اللى فاشل دلوقتى .. ممكن اوى يبقى ناجح بعدين

اوقات بتكون صعبة اوى ان حد فاشل فى وقت و بعد كدا ينجح و يبقى حاجة كبيرة فى يوم من الايام .. لان للاسف بيكون فيه حاجة رايحة عن بال ناس كتير و هى ان الفشل لازم يكون زى المدرس لينا اللى يعلمنا من اخطاءنا مش يبقى مقبرة لكل حاجة نطمح فيها .. لان الفشل ده مجرد حالة تاخير للفوز باحلامنا او بطموحاتنا و مش بيكون هزيمة ابدا , ليه مش نعتبره تحويل مؤقت فى طريقنا و مش نهاية مميتة لينا !!
الحياة عبارة عن سلسلة من تجارب و خبرات و احداث و ايام و مشاكل كمان .. فيها الحلو و فيها الوحش و كلنا عارفين الكلام ده كويس لكن فيه اللى مش عارف ان ممكن خبرة او تجربة او حاجة حصلت من كل ده يخليه اقوى و ضعه احسن بدل من الاحباط اللى بيتولد نتيجة اننا نقابل حاجة صعبة فى دا كله .
عشان كدا لازم نتعلم ان الاحباط و المعاناة و الزعل هما فى الحقيقة مساعدة لينا و دافع اننا نتقدم و ان العالم دا كله فرصة كبيرة عشان نطور نفسنا .. فلازم نفضل وسط الاحداث عشان نتعلم !!
و لازم مش نستسلم للفشل فى حاجة لحد ما تكون فشل كلى لينا لا قدر الله .. تبقى فشل فى المحاولة و فرصة لمحاولة تانية ناجحة .. و الفرق بين الاتنين اننا لو اعتقدنا ان الفشل من شخصنا احنا هانبقى بنقلل من شأننا و من قدراتنا الشخصية كمان .. و ده طبعا غلط ,, لكن لو اعتقدنا ان الفشل فى المحاولة نفسها فممكن نشوف ايه سبب فشلها و نتجنبه خالص ...
و بصراحة كدا انا من رايى ان مفيش فشل حقيقى .. لان اللى بنقول عليه فشل ده بيكون مجرد تجربة زى ما قلت و ممكن نشوف غلطا فيها و نصححه باذن الله .. و الشخص الفاشل فعلا هو اللى مش بيتعظ من تجاربه و يعتبر ان الامور انتهت بانه فاشل و بس !!
طبعا ده الغلط و مش من الصح نفسيا و عقليا ان اى حد يفكر بالطريقة دى .. خاصة و ان الظروف اللى حوالينا فى الزمن ده فيها كتير اوى اللى يدعو بالفشل بصراحة .. لكن اللى عايز اوصله ببساطة جدا ان فعلا اللى فاشل دلوقتى .. ممكن اوى يبقى ناجح بعدين

زائر

ThAnK yOu

الموضوع جميل جدااا

تسلم ايدك يا عمور

شكرا على مروركم

» بتفكر فى ايه دلوقتى؟؟؟ ممكن تدخل تقولنا......
» اللى شايف نفسه زكى يخش واللى شايف نفسه غبى ميخشش فزوره اللى يحلها يبقى عبقرى المنتدى
» مين اللى عايزة شعرها يبقى تقيل اوى؟؟؟؟؟؟؟؟؟؟
» هل نحن جيل فاشل
» : أنا فاشل !!!