب مجارى رقم 43 و نشأت بينهم قصه حب أسطورية.
وقام الصرصار ابن الجناينى اتجرأ وطلب ايد بنت السلطان
وما كان عقابه على هذا الحلم الأسطورى
سوى سجن الجناينى الغلبان و تعذيب قلوب صراصير.
وحس الصرصار ان حياته هو و باباه انتهت
والحادثه اثرت على قرون الأستشعار، عنده فقرر
يروح يشتغل فى دار مسنين فلقى صرصارة عجوزة
غلبانة فقرر يساعدها و يكفر عن ذنبه مع باباه،
وعددت ايام وشهور وبعدين ماتت الصرصارة العجوزة
وكان فى غايه الحزن
والتأثر راح من عليه اول ماعرف الثروة اللى هيه سيباهاله
وقال خلاص هيطلع بباه من السجن ويتجوز الأميره
ولكن لسوء حظه طلع له صرصار فى الزور
وهو ابن العجوزة وخد الميراث كله ملقاش حل قدامه
الا الأنتحار علشان الدنيا كانت قفلت كل أبوابها فى وشه.
قعد ماشى ماشى لغايه ملقى صحرا واسعه
فيها رمال متحركه وقفز فيها قفزه السوبر صرصار
اللي كان بيتفرج عليه في التلفزيون
ولقى نفسه فى حته حر قوى عرف انه دخل النار
ولكن بعد أيام من إقناعه بانه مامتش قدر يستوعب الحقيقه
ولقى نفسه فى قبيلة شيخ الصراصير
و الخيم التابعه لها(على شويه رمل كانوا متبقيين من بناء بيت بشرى)

وحكى الصرصار لشيخ الصراصير حكايته المؤسفة
وتاثر الجميع وشيخ البلد حبه قوى و عامله زى ابنه
وخلاه يدير التجاره الخارجية بين البلاعات
وبعضها، ويقود السفن الضخمه فى المجاري العميقة،
و سنتين عدوا وبقى أكبر و أغنى تاجر فى تلك البلاد
و فجأة مات شيخ البلد اللى احتواه زى ابنه
وقد كانت تلك بالصدمه الكهربيه على الصرصار
وقرر أنه هيكمل الطريق وهيروح بالثروة
الى عنده و يشترى قصر كبير متنقل و عربيه
تاكسي ويحرر باباه ويتجوز الاميره...
شهور طويلة فى عدت ولما وصل بيبص من شباك العربيه لقى
الأميرة وكأنها حاسة أنه جاي وجريت علشان تستقبله،
وبعدين قام جي يتحرك بسرعة الشوق،
ولسه جاي يفتح الباب وبعدين
.
.
.
.
.
.
.
.
.
.
.
.
.
.
.
.
.
لزق فى شبشب واحد ماشي ولقى حتفه
مأساة صرصار Icon_smile_FRlol

حلوه

ودى نهاية قصة غرام في البلاعات

بصراحة صرصار حظه وحش اوى

يستاهل

عشان بعد كدا يحلم على اده

شكرا يا عمرو نايس توبيك

شكرا يا هانى على مرورك وميحرمناش من ردودك الحلوة

هههههههههههههههههههههههههههههه
دا صرصار نحس اووووووووووى

ميرسى على التوبيك العاطفى ده
تسلم ايديك

موضوع حلو أوي مرسي ليك

شكرا على ردكم الجميل دة

» صرصار تسبب في توبة فتاة..
» ازاى تعذب صرصار !!!!! اللى بيخاف من الصراصير لازم يدخل